完整藏文原文 · 德格版页 当前仅加载第 43 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
ལན་འདེབས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། གང་གཱའི་མཆོག་སྤྲུལ་པ་ལ་ནི་འགྲེང་བ་མེད། འདུག་པ་མེད། ཉལ་བ་མེད། འོང་བ་མེད། འགྲོ་བ་མེད། འཆི་འཕོ་མེད། སྐྱེ་བ་མེད་ན་འདི་ནས་འོངས་སོ་ཞེས་དེ་ཅི་ཞིག་སྟོན་པར་འགྱུར། གང་གཱའི་
D75.043.0222b01.01མཆོག་གིས་གསོལ་པ། བཅོམ་ལྡན་འདས་ཅི་ཆོས་ཐམས་ཅད་སྤྲུལ་པ་ལྟ་བུ་ལགས་སམ། བཀའ་སྩལ་པ། གང་གཱའི་མཆོག་དེ་བཞིན་ནོ། །གསོལ་པ། བཅོམ་ལྡན་འདས་གལ་ཏེ་ཆོས་ཐམས་ཅད་སྤྲུལ་པ་ལྟ་བུ་ལགས་ན། གང་གཱའི་མཆོག་ཁྱོད་ད་གཟོད་གང་ནས་འོངས་
D75.043.0222b02.01ཞེས་ཅིའི་སླད་དུ་སྨྲ། བཅོམ་ལྡན་འདས་ཀྱིས་བཀའ་སྩལ་པ། གང་གཱའི་མཆོག་སྤྲུལ་པ་ནི་ངན་སོང་དུ་མི་འགྲོ །མཐོ་རིས་སུ་མི་འགྲོ །ཡོངས་སུ་མྱ་ངན་ལས་འདས་པར་མི་འགྲོ་ན་ཅི་གང་གཱའི་མཆོག་ཀྱང་ངན་སོང་དུ་མི་འགྲོ །མཐོ་རིས་སུ་མི་འགྲོ །ཡོངས་སུ་མྱ་ངན་
D75.043.0222b03.01ལས་འདས་པར་མི་འགྲོ་འམ། གང་གཱའི་མཆོག་གིས་གསོལ་པ། བཅོམ་ལྡན་འདས་གལ་ཏེ་བདག་གིས་དགེ་བསྙེན་མ་གང་གཱའི་མཆོག་སྤྲུལ་པའི་རང་བཞིན་ལས་གཞན་ལགས་པར་མཐོང་ན་ནི་དགེ་བསྙེན་མ་གང་གཱའི་མཆོག་ངན་སོང་དུ་མཆི་བ་འམ་མཐོ་རིས་སུ་མཆི་བ་
D75.043.0222b04.01འམ་ཡོངས་སུ་མྱ་ངན་ལས་འདས་པར་མཆི་བ་མ་ལགས་སོ་ཞེས་བདག་སྤྲུལ་པ་དང་བསྟུན་དུ་ཡང་མི་རུང་ལགས་ན། བཅོམ་ལྡན་འདས་བདག་གིས་དགེ་བསྙེན་མ་གང་གཱའི་མཆོག་སྤྲུལ་པའི་རང་བཞིན་ལས་གཞན་ལགས་པར་མ་མཐོང་སྟེ། བཅོམ་ལྡན་འདས་དེ་ལྟར་བདག་གིས་མ་
D75.043.0222b05.01མཐོང་ན་དགེ་བསྙེན་མ་གང་གཱའི་མཆོག་ངན་སོང་དུ་མཆི་བ་འམ། མཐོ་རིས་སུ་མཆི་བ་འམ། ཡོངས་སུ་མྱ་ངན་ལས་འདས་པར་མཆི་བ་ཞེས་ཇི་སྐད་བསྟན་པར་བགྱི། བཅོམ་ལྡན་འདས་དེ་ལྟ་ལགས་ཀྱིས་ཀྱང་གཡོ་བ་དང་། རློམ་སེམས་དང་། བསྐྱོད་པ་དང་། སྤྲོས་པ་མཆིས་ན་ཇི་
D75.043.0222b06.01ལྟར་འདི་སྙམ་དུ་བདག་ངན་སོང་དུ་འགྲོ་བ་འམ། མཐོ་རིས་སུ་འགྲོ་བ་འམ། ཡོངས་སུ་མྱ་ངན་ལས་འདས་པར་འགྲོ་བའོ་སྙམ་དུ་སེམས་ལགས་ཏེ། བཅོམ་ལྡན་འདས་མྱ་ངན་ལས་འདས་པའི་དབྱིངས་ནི་ནམས་ཀྱང་ངན་སོང་དུ་མཆི་བ་འམ། མཐོ་རིས་སུ་མཆི་བ་འམ། ཡོངས་སུ་
D75.043.0222b07.01