完整藏文原文 · 德格版页 当前仅加载第 43 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྣམས་ནི་ཆོས་ཉིད་བལྟ། །འདྲེན་པ་རྣམས་ནི་ཆོས་ཀྱི་སྐུ། །ཆོས་ཉིད་ཤེས་པར་བྱ་མིན་པས། །དེ་ནི་རྣམ་པར་ཤེས་མི་ནུས། །ཞེས་མ་གསུངས་སམ། བཙུན་པ་འོད་སྲུང་ཆེན་པོ་གཞན་ཡང་བུ་མོ་ཁྱོད་ཀྱིས་བཅོམ་ལྡན་འདས་དེ་བཞིན་
D76.043.0234a01.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་སྔོན་མཐོང་ངམ་ཞེས་དེ་སྐད་ཟེར་བ་ནི་བཙུན་པ་འོད་སྲུང་ཆེན་པོ་བདག་གིས་དེ་བཞིན་གཤེགས་པ་མཐོང་མོད་ཀྱི། ཤའི་མིག་གིས་མ་ཡིན་ཏེ་གཟུགས་སུ་མ་ཡིན་ནོ། །ལྷའི་མིག་གིས་མ་ཡིན་
D76.043.0234a02.01ཏེ་ཚོར་བར་མ་ཡིན་ནོ། །ཤེས་རབ་ཀྱི་མིག་གིས་མ་ཡིན་ཏེ་འདུ་ཤེས་སུ་མ་ཡིན་ནོ། །ཆོས་ཀྱི་མིག་གིས་མ་ཡིན་ཏེ་འདུ་བྱེད་དུ་མ་ཡིན་ནོ། །སངས་རྒྱས་ཀྱི་མིག་གིས་མ་ཡིན་ཏེ་རྣམ་པར་ཤེས་པར་མ་ཡིན་ནོ། །བཙུན་པ་འོད་སྲུང་ཆེན་པོ་གཞན་ཡང་བདག་གིས་དེ་
D76.043.0234a03.01བཞིན་གཤེགས་པ་མཐོང་སྟེ། དཔེར་ན་གནས་བརྟན་གྱིས་མ་རིག་པ་དང་སྲིད་པ་ལ་སྲེད་པ་མཐོང་བ་བཞིན་ནོ། །བཙུན་པ་འོད་སྲུང་ཆེན་པོ་གཞན་ཡང་བདག་གིས་དེ་བཞིན་གཤེགས་པ་མཐོང་སྟེ། དཔེར་ན་གནས་བརྟན་གྱིས་ངར་འཛིན་པ་དང་། ང་ཡིར་འཛིན་པ་
D76.043.0234a04.01མཐོང་བ་བཞིན་ནོ། །གནས་བརྟན་འོད་སྲུང་ཆེན་པོས་སྨྲས་པ། བུ་མོ་འདི་ལྟར་མ་རིག་པ་དང་། སྲིད་པ་ལ་སྲེད་པ་དང་། ངར་འཛིན་པ་དང་། ང་ཡིར་འཛིན་པའི་ཆོས་འདི་གཉིས་ནི་མེད་པ་ཡིན་ནོ། །ཆོས་གང་མེད་པ་དེ་ནི་བལྟ་བར་མི་ནུས་སོ། །བུ་མོ་མྱ་ངན་མེད་
D76.043.0234a05.01ཀྱིས་བྱིན་པས་སྨྲས་པ། བཙུན་པ་འོད་སྲུང་ཆེན་པོ་དེ་དེ་བཞིན་ནོ། །ཆོས་ཐམས་ཅད་ནི་མེད་པ་ཡིན་ཏེ། དེ་དག་ནི་བལྟ་བར་མི་ནུས་སོ། །འོད་སྲུང་ཆེན་པོས་སྨྲས་པ། བུ་མོ་ཅི་སངས་རྒྱས་ཀྱི་ཆོས་ཀྱང་མེད་དམ། བུ་མོས་སྨྲས་པ། གནས་བརྟན་སངས་རྒྱས་ཀྱི་ཆོས་
D76.043.0234a06.01རྣམས་སམ་སོ་སོའི་སྐྱེ་བོའི་ཆོས་རྣམས་ཀྱང་རུང་སྟེ། ཆོས་འགའ་ཞིག་ཡོངས་སུ་གྲུབ་པར་འདོད་དམ་འོད་སྲུང་ཆེན་པོས་སྨྲས་པ། བུ་མོ་ཁོ་བོ་ནི་སོ་སོའི་སྐྱེ་བོའི་ཆོས་རྣམས་ལ་ཡང་ཡོངས་སུ་གྲུབ་པར་མི་འདོད་ན་སངས་རྒྱས་ཀྱི་ཆོས་རྣམས་ལྟ་ལ་ཅི་སྨོས། བུ་མོས་སྨྲས་པ། བཙུན་
D76.043.0234a07.01