完整藏文原文 · 德格版页 当前仅加载第 43 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
དོན། །ངེས་པར་སེང་གེའི་སྒྲ་ཞེས་བགྱི། །ལྟ་དང་དམིགས་པ་གནས་ལགས་ཏེ། །དེ་དག་གིས་ནི་འཇིག་རྟེན་འཇུག །ཆོས་རྣམས་སྟོང་པར་རབ་བཤད་པ། །ངེས་པར་སེང་གེའི་སྒྲ་ཞེས་བགྱི། །འཇིག་རྟེན་མགོན་པོས་ཆོ་འཕྲུལ་ནི། །གང་དག་ཇི་སྙེད་བསྟན་མཛད་པ། །དེ་དག་ཐམས་ཅད་
D66.043.0045b01.01བཤད་པ་ནི། །ངེས་པར་སེང་གེའི་སྒྲ་ཞེས་བགྱི། །སེམས་ནི་མཉམ་པ་ཉིད་སླད་དུ། །རྗེས་སུ་འཐུན་དང་མི་འཐུན་པ། །གང་ལའང་སེམས་ནི་མི་འཇུག་པ། །དེ་ནི་རྗེས་འཐུན་བཟོད་པ་ལགས། །སངས་རྒྱས་རྣམས་ཀྱིས་བཤད་པ་ཡི། །ཟབ་ཅིང་ཞི་ལ་འཐུན་བགྱིད་ཅིང་། །
D66.043.0045b02.01དེ་ལ་རྩོད་པར་མི་བགྱིད་པ། །དེ་ནི་རྗེས་འཐུན་བཟོད་པ་ལགས། །མི་དགེ་ཐམས་ཅད་མ་གཏོགས་པར། །དགེ་ཆོས་རྣམས་ལ་འཇུག་འགྱུར་ཞིང་། །དེ་ལའང་གནས་པར་མི་བགྱིད་པ། །དེ་ནི་རྗེས་འཐུན་བཟོད་པ་ལགས། །སྟོང་པའི་སྒྲ་དང་སེམས་ཅན་སྒྲ། །དེ་བཞིན་ལྟ་བའི་སྒྲ་དང་ནི། །
D66.043.0045b03.01སྒྲ་རྣམས་ཀུན་ལ་མ་ཆགས་པ། །དེ་ནི་རྗེས་འཐུན་བཟོད་པ་ལགས། །སངས་རྒྱས་སྒྲ་དང་ཉོན་མོངས་སྒྲ། །རྣམ་མང་ཆོས་ཀྱི་སྒྲ་རྣམས་དང་། །གང་གི་སྒྲ་ལའང་མི་རྟོག་པ། །དེ་ནི་རྗེས་འཐུན་བཟོད་པ་ལགས། །སྦྱིན་དང་ཚུལ་ཁྲིམས་ཐོས་པ་དང་། །བརྩོན་འགྲུས་བསམ་གཏན་ཤེས་
D66.043.0045b04.01རབ་དང་། །དེ་བཞིན་ཀུན་ལ་བརྩོན་བགྱིད་པ། །དེ་ནི་རྗེས་འཐུན་བཟོད་པ་ལགས། །ཐམས་ཅད་དག་ལ་སེམས་མཉམ་ཞིང་། །བྱང་ཆུབ་སེམས་ནི་མི་སྤོང་ལ། །བྱང་ཆུབ་ལམ་ནི་སྟོན་བགྱིད་པ། །དེ་ནི་རྗེས་འཐུན་བཟོད་པ་ལགས། །རྫོགས་སངས་རྒྱས་ཀྱིས་བདག་ཅག་ལ། །དེ་འདྲའི་
D66.043.0045b05.01ཆོས་ནི་བསྟན་མཛད་དེ། །དེ་ལ་སོམ་ཉི་མ་མཆིས་པ། །དེ་ནི་རྗེས་འཐུན་བཟོད་པ་ལགས། །བདག་ཀྱང་བྱང་ཆུབ་སངས་རྒྱས་ཤིང་། །སེང་གེའི་སྒྲ་སྐད་བསྒྲགས་ནས་ནི། །ཇི་ལྟར་འདྲེན་པས་བསྟན་མཛད་པའི། །ཆོ་འཕྲུལ་ངེས་པར་བསྟན་པར་བགྱི། །ཞིང་འདི་བསམ་གྱིས་མི་ཁྱབ་སྟེ། །
D66.043.0045b06.01བླ་མེད་བསོད་ནམས་ཞིང་དེ་ལ། །བདག་གིས་ས་བོན་བཏབ་པས་ན། །བདག་ནི་སླར་ལྡོག་མ་མཆིས་ལགས། །དོག་ས་ཐམས་ཅད་རྡོལ་འགྱུར་ཞིང་། །རྒྱ་མཚོ་འདབས་པར་འགྱུར་གདའ་ཡི། །རྫོགས་སངས་རྒྱས་ལ་བསྐྲུན་པ་ཡི། །ས་བོན་ནམ་ཡང་ཆབ་མི་འཚལ། །སེམས་
D66.043.0045b07.01