完整藏文原文 · 德格版页 当前仅加载第 43 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོན་རྣམས་ཇི་ལྟར་བརྟག་པར་བགྱི། འདུ་འཛི་ལ་དགའ་བའི་སྐྱོན་དེ་དག་ནི་གང་ལགས། བྱང་ཆུབ་སེམས་དཔས་གང་དག་ལ་བརྟགས་ན་གཅིག་པུར་དགའ་བ་ལ་དགའ་ཞིང་ཡོངས་སུ་སྐྱོ་བར་ཡང་མི་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ།
D69.043.0143b01.01བྱམས་པ་འདུ་འཛིའི་ཉེས་དམིགས་ནི་ཉི་ཤུ་པོ་འདི་དག་ཡིན་ཏེ། ཉི་ཤུ་གང་ཞེ་ན། བྱམས་པ་འདི་ལ་ལུས་ཀྱིས་མ་བསྡམས་པ་ཡིན། ངག་གིས་མ་བསྡམས་པ་ཡིན། ཡིད་ཀྱིས་མ་བསྡམས་པ་ཡིན། འདོད་ཆགས་ཆེ་བ་ཡིན། ཞེ་སྡང་ཆེ་བ་ཡིན། གཏི་མུག་
D69.043.0143b02.01ཆེ་བ་ཡིན། འཇིག་རྟེན་པའི་གཏམ་གྱིས་ཀྱང་གོས་པ་ཡིན། འཇིག་རྟེན་ལས་འདས་པའི་གཏམ་ལས་ཡོངས་སུ་ཉམས་པ་ཡིན། ཆོས་ལ་མ་གུས་པ་ལ་བསྟེན་པ་ཡིན། ཆོས་ཡོངས་སུ་སྤངས་པ་ཡིན། དེ་ལ་བདུད་ཀྱིས་གླགས་རྙེད་པ་ཡིན། བག་མེད་པ་ལ་བསྟེན་
D69.043.0143b03.01པ་ཡིན། བག་མེད་པ་དང་ལྡན་པ་ཡིན། དེ་རྟོག་པ་དང་དཔྱོད་པ་ཤས་ཆེ་བ་ཡིན། མང་དུ་ཐོས་པ་ལས་ཡོངས་སུ་ཉམས་པ་ཡིན། ཞི་གནས་དང་ལྷག་མཐོང་མི་འཐོབ་པ་ཡིན། མྱུར་དུ་ཚངས་པར་སྤྱོད་པར་མི་འགྱུར་བ་ཡིན། སངས་རྒྱས་ལ་དགའ་བ་ལས་ཡོངས་སུ་
D69.043.0143b04.01ཉམས་པ་ཡིན། ཆོས་ལ་དགའ་བ་ལས་ཡོངས་སུ་ཉམས་པ་ཡིན། དགེ་འདུན་ལ་དགའ་བ་ལས་ཡོངས་སུ་ཉམས་པ་ཡིན་ཏེ། བྱམས་པ་ཉི་ཤུ་པོ་དེ་དག་ནི་འདུ་འཛི་ལ་དགའ་བའི་ཉེས་དམིགས་ཡིན་པར་རིག་པར་བྱ་སྟེ། བྱང་ཆུབ་སེམས་དཔས་གང་དག་ལ་
D69.043.0143b05.01བརྟགས་ན་གཅིག་པུར་དགའ་བ་ལ་དགའ་ཞིང་ཡོངས་སུ་སྐྱོ་བར་ཡང་མི་འགྱུར་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །འདོད་ཆགས་སྤངས་ཤིང་ཞེ་སྡང་རབ་སྤངས་ནས། །རྣལ་འབྱོར་ཅན་ནི་འདུ་འཛིར་
D69.043.0143b06.01མི་གནས་ཏེ། །དེ་ནི་དེ་ལ་གཞོལ་ཞིང་དེ་ལ་འབབ། །ཉེས་པ་དེས་ན་དགའ་བར་བྱེད་མི་འགྱུར། །རྒོད་དང་འགྱོད་དང་དེ་བཞིན་རྣམ་རྟོག་པ། །འདི་དག་ཐམས་ཅད་འདུ་འཛི་རྣམས་ལས་བྱུང་། །སྙིང་པོ་མེད་པའི་འདུ་འཛི་སུ་བྱེད་པ། །དེ་ནི་ལང་ལོང་སྤྱོད་ཅིང་མ་བསྡམས་
D69.043.0143b07.01