完整藏文原文 · 德格版页 当前仅加载第 43 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
པ། བུ་མོ་བྱང་ཆུབ་སེམས་དཔའ་རྣམས་ནི་ང་རྒྱལ་དང་དྲེགས་པ་སྤངས་ཏེ་སེམས་ཅན་ཐམས་ཅད་ལ་འདུད་ཅིང་ཕྱག་འཚལ་བར་མི་བྱེད་དམ། བུ་མོས་སྨྲས་པ། ཡབ་བྱང་ཆུབ་སེམས་དཔའ་ནི་འཁོན་དུ་འཛིན་པ་དང་། ཐ་བ་དང་། ཁྲོ་བ་དང་། གནོད་སེམས་དང་། ཉེས་པ་
D76.043.0228b01.01སྤང་པ་དང་། དགེ་བའི་རྩ་བ་ཡོངས་སུ་སྨིན་པར་བགྱིད་པའི་སླད་དུ་སེམས་ཅན་ཐམས་ཅད་ལ་འདུད་ཅིང་ཕྱག་འཚལ་ལོ། །ཡབ་ཉན་ཐོས་ཆེན་པོ་འདི་དག་ལ་ནི་འཁོན་དུ་འཛིན་པ་དང་། ཐ་བ་དང་། ཁྲོ་བ་དང་། གནོད་སེམས་དང་། ཉེས་པ་བསལ་བར་བགྱི་བ་མ་མཆིས།
D76.043.0228b02.01སྤང་བར་བགྱི་བ་དང་། དགེ་བ་འཕེལ་བར་བགྱི་བ་ཡང་མ་མཆིས་ཏེ། ཡབ་ཉན་ཐོས་ཐམས་ཅད་ལ་ནི་སངས་རྒྱས་འབུམ་གྱིས་ཉན་ཐོས་ཀྱི་ཚུལ་ཁྲིམས་ཇི་སྙེད་པ་དང་། ཏིང་ངེ་འཛིན་ཇི་སྙེད་པ་དང་། ཤེས་རབ་ཇི་སྙེད་པའི་ཆོས་བསྟན་དུ་ལགས་ཀྱང་། ཡབ་དེ་དག་ལ་ནི་ཚུལ་
D76.043.0228b03.01ཁྲིམས་ཀྱང་ག་ལས་མཆི། ཏིང་ངེ་འཛིན་ཀྱང་ག་ལས་མཆི། ཤེས་རབ་ཀྱང་ག་ལས་མཆི། རྣམ་པར་གྲོལ་བ་ཡང་ག་ལས་མཆི། རྣམ་པར་གྲོལ་བའི་ཡེ་ཤེས་མཐོང་བ་ཡང་ག་ལས་མཆི། ཡབ་འདི་ལྟ་སྟེ་དཔེར་ན་བུམ་པ་ཆབ་ཀྱིས་གཏམས་པའི་ནང་དུ་ཆར་བབ་ན་དེ་ཆབ་ཀྱི་
D76.043.0228b04.01ཐིགས་པ་གཅིག་ཀྱང་མི་ལེན་ལ། དེར་གནས་པར་ཡང་མི་འགྱུར་རོ། །ཡབ་དེ་བཞིན་དུ་ཉན་ཐོས་རྣམས་ལ་གལ་ཏེ་སངས་རྒྱས་འབུམ་གྱིས་ཆོས་བཤད་དུ་ལགས་ཀྱང་དེ་དག་འཛིན་པར་ཡང་མི་འགྱུར་ལ་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་
D76.043.0228b05.01པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་ཡང་དེ་དག་ལ་གནས་པར་མི་འགྱུར་ཞིང་རྣམ་པར་འཕེལ་བར་ཡང་མི་འགྱུར་རོ། །ཡབ་འདི་ལྟ་སྟེ་དཔེར་ན་རྒྱ་མཚོ་ཆེན་པོ་ནི་ཆུ་ཀླུང་ཐམས་ཅད་དང་། ཆར་གྱི་རྒྱུན་ཐམས་ཅད་འཛིན་ཅིང་དེར་གནས་པར་འགྱུར་རོ། །དེ་ཅིའི་སླད་དུ་
D76.043.0228b06.01ཞེ་ན། རྒྱ་མཚོ་ཆེན་པོ་ནི་ཚད་མ་མཆིས་པའི་སླད་དུའོ། །ཡབ་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱ་མཚོ་ལྟ་བུ་དེ་དག་ཀྱང་དེ་བཞིན་ཏེ། ཆོས་བསྟན་པའི་ཆུ་ཐམས་ཅད་ཡང་དག་པར་འཛིན་ཅིང་ཆོས་བསྟན་པ་ཐམས་ཅད་དེ་ལ་ཡང་དག་པར་གནས་སོ། །དེ་ཅིའི་སླད་
D76.043.0228b07.01