完整藏文原文 · 德格版页 当前仅加载第 43 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ནས་བརྩོན་འགྲུས་རྩོམ་ཞིང་ཡོངས་སུ་སྐྱོ་བར་ཡང་མི་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། བྱམས་པ་འདི་ལ་གཉིད་ལ་དགའ་བའི་ཉེས་དམིགས་ནི་རྣམ་པ་ཉི་ཤུར་བརྟག་པར་བྱ་སྟེ། བྱང་ཆུབ་སེམས་དཔའ་དེ་དག་ལ་རྟོག་ན་བརྩོན་
D69.043.0146b01.01འགྲུས་རྩོམ་པ་ལ་དགའ་ཞིང་སྐྱོ་བར་ཡང་མི་འགྱུར་རོ། །ཉི་ཤུ་གང་ཞེ་ན། བྱམས་པ་འདི་ལ་བྱང་ཆུབ་སེམས་དཔའ་གཉིད་ཆེ་བ་ནི་རྨུགས་པ་དང་། གཉིད་ཀྱིས་ནོན་ཏེ་ལེ་ལོ་ཆེ་བར་འགྱུར་བ་དང་། ལུས་ཤ་ཆེ་བ་དང་། མདོག་ཡོངས་སུ་མ་དག་པ་དང་། དེའི་
D69.043.0146b02.01འབྱུང་བ་ཆེན་པོ་རྣམས་ནད་བཞིས་ནོན་པར་འགྱུར་བ་དང་། དེའི་མེའི་ཁམས་ཆུང་བར་འགྱུར་བ་དང་། དེའི་ཁ་ཟས་ལེགས་པར་འཇུ་བར་མི་འགྱུར་བ་དང་། དེའི་ལུས་ལ་འབྲས་དང་ཕོལ་མིག་འབྱུང་བར་འགྱུར་བ་དང་། ལེ་ལོ་ཅན་དུ་འགྱུར་བ་དང་། དེའི་གཏི་
D69.043.0146b03.01མུག་གི་དྲ་བ་རྣམ་པར་འཕེལ་བར་འགྱུར་བ་དང་། དེའི་ཤེས་རབ་ཉམ་ཆུང་བར་འགྱུར་བ་དང་། དེ་ཁ་ཟས་འདོད་པ་ལས་ཡིག་འཆུ་བར་འགྱུར་བ་དང་། དེ་གཏི་མུག་གི་མུན་པ་རབ་ཏུ་འཛིན་པར་འགྱུར་བ་དང་། དེ་ལ་མི་མ་ཡིན་པ་རྣམས་བཀུར་སྟི་མི་བྱེད་པ་དང་།
D69.043.0146b04.01སེམས་རྟུལ་བར་འགྱུར་བ་དང་། མི་ལྡང་བ་མང་བར་འགྱུར་བ་དང་། དེའི་སེམས་བག་ལ་ཉལ་གྱིས་ཀུན་ནས་དཀྲིས་ཤིང་འདུག་པར་འགྱུར་བ་དང་། དེ་དགེ་བའི་ཆོས་ལ་འདུན་པར་མི་འགྱུར་བ་དང་། དགེ་བའི་ཆོས་ཐམས་ཅད་ལས་ཉམས་པར་འགྱུར་བ་དང་། སྤྱོད་པ་
D69.043.0146b05.01ཞུམ་པར་གྱུར་ནས་བརྩོན་འགྲུས་རྩོམ་པ་རྣམས་ཀྱི་སྤྱོད་པ་ལ་སྨོད་པ་དང་། འཁོར་གྱི་ནང་དུ་སོང་ན་བརྙས་པར་འགྱུར་བ་སྟེ། བྱམས་པ་ཉི་ཤུ་པོ་དེ་དག་ནི་བྱང་ཆུབ་སེམས་དཔའ་གཉིད་ལ་དགའ་ཞིང་རྨུགས་པ་དང་། གཉིད་མང་བའི་ཉེས་དམིགས་ཡིན་ཏེ། བྱང་ཆུབ་
D69.043.0146b06.01སེམས་དཔའ་དེ་དག་ལ་རྟོག་ན་བརྩོན་འགྲུས་རྩོམ་པ་ལ་དགའ་ཞིང་ཡོངས་སུ་སྐྱོ་བར་ཡང་མི་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །གང་ཞིག་རྨུགས་དང་གཉིད་ལ་དགའ་འགྱུར་བ། །དེ་ཡི་ལུས་ནི་ཤ་ཆེ་མཁྲེགས་མ་
D69.043.0146b07.01