完整藏文原文 · 德格版页 当前仅加载第 43 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
ན་དགེ་སློང་བསྙེན་པར་རྫོགས་ནས་ལོ་བརྒྱད་ལོན་པའི་སྤྱོད་ལམ་ཇི་ལྟ་བ་བཞིན་དུ་བདག་གནས་པར་གྱུར་ཅིག་ཅེས་སྨྲས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་ཀྱིས་བྱིན་པས་བདེན་པའི་བྱིན་གྱི་བརླབས་བྱས་མ་ཐག་ཏུ་དགེ་སློང་གི་སྤྱོད་
D76.043.0240a01.01ལམ་དང་ལྡན་པར་སྣང་བར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་ཀྱིས་བྱིན་པས་ཕ་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ཡབ་འདི་ལྟར་ཆོས་ཐམས་ཅད་ནི་བཅོས་མ་སྟེ་རྣམ་པར་བསྒྲུབས་པས་ཉེ་བར་གནས་པའི་མཚན་ཉིད་དང་། ཡོངས་
D76.043.0240a02.01སུ་བརྟགས་པ་ལས་ལངས་པ་མེད་བཞིན་དུ་ཕྱིན་ཅི་ལོག་དང་མཚུངས་པར་ལྡན་པ་ལགས་སོ། །རྒྱལ་པོ་ཆེན་པོ་གཟིགས་ཤིག་དང་དེ་རིང་ཁོ་ནའི་གདུགས་གཅིག་ལ་བུ་མོའི་གཟུགས་སུ་ཡང་གཟིགས་ཁྱེའུའི་གཟུགས་སུ་ཡང་ཁྱོད་ཀྱིས་གཟིགས། ད་ནི་བདག་ལ་དགེ་སློང་གི་
D76.043.0240a03.01གཟུགས་སུ་ཡང་ཁྱོད་ཀྱིས་གཟིགས་ན་འདི་ལ་གང་ཡང་དག་པའི་གཟུགས་ལགས། རྒྱལ་པོ་ཆེན་པོ་དེ་ལྟར་ན་ཡ་མ་བརླའི་ཆོས་ཐམས་ཅད་ལ་འདི་ན་ཁ་ཅིག་ལྟ་བའི་ཀུན་ནས་དཀྲིས་པས་ཀུན་ནས་གླགས་ཤིང་མཆིས་ཏེ། རང་གི་རྒྱུད་ལ་མཆིས་པའི་ཉོན་མོངས་པ་རྣམས་ཀྱིས་ཡོངས་
D76.043.0240a04.01སུ་སྲེག་གོ །ཡོངས་སུ་བསྲེགས་པས་ཆོས་འདུལ་བ་འདི་མ་འཚལ་ཏེ་འགྱོད་པ་མ་ལགས་པ་ལ་འགྱོད་པར་སེམས་སོ། །རྒྱལ་པོ་ཆེན་པོ་དེ་ལྟར་ན་ཁྱོད་ཀྱིས་བག་ཡོད་པར་མཛོད་ལ། རྒྱལ་སྲིད་ཉམ་ང་བ་ན་བཞུགས་བཞིན་དུ་རྟག་ཏུ་བཅོམ་ལྡན་འདས་ཀྱི་ཐད་དུ་བཞུད་ཅིག་དང་། འཇམ་དཔལ་
D76.043.0240a05.01གཞོན་ནུར་གྱུར་པས་ཁྱོད་ཀྱི་ཡོད་པ་མ་ཡིན་པ་ཕྱིན་ཅི་ལོག་ལས་བྱུང་བའི་འགྱོད་པ་སེལ་བར་འགྱུར་རོ། །རྒྱལ་པོ་ཆེན་པོ་ཁྱོད་ནི་བྱ་བ་མང་ཞིང་བྱེད་པ་མང་བ་ལགས་ཀྱིས་བཞུད་ཅིག །དེ་ནས་རྒྱལ་པོ་མ་སྐྱེས་དགྲ་དང་། བཙུན་མོ་ཟླ་བ་ཅན་དང་། བཙུན་མོའི་འཁོར་ཐམས་ཅད་ཀྱིས་བཅོམ་ལྡན་
D76.043.0240a06.01འདས་དང་། བྱང་ཆུབ་སེམས་དཔའ་མྱ་ངན་མེད་ཀྱིས་བྱིན་པ་དང་། དགེ་སློང་གི་དགེ་འདུན་རྣམས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་བགྱི་བ་མང་ཞིང་བགྱིད་པ་མང་བ་ལགས་ཀྱིས་བདག་ཅག་མཆིའོ། །བཅོམ་ལྡན་འདས་ཀྱིས་བཀའ་སྩལ་
D76.043.0240a07.01