完整藏文原文 · 德格版页 当前仅加载第 43 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་ནི་རྒྱུ་མ་མཆིས་པར་འཛུམ་པ་མི་མཛད་ན་འཛུམ་པ་མཛད་པའི་རྒྱུ་གང་ལགས་རྐྱེན་གང་ལགས། བཅོམ་ལྡན་འདས་ཀྱིས་
D75.043.0225a01.01བཀའ་སྩལ་པ། ཀུན་དགའ་བོ་ངས་མངོན་པར་ཤེས་ཏེ། ས་ཕྱོགས་འདི་ཉིད་དུ་དེ་བཞིན་གཤེགས་པ་སྟོང་གིས་གང་གཱའི་མཆོག་ཅེས་བྱ་བ་ཁོ་ནའི་དགེ་བསྙེན་མ་ཤ་སྟག་ལས་བརྩམས་ཏེ། ཆོས་ཀྱི་རྣམ་གྲངས་འདི་བཤད་དོ། །དགེ་བསྙེན་མ་དེ་དག་ཐམས་ཅད་ནི་རབ་ཏུ་
D75.043.0225a02.01བྱུང་ནས་ཕུང་པོ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། ཇི་ལྟར་གཟུང་བར་
D75.043.0225a03.01བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཆོས་ཀྱི་རྣམ་གྲངས་འདི་ནི་དྲི་མ་མེད་པ་ཞེས་བྱ་སྟེ། འདི་དྲི་མ་མེད་པ་ཞེས་བྱ་བར་ཟུང་ཤིག །ཆོས་ཀྱི་རྣམ་གྲངས་འདི་བསྟན་པ་ན་དགེ་སློང་བདུན་བརྒྱ་དང་། དགེ་སློང་མ་བཞི་བརྒྱ་ལེན་པ་མེད་པར་ཟག་པ་རྣམས་
D75.043.0225a04.01ལས་སེམས་རྣམ་པར་གྲོལ་ལོ། །དེ་ནས་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་ཀྱིས་ལྷའི་མེ་ཏོག་རྣམས་དང་། ཙན་དན་གྱི་ཕྱེ་མ་རྣམས་མངོན་པར་སྤྲུལ་ཏེ། བཅོམ་ལྡན་འདས་ལ་གཏོར་ནས་ཚིག་འདི་སྐད་ཅེས་འདི་ལྟར་གྲོང་ཁྱེར་མཉན་ཡོད་
D75.043.0225a05.01ན་དགེ་བསྙེན་མ་འདི་ལྟ་བུ་གནས་ལ་དེ་དེ་བཞིན་གཤེགས་པ་དང་ལྷན་ཅིག་ཏུ་སྨྲ་ཡང་དེའི་ལུས་ངལ་བར་ཡང་མི་འགྱུར་བ་དང་། ཇི་ལྟར་ཡང་གང་གཱའི་མཆོག་འདི་སྔོན་གྱི་རྒྱལ་བ་ལ་ལྷག་པར་བྱ་བ་བྱས་ཤིང་དགེ་བའི་རྩ་བ་བསྐྱེད་པ་དང་། ཡུན་རིང་པོ་ནས་དགེ་བ་སྤྱད་པ་དང་། །
D75.043.0225a06.01ཡུན་རིང་པོ་ནས་ཚངས་པར་སྤྱད་པ་དང་། སངས་རྒྱས་མང་པོ་ལ་བསྙེན་བཀུར་བྱས་པ་འདི་ནི་ངོ་མཚར་ཏོ་ཞེས་སྨྲས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་དེ་དེ་བཞིན་ཏེ། འདི་ནི་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། དགེ་བའི་རྩ་བ་བསྐྱེད་པ། ཡུན་
D75.043.0225a07.01