完整藏文原文 · 德格版页 当前仅加载第 43 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཀྱི་སྤྱོད་པ་བསྟན་པ་འདི་བཤད་པ་ན་སྤྱོད་པ་ལ་ཞུགས་པའི་བྱང་ཆུབ་སེམས་དཔའ་ལྔ་བརྒྱས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་ནས་ལྷའི་བུ་དེད་དཔོན་གྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱིས་བྱང་ཆུབ་སེམས་དཔའ་
D66.043.0063b01.01རྣམས་ཀྱི་སྤྱོད་པ་དེ་ནི་ལེགས་པར་སྨྲས་སོ། །བྱང་ཆུབ་སེམས་དཔའ་གང་དག་སྤྱོད་པ་དེ་དང་མ་བྲལ་བ་དེ་དག་ནི་དེ་ཉིད་ཀྱིས་ལུང་བསྟན་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ལྷའི་བུ་གང་གི་ཚེ་ང་སྤྱོད་པ་དེ་དང་མ་བྲལ་བར་གྱུར་
D66.043.0063b02.01པ་དེའི་ཚེ་དེ་བཞིན་གཤེགས་པ་མར་མེ་མཛད་ཀྱིས་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏེ། དེར་ངས་མི་སྐྱེ་བའི་ཆོས་ལ་བཟོད་པ་ཐོབ་བོ། །ལྷའི་བུ་གང་སྤྱོད་པ་རྣམ་པར་དག་པའི་མཚན་ཉིད་ཀྱི་ཆོས་རྣམས་ལ། བྱང་ཆུབ་སེམས་དཔའ་རྣམས་ཀྱི་སྤྱོད་པ་དེ་ལྟ་བུ་
D66.043.0063b03.01དེ་དག་རབ་ཏུ་འབྱེད་པར་བྱེད་པ་དེ་ཡང་དེ་བཞིན་གཤེགས་པའི་ཆོ་འཕྲུལ་ཆེན་པོ་ཡིན་ནོ། །དེ་ནས་བཅོམ་ལྡན་འདས་ལ་ལྷའི་བུ་དེད་དཔོན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་མི་སྐྱེ་བ་ཞེས་བགྱི་བ་ནི་ཅི་ལགས། འཇུག་པ་གང་གིས་ན། བྱང་ཆུབ་སེམས་དཔའ་མི་སྐྱེ་བའི་ཆོས་
D66.043.0063b04.01ལ་བཟོད་པ་ཐོབ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་མི་སྐྱེ་བ་ཞེས་བྱ་བ་དེ་ནི་གཟོད་མ་ནས་མ་སྐྱེས་པའི་མུའི་མཚན་ཉིད་ཀྱི་ཚིག་{བླ་དགས་,བླ་དྭགས་}ཡིན་ཏེ། དེ་ནི་སྔོན་བྱུང་བར་གྱུར་ལ་ཕྱིས་མ་བྱུང་བར་གྱུར་པ་མ་ཡིན་ཏེ། དེ་ནི་གཟོད་མ་ནས་མ་བྱུང་བ་ཉིད་ཡིན་ནོ། །དེ་ནི་
D66.043.0063b05.01སྔོན་སྲིད་པར་གྱུར་ལ་ཕྱིས་མི་སྲིད་པར་གྱུར་པ་མ་ཡིན་ཏེ། དེ་ནི་གཟོད་མ་ནས་མི་སྲིད་པ་ཉིད་ཡིན་ནོ། །དེ་ནི་སྔོན་སྐྱེས་པར་གྱུར་ལ་ཕྱིས་མ་སྐྱེས་པར་གྱུར་པ་མ་ཡིན་ཏེ། དེ་ནི་གཟོད་མ་ནས་མ་སྐྱེས་པ་ཉིད་ཡིན་ནོ། །དེ་ནི་སྔོན་མངོན་པར་འདུས་བྱས་པ་ཡིན་ལ་ཕྱིས་མངོན་པར་འདུས་མ་བྱས་
D66.043.0063b06.01པ་མ་ཡིན་ཏེ། དེ་ནི་གཟོད་མ་ནས་མངོན་པར་འདུས་མ་བྱས་པ་ཉིད་ཡིན་ནོ། །དེ་ནི་སྔོན་ཡོད་པར་གྱུར་ལ་ཕྱིས་མེད་པར་གྱུར་པ་མ་ཡིན་ཏེ། དེ་ནི་གཟོད་མ་ནས་འགྱུར་བ་མེད་པ་ཉིད་ཡིན་ནོ། །དེ་ནི་སྔོན་གང་ཟག་ཏུ་བགྲང་བར་གྱུར་ལ་ཕྱིས་གང་ཟག་ཏུ་མི་བགྲང་བར་གྱུར་པ་མ་ཡིན་ཏེ། དེ་ནི་
D66.043.0063b07.01