完整藏文原文 · 德格版页 当前仅加载第 43 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བཟོད་པ་དེ་ནི་ཆོ་འཕྲུལ་ལགས་སོ། །འདི་ལྟ་སྟེ། བླང་བ་མ་མཆིས་པ་དང་། དོར་བ་མ་མཆིས་པ་དང་། གནས་པ་མ་མཆིས་པའི་འཁོར་གསུམ་ཡོངས་སུ་དག་པའི་བརྩོན་འགྲུས་དེ་ནི་ཆོ་འཕྲུལ་ལགས་སོ། །འདི་ལྟ་སྟེ། ནང་ཉེ་བར་ཞི་བ་དང་། ཕྱི་
D66.043.0041a01.01རོལ་ཏུ་རྒྱུ་བ་མ་མཆིས་པ་དང་། སེམས་བསགས་པ་མ་མཆིས་པའི་འཁོར་གསུམ་ཡོངས་སུ་དག་པའི་བསམ་གཏན་དེ་ནི་ཆོ་འཕྲུལ་ལགས་སོ། །འདི་ལྟ་སྟེ། ངར་འཛིན་པ་རྣམ་པར་སྤངས་པ་དང་། ང་ཡིར་འཛིན་པ་བོར་བ་དང་། ལྟ་བའི་རྣམ་པ་ཐམས་ཅད་དང་བྲལ་
D66.043.0041a02.01བའི་འཁོར་གསུམ་ཡོངས་སུ་དག་པའི་ཤེས་རབ་དེ་ནི་ཆོ་འཕྲུལ་ལགས་སོ། །ཆོས་ཐམས་ཅད་ནི་རྣམ་པར་བྲལ་བ་མ་མཆིས་པ་ལགས་ན་དེ་དག་རྣམ་པར་བྲལ་བར་བཤད་པ་ནི་ཆོ་འཕྲུལ་ལགས་སོ། །ཆོས་ཐམས་ཅད་ནི་དངོས་པོ་མ་མཆིས་པ་ལགས་ན་རང་གི་ངོ་བོ་དང་
D66.043.0041a03.01བྲལ་བར་བཤད་པ་དེ་ནི་ཆོ་འཕྲུལ་ལགས་སོ། །ཆོས་ཐམས་ཅད་ནི་དབྱེར་མ་མཆིས་པ་ལགས་ན་ཡི་གེས་ཀུན་ཏུ་ཕྱེ་སྟེ་བཤད་པ་ནི་ཆོ་འཕྲུལ་ལགས་སོ། །ཆོས་ཐམས་ཅད་ནི་འོང་བ་མ་མཆིས་པ་དང་། འགྲོ་བ་མ་མཆིས་པ་ལགས་ན་འོང་བ་དང་འགྲོ་བར་བཤད་པ་ནི་ཆོ་
D66.043.0041a04.01འཕྲུལ་ལགས་སོ། །ཆོས་ཐམས་ཅད་ནི་འབྱུང་བ་མ་མཆིས་པ་ལགས་ན་འབྱུང་བར་བཤད་པ་ནི་ཆོ་འཕྲུལ་ལགས་སོ། །ཆོས་ཐམས་ཅད་ནི་མངོན་པར་རྟོགས་པ་གཅིག་པ་ལགས་ན་འབྲས་བུ་རྣམ་པར་དགོད་པ་བཤད་པ་ནི་ཆོ་འཕྲུལ་ལགས་སོ། །ཆོས་ཐམས་ཅད་ནི་རོ་
D66.043.0041a05.01གཅིག་པ་ལགས་ན་ཐེག་པ་གསུམ་དུ་རྣམ་པར་དགོད་པ་བཤད་པ་ནི་ཆོ་འཕྲུལ་ལགས་སོ། །ཆོས་ཀྱི་དབྱིངས་ན་དབྱེར་མ་མཆིས་པ་ལགས་ན་ཆོས་ཐམས་ཅད་རྣམ་པར་དགོད་པ་བཤད་པ་ནི་ཆོ་འཕྲུལ་ལགས་སོ། །སངས་རྒྱས་ཐམས་ཅད་ནི་སངས་རྒྱས་གཅིག་པ་ལགས་ན་
D66.043.0041a06.01སངས་རྒྱས་དཔག་ཏུ་མ་མཆིས་པར་བཤད་པ་ནི་ཆོ་འཕྲུལ་ལགས་སོ། །ཞིང་ཐམས་ཅད་ནི་ཞིང་གཅིག་པ་ལགས་ན་ཞིང་སྣ་ཚོགས་བཤད་པ་ནི་ཆོ་འཕྲུལ་ལགས་སོ། །སེམས་ཅན་ཐམས་ཅད་ནི་སེམས་ཅན་གཅིག་པ་ལགས་ན་སེམས་ཅན་གྱི་རིམ་པ་བཤད་པ་ནི་ཆོ་འཕྲུལ་
D66.043.0041a07.01