完整藏文原文 · 德格版页 当前仅加载第 43 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་བ་དང་། དེའི་སྤོབས་པ་སྐྱེས་པ་ཆུད་མི་ཟ་བར་འགྱུར་བ་དང་། གཟུངས་ཐོབ་པར་བྱ་བའི་ཕྱིར་དེའི་སེམས་དྲང་པོར་འགྱུར་བ་དང་། ཚེགས་ཆུང་ངུས་སེམས་ཅན་མང་པོ་དག་གི་དོན་བྱེད་པར་འགྱུར་བ་དང་། ཚེགས་ཆུང་ངུས་སེམས་ཅན་རྣམས་
D69.043.0136a01.01དེ་ལ་གུས་པར་རིམ་གྲོ་བྱེད་པར་འགྱུར་བ་དང་། ལུས་ཀྱི་སྡོམ་པ་ཐོབ་པར་འགྱུར་བ་དང་། ངག་གི་སྡོམ་པ་ཐོབ་པར་འགྱུར་བ་དང་། ཡིད་ཀྱི་སྡོམ་པ་ཐོབ་པར་འགྱུར་བ་དང་། ངན་འགྲོའི་འཇིགས་པ་ལས་འདའ་བར་འགྱུར་བ་དང་། རབ་ཏུ་དགའ་བཞིན་དུ་འཆི་བའི་དུས་
D69.043.0136a02.01བྱེད་པར་འགྱུར་བ་དང་། ཕས་ཀྱི་རྒོལ་བ་ཐམས་ཅད་ཆོས་དང་འཐུན་པས་ཚར་གཅོད་པར་འགྱུར་བ་དང་། དེའི་གཟི་བརྗིད་སེམས་ཅན་རིགས་མཐོན་པོ་དག་གིས་ཀྱང་མི་བཟོད་ན་ཕལ་དག་གིས་ལྟ་ཅི་སྨོས་པ་དང་། དབང་པོ་ཟིལ་གྱིས་མི་ནོན་པར་འགྱུར་བ་དང་། ལྷག་པའི་བསམ་
D69.043.0136a03.01པ་ཕུན་སུམ་ཚོགས་པ་འཛིན་པར་འགྱུར་བ་དང་། ཞི་གནས་དང་ལྷག་མཐོང་ཐོབ་པར་འགྱུར་བ་དང་། དཀའ་བ་སྤྱད་པ་དག་ཡོངས་སུ་རྫོགས་པར་འགྱུར་བ་དང་། བརྩོན་འགྲུས་བརྩམས་པ་ལས་ཡོངས་སུ་ཉམས་པར་མི་འགྱུར་བ་དང་། དམ་པའི་ཆོས་ཀུན་དུ་སྲུང་བར་འགྱུར་
D69.043.0136a04.01བ་དང་། ཕྱིར་མི་ལྡོག་པའི་ས་མྱུར་དུ་ནོན་པར་འགྱུར་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ལ་འཐུན་པར་གནས་པར་འགྱུར་བ་སྟེ། བྱམས་པ་ཉི་ཤུ་པོ་དེ་དག་ནི་ཟང་ཟིང་མེད་པའི་སེམས་དང་ལྡན་པའི་ཆོས་ཀྱི་སྦྱིན་པའི་ཕན་ཡོན་ཡིན་ནོ། །བྱམས་པ་ཕྱི་
D69.043.0136a05.01མའི་དུས་ན་བྱང་ཆུབ་སེམས་དཔའི་ཐེག་པ་པའི་ཟང་ཟིང་དང་བཅས་པའི་ཆོས་ཀྱི་སྦྱིན་པ་ལ་ཆེས་ཡི་རངས་པར་འགྱུར་ལ། ཟང་ཟིང་མེད་པ་ལ་ནི་མ་ཡིན་ཏེ། ཤེས་རབ་འཆལ་བར་འགྱུར་བ་དེ་དག་ལ་ལྟོས། དེ་དག་འདི་ལྟར་མཛའ་བཤེས་ཀྱི་ཁྱིམ་དང་། སློངས་མོ་
D69.043.0136a06.01སྟེར་བའི་ཁྱིམ་ལ་རྟེན་ཅིང་ཇི་ལྟར་བདག་ལ་དད་ཅིང་བཀུར་སྟི་བྱེད་པར་འགྱུར་སྙམ་པའི་སེམས་དེ་ལྟ་བུས་ཆོས་ཀྱི་སྦྱིན་པ་སྦྱིན་པར་བྱེད་དེ། དེ་དག་གིས་ཟང་ཟིང་མེད་པའི་ཆོས་ཀྱི་སྦྱིན་པ་བོར་ནས་གོས་དང་། ཟས་དང་། མལ་ཆ་དང་། སྟན་དང་། ནད་ཀྱི་གསོས་
D69.043.0136a07.01