完整藏文原文 · 德格版页 当前仅加载第 43 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱང་བསྐྱེད། བཅོམ་ལྡན་འདས་བདག་གིས་མཆིས་བྲང་སྔོ་སངས་ཅན་དགུམ་པའི་སླད་དུ་མདའ་སྟེའུ་ཀ་ཉ་རྔ་མ་ཞིག་འཕངས་ན། དེ་བར་སྣང་ལ་འབར། རབ་ཏུ་འབར། ཀུན་ཏུ་རབ་ཏུ་མཆེད་དེ་འབར་ཞིང་མེ་ལྕེ་གཅིག་ཏུ་གྱུར་ནས་བཟློག་པའི་ཚུལ་དུ་སླར་ལོག་སྟེ་བདག་གི་
D73.043.0206b01.01གཡོན་རོལ་ལོགས་སུ་མཆིས་པར་གྱུར་ཅིང་ལུས་ལ་ནི་མ་ཕོག་ནས། བཅོམ་ལྡན་འདས་བདག་གིས་མཆིས་བྲང་སྔོ་སངས་ཅན་གྱི་སུག་པ་རྐང་པ་གཉིས་ལ་གཏུགས་ཏེ། མཆིས་བྲང་སྔོ་སངས་ཅན་ལ་འདི་སྐད་དུ་ཁྱོད་ལྷ་མོ་ཞིག་གམ། འོན་ཏེ་ཀླུ་མོའམ། དྲི་ཟ་མོའམ། ཤ་
D73.043.0206b02.01ཟ་མོའམ། སྲིན་མོའམ། སུ་ཞིག་ལགས་ཞེས་བགྱིས་པ་དང་། དེ་བདག་ལ་འདི་སྐད་དུ་རྒྱལ་པོ་ཆེན་པོ་བདག་ནི་ལྷ་མོ་ཡང་མ་ལགས། ཀླུ་མོ་ཡང་མ་ལགས། དྲི་ཟ་མོ་ཡང་མ་ལགས། ཤ་ཟ་མོ་ཡང་མ་ལགས། སྲིན་མོ་ཡང་མ་ལགས་ཀྱི། བདག་ནི་བཅོམ་ལྡན་འདས་དེ་
D73.043.0206b03.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་ཉན་ཐོས་མ་ལགས་ཏེ། ཁྱོད་ཉིད་ལ་སྙིང་བརྩེ་བའི་སླད་དུ་སེམས་མཉམ་པར་བཞག་པ་ལགས་སོ་ཞེས་མཆི་ནས། དེ་ནས་མཆིས་བྲང་སྔོ་སངས་ཅན་གྱིས་བཅོམ་ལྡན་འདས་ཀྱི་བསྔགས་པ་རྣམ་གྲངས་
D73.043.0206b04.01དུ་མས་བརྗོད་པ་དང་། བཅོམ་ལྡན་འདས་དེ་ལ་བདག་འདི་སྙམ་དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་ཉན་ཐོས་མ་འདི་ཡང་དེ་ལྟ་བུའི་སྙིང་རྗེའི་བསམ་པ་དང་། དེ་ལྟ་བུའི་བྱམས་པ་ཐོབ་པ་དང་། དེ་ལྟར་རྫུ་འཕྲུལ་
D73.043.0206b05.01ཆེ་བ་དང་། དེ་ལྟར་མཐུ་ཆེ་བ་དང་། དེ་ལྟར་དབང་ཆེ་བར་གྲགས་པ་ལགས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྟ་སྨོས་ཀྱང་ཅི་འཚལ་སྙམ་དུ་སེམས་པར་གྱུར་ལགས་ཏེ། བཅོམ་ལྡན་འདས་བདག་འདི་ལྟར་བྱིས་
D73.043.0206b06.01པ་ལྟ་བུ་དང་། འདི་ལྟར་རྨོངས་པ་དང་། འདི་ལྟར་མི་གསལ་བ་དང་། འདི་ལྟར་མི་མཁས་པས་དེ་བཞིན་གཤེགས་པ་ཉན་ཐོས་ཀྱི་དགེ་འདུན་དང་བཅས་པ་ལ་བདག་གིས་ཐ་བ་དང་ཞེ་སྡང་གི་སེམས་བསྐྱེད་པ་དེ་བཅོམ་ལྡན་འདས་ལ་བཟོད་པར་གསོལ་ཞིང་ཉན་ཐོས་ཀྱི་དགེ་འདུན་གྱི་
D73.043.0206b07.01