完整藏文原文 · 德格版页 当前仅加载第 43 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཞིང་། །དམྱལ་སྲུངས་རྣམས་ཀྱིས་སྲེག་པ་དང་། །ངེས་པར་འཆིང་བའང་མྱོང་བར་འགྱུར། །བུད་མེད་རྣམས་ལ་བརྐམ་པ་ཡི། །བློ་ངན་དེ་དག་བདེ་མི་འགྱུར། །གསལ་ཤིང་མཐོན་པོ་རྣམས་སུ་ནི། །
D73.043.0215a01.01བཙུགས་ཤིང་ཆུར་ཡང་བཅུག་པར་འགྱུར། །ས་ཡི་སེར་ཀར་བཅུག་ནས་ནི། །དེ་བཞིན་རལ་གྲིས་གདབ་པར་འགྱུར། །དེ་འདྲ་བ་དག་ཐོས་ནས་ནི། །དེ་དག་ཡི་ཆད་བདེ་མི་འགྱུར། །རྨོངས་པ་བུད་མེད་ལྷན་ཅིག་ཏུ། །ཡང་དང་ཡང་དུ་འདུ་
D73.043.0215a02.01འཛི་བྱེད། །སྡུག་བསྔལ་འདོད་པ་རྣམས་སྟེན་ཅིང་། །སྨད་པ་རྣམས་ཀྱང་སྨྲ་བར་བྱེད། །རྨོངས་པ་རྣམས་ཀྱིས་ཆོས་ཐོས་ནས། །དགེ་བར་གསུངས་ཞེས་རྗོད་བྱེད་ཀྱང་། །དེ་སེམས་བུད་མེད་ཕྱི་བཞིན་སོང་། །བྱི་བ་ལ་ནི་བྱི་ལ་བཞིན། །
D73.043.0215a03.01རྒྱལ་བས་གསུངས་པ་ཐོས་གྱུར་ནས། །ཡུད་ཙམ་ཞིག་ནི་ཡིད་བྱུང་ཡང་། །ཧ་ལ་ཧ་ལའི་དུག་འདྲ་བའི། །འདོད་ཆགས་ཀྱིས་ནི་དེ་ཡང་འཁྲུགས། །ཇི་ལྟར་ཕག་ནི་ཡུད་ཙམ་ཞིག །དངངས་ཤིང་སྐྲག་པར་བྱུང་གྱུར་ཀྱང་། །དེས་ནི་
D73.043.0215a04.01ཕྱི་ས་མཐོང་ན་ཡང་། །ཆགས་པ་སྐྱེད་པར་བྱེད་པ་ལྟར། །དེ་བཞིན་བྱིས་པ་བདེ་འདོད་རྣམས། །རྒྱལ་བའི་བསྟན་པ་སྤངས་ནས་ནི། །འདོད་པ་དམན་པ་རྣམས་བསྟེན་པས། །དེས་ནི་ངན་འགྲོར་འགྲོ་བར་འགྱུར། །འདོད་པ་རྣམས་ལ་
D73.043.0215a05.01ཆགས་མྱོས་ནས། །ཤིན་ཏུ་སྡིག་པའི་ལས་བྱས་ཤིང་། །ཚུལ་ཁྲིམས་ཅན་དག་བསླུས་བྱས་ནས། །ཕྱིས་ནི་ངན་འགྲོར་འགྲོ་བར་འགྱུར། །ཤེས་རབ་ཅན་གྱིས་དལ་རྙེད་ཅིང་། །དེ་འདྲའི་ཆོས་ནི་ཐོས་གྱུར་ནས། །འདོད་ཀུན་སྤངས་ནས་འདི་ལ་
D73.043.0215a06.01ནི། །མཁས་པ་མངོན་པར་རབ་བྱུང་ཤིག །རྒྱལ་པོ་ཆེན་པོ་སྐྱེས་པ་འདོད་པ་ལ་སྟེན་པ་རྣམས་ཀྱི་སྐྱོན་ནི་དེ་དག་ཡིན་ཏེ། འདོད་པའི་གཞི་དང་། འདོད་པའི་རྨ་དང་། འདོད་པ་ལ་ལྷག་པར་ཞེན་པ་རྣམས་ནི་སེམས་ཅན་དམྱལ་བ་པ་རྣམས་ཀྱི་ཚོར་བ་
D73.043.0215a07.01