完整藏文原文 · 德格版页 当前仅加载第 43 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་དམིགས་ནས་ཚངས་པར་སྤྱད་པར་སྤྱོད་པ་དེ་དག་གི་ཚངས་པར་སྤྱོད་པ་དེ་ནི་ཡོངས་སུ་མ་དག་པའོ་ཞེས་ང་སྨྲའོ། །གང་དག་ཚངས་པར་སྤྱོད་པ་ཡོངས་སུ་མ་དག་པ་དེ་དག་ནི་ཟབ་མོ་རྒྱུད་ཆད་པའི་ཆོས་འདི་ལྟ་བུ་འདི་ཐོས་ན་དངངས་སྐྲག་པར་འགྱུར་ཏེ། དེ་དག་སྐྱེ་བ་དང་།
D75.043.0224b01.01རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་མི་འགྲོལ་ཏེ། དེ་དག་ནི་སྡུག་བསྔལ་གྱི་སྐལ་བ་ཅན་དུ་འགྱུར་རོ་ཞེས་ང་སྨྲའོ། །གང་གཱའི་མཆོག་ད་
D75.043.0224b02.01ལྟར་རམ་ང་འདས་པའི་ཕྱི་ན་ཡང་རུང་སྟེ། གང་དག་ཟབ་མོ་རྒྱུད་ཆད་པ་འདི་ལྟ་བུའི་ཆོས་སྟོན་པ་དེ་དག་ལ་མི་གཏི་མུག་པ་དག་གསོད་པ་པོའི་འདུ་ཤེས་སྐྱེད་པར་འགྱུར་ཏེ། དེ་ལྟར་མི་གཏི་མུག་པ་དེ་དག་ལོག་པར་ཟིན་པས་བསད་པའི་ཞེ་སྡང་བསྐྱེད་ནས་ངན་སོང་དུ་འགྲོ་
D75.043.0224b03.01བར་འགྱུར་རོ། །གང་གཱའི་མཆོག་གིས་གསོལ་པ། བཅོམ་ལྡན་འདས་རྒྱུད་ཆད་པ་རྒྱུད་ཆད་པ་ཞེས་བགྱི་བ་ཅིའི་སླད་དུ་རྒྱུད་ཆད་པ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། གང་གཱའི་མཆོག་ཆོས་འདི་ནི་རྒྱུད་གཅད་པའམ། དབྱེ་བ་འམ། རྣམ་
D75.043.0224b04.01པར་གཞིག་པ་མ་ཡིན་ཏེ། དེའི་ཕྱིར་རྒྱུད་ཆད་པ་ཞེས་བྱ་སྟེ། འདི་ནི་ཡང་དག་པའི་མཐའ་ཞེས་བྱ། བསམ་གྱིས་མི་ཁྱབ་པའི་རྒྱུད་ཅེས་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ། །དེ་ནས་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཁ་
D75.043.0224b05.01དོག་སྣ་ཚོགས་ཁ་དོག་དུ་མ་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། བཙོད་ཀ་དང་། ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་ནས་དེ་དག་གིས་འཇིག་རྟེན་གྱི་ཁམས་མཐའ་ཡས་མུ་མེད་པ་དག་སྣང་བར་བྱས་ཏེ་འོད་ཀྱིས་ཁྱབ་པར་
D75.043.0224b06.01བྱས་ནས་ཚངས་པའི་འཇིག་རྟེན་གྱི་བར་དུ་མངོན་པར་བྱུང་སྟེ་སླར་ལོག་ནས་བཅོམ་ལྡན་འདས་ཀྱི་ཞལ་གྱི་སྒོར་ནུབ་བོ། །དེ་ནས་ཚེ་དང་ལྡན་པ་ཀུན་དགའ་བོས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་
D75.043.0224b07.01