完整藏文原文 · 德格版页 当前仅加载第 43 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་དམ་པ་སུ་ཞིག་གསོ་མི་བྱེད། །རྒྱལ་པོ་ཆེན་པོ་གཞན་ཡང་སྐྱེས་བུ་དམ་པ་མ་ཡིན་པ་ནི་སྐྱེས་བུ་དམ་པ་མ་ཡིན་པའི་ལས་བྱེད་ཅིང་ལོག་པར་ལྟ་བ་ལ་མངོན་པར་ཞེན་པ་ཡིན་ཏེ། དེ་ནི་དགེ་བ་དང་མི་དགེ་བ་གང་ཡིན་ཞེས་བདག་གི་དོན་མི་ཤེས་ཤིང་མི་བརྟན་
D73.043.0211a01.01པ་ཡིན་པས་སྐྱེ་བོ་མང་པོ་རྣམས་མི་དགའ་ཞིང་བྱིས་པའི་སྐྱེ་བོས་བསྔགས་པ་ལ་མངོན་པར་དགའ་བ་དང་། འདོད་ཆགས་དང་ཞེ་སྡང་དག་གིས་རྨོངས་པར་གྱུར་པ་དང་། སྐྱེས་བུ་མཛངས་པ་དག་གིས་སྨད་པ་དང་། ཁྲོ་བས་ཟིལ་གྱིས་ནོན་ཅིང་སྡིག་པའི་ལས་བྱེད་པ་དང་། སངས་
D73.043.0211a02.01རྒྱས་དང་། བྱང་ཆུབ་སེམས་དཔའ་རྣམས་ཀྱིས་ཡོངས་སུ་སྤངས་པ་དང་། ལོངས་སྤྱོད་ཀྱི་རྒྱགས་པས་མྱོས་པ་དང་། སེར་སྣ་ཅན་དུ་གྱུར་པ་དང་། གཞན་ལ་གནོད་པར་མངོན་པར་དགའ་ཞིང་ཆོས་སྒོམ་པར་མི་དགའ་བ་ཡིན་ཏེ། རྒྱལ་པོ་ཆེན་པོ་སྐྱེས་བུ་དམ་པ་མ་ཡིན་པ་སྐྱེས་བུ་
D73.043.0211a03.01དམ་པ་མ་ཡིན་པའི་ལས་ལ་མངོན་པར་དགའ་ཞིང་སྐྱེས་བུ་དམ་པའི་ལས་ལ་མི་དགའ་བ་དེ་ལ་ལྟོས། རྒྱལ་པོ་ཆེན་པོ་འདོད་པ་རྣམས་ལ་སྟེན་ཅིང་ངན་འགྲོར་འགྲོ་བར་འཇུག་པ་དེ་ནི་སྐྱེས་པའི་སྐྱེས་བུའི་སྐྱོན་གསུམ་པ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་
D73.043.0211a04.01དག་བཀའ་སྩལ་ཏོ། །འདོད་པ་རྣམས་ཀྱི་གཞིས་ནི་སྐྱེས་བུ་རྣམ་ཉམས་ཤིང་། །གཞི་དེ་ལས་ནི་སྡིག་པ་དག་ཀྱང་རབ་ཏུ་བྱེད། །ལོག་པར་ལྟ་བས་རྨོངས་ནས་འདིར་ནི་འཁྱམ་འགྱུར་ཞིང་། །དེ་ནི་རྣམ་པར་འཁྲུལ་པས་ངན་འགྲོར་འགྲོ་བར་འགྱུར། །ལོག་དང་ལྡན་པས་ཡོན་ཏན་
D73.043.0211a05.01ཀུན་གྱིས་རྣམ་སྤངས་ཤིང་། །དེ་ནི་རྟོག་པ་མེད་ཅིང་བློ་ཡང་ནོར་པ་ཡིན། །གང་དག་ཆུ་ཀླུང་དག་ཏུ་ཨུད་པལ་རྩྭ་ཚོལ་ལྟར། །ལོག་པར་ལྟ་བས་ཡོངས་སུ་འཁོར་བར་བྱེད་པ་ཡིན། །བདེ་བའི་དོན་དུ་བདག་ཉིད་ཡོངས་སུ་སྐྱོང་བྱེད་ཅིང་། །ཆོས་མ་ཡིན་ལ་ཆགས་པའི་
D73.043.0211a06.01མི་རྣམས་མང་པོ་དག །དེ་བཞིན་བདེ་བའི་རྒྱུ་ཕྱིར་འདོད་པ་རྣམས་ཚོལ་བ། །དེ་དག་གཏི་མུག་རྨོངས་པས་སེམས་ཅན་དམྱལ་བར་འགྲོ། །གང་དག་འདོད་པ་རྣམས་ཀྱི་དོན་དུ་རྟག་ཏུ་ནི། །དེ་བཞིན་སེམས་ལ་གཅགས་པའི་སྐྱེས་བུ་ཐ་མ་དང་། །འདོད་པའི་བདག་ཉིད་ཅན་དང་སྐྱེ་
D73.043.0211a07.01