完整藏文原文 · 德格版页 当前仅加载第 42 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བ་སྡུག་ཅིང་འཇམ་ལགས་གསེར་གྱི་ཁ་དོག་འདྲ། །བལྟ་སྡུག་གཟུགས་མངའ་ཐུབ་པའི་སྐུ་ལ་ཕྱག་འཚལ་ལོ། །བསྐལ་པ་བྱེ་བརྒྱ་བསམ་གྱིས་མི་ཁྱབ་བརྟུལ་ཞུགས་སྤྱད། །བསྐལ་པ་བྱེ་བ་བརྒྱ་མང་སངས་རྒྱས་བསྟི་སྟང་མཛད། །སྔོན་ཆད་མཆོད་སྦྱིན་བརྒྱ་ཕྲག་བསམ་
D62.042.0254a01.01གྱིས་མི་ཁྱབ་མཛད། །དེས་ན་ཁྱོད་སྐུ་བཟང་ཞིང་ཤིན་ཏུ་མཛེས་པ་ལགས། །སྦྱིན་དང་ཚུལ་ཁྲིམས་ཏིང་ངེ་འཛིན་དང་ཤེས་རབ་དང་། །བཟོད་དང་བརྩོན་འགྲུས་བསམ་གཏན་ཐབས་ཀྱིས་ཁྱོད་གཟུགས་སྦྱངས། །ཁྱོད་ཀྱི་སྤྱན་སྔར་བརྒྱ་བྱིན་ཚངས་འོད་གསལ་མ་ལགས། །ཆུ་ཤེལ་ནོར་བུ་
D62.042.0254a02.01གློག་གི་འོད་ཀྱང་མཛེས་མ་ལགས། །འགྲོ་བའི་དོན་དུ་ཡིད་དུ་མཆི་བའི་གཟུགས་ཀྱང་སྟོན། །ཆུ་ཟླ་འདྲ་ཞིང་སྒྱུ་མ་འདྲ་བར་གདའ་བ་ལགས། །རང་གི་ཕྱོགས་རྣམས་ཀུན་ཏུ་རྒྱལ་བའི་སྐུ་ཡང་གདའ། །བདེ་གཤེགས་རྣམས་ཀྱི་སྐུ་ཡི་ཚད་ནི་གདའ་མ་ལགས། །ཁྱོད་ནི་དགའ་ལྡན་འགའ་ཞིག་ན་
D62.042.0254a03.01ཡང་བཞུགས་པར་གདའ། །འཆི་འཕོ་མཛད་ཅིང་རབ་དཀར་གླང་པོར་གྱུར་ནས་ནི། །དཔའ་བོ་ཡུམ་གྱི་ལྷུམས་སུ་གཤེགས་པར་གདའ་བ་མཛད། །ཐུབ་ཆེན་ནམ་མཁའ་ལྟ་བུར་ཐམས་ཅད་རྗེས་སུ་ཞུགས། །བཅོམ་ལྡན་ཕྱོགས་འགར་བལྟམ་པར་སྟོན་པའང་མཛད་པ་སྟེ། །ས་འགའ་དག་ཏུ་
D62.042.0254a04.01གོམ་པ་བདུན་པོར་གདའ་བ་མཛད། །ང་ནི་ལྷ་མིར་བཅས་འགྲོ་ནང་གཙོ་ཤིན་ཏུ་ལྟ། །འགྲོ་བ་སྡུག་བསྔལ་མཚོ་ལས་གདོན་ཅེས་གསུང་ཡང་ཕྱུང་། །ཐུབ་ཁྱོད་ཆོས་གང་ལ་ཡང་ཐེ་ཚོམ་མི་མངའ་ཡང་། །ཡི་གེ་ཤེས་པ་སློབ་ལྟར་འཇིག་རྟེན་དག་ན་གདའ། །བསམ་གཏན་ཏིང་འཛིན་སྤྱོད་ཡུལ་ཞི་
D62.042.0254a05.01བ་བརྙེས་གྱུར་ཀྱང་། །ཁ་ཅིག་ཏུ་ནི་བུད་མེད་ནང་ན་བཞུགས་པར་གདའ། །ཡབ་དང་ཡུམ་དང་སྲས་དང་བུད་མེད་རྣམས་ཀྱང་བཏང་། །གཉན་རྣམས་མྱ་ངན་ནོན་ཏེ་རྣམ་པར་བརྒྱལ་ཞིང་ངུ་། །སེམས་ཅན་དམ་པ་བྱེ་བ་བརྒྱ་ལྷས་ཡོངས་བསྐོར་ནས། །ནགས་གནས་གནས་གཅིག་པོ་ནས་འབྱུང་བར་གདའ་བ་
D62.042.0254a06.01འང་མཛད། །ཁྱོད་ནི་བདུད་བཞི་ཕམ་པར་མཛད་ནས་ཡུན་རིང་ཡང་། །ཞིང་ན་བདུད་འདུལ་བ་ཡང་གདའ་བ་སྟོན་པར་མཛད། །སྔོན་ཆད་འཁོར་ལོ་བསམ་གྱིས་མི་ཁྱབ་བསྐོར་གྱུར་ཀྱང་། །ཁྱོད་ནི་ཐུགས་རྗེས་འཁོར་ལོ་བསྐོར་བར་གདའ་བ་མཛད། །རྟག་ཏུ་རྟག་ལྟ་འདུ་ཤེས་ལྡན་པའི་འགྲོ་གཟིགས་
D62.042.0254a07.01