完整藏文原文 · 德格版页 当前仅加载第 44 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་ཏོ། །ལྷའི་བུ་གང་ལ་རྟེན་མེད་པ་དེ་ནི་སྐྱེ་བ་ཡིན་ནོ། །གང་ལ་ལྷག་པར་ཆགས་པ་མེད་པ་དེ་ནི་སྐྱེ་བ་ཡིན་ནོ། །གང་ལ་མངོན་པར་ཞེན་པ་མེད་པ་དེ་ནི་སྐྱེ་བ་ཡིན་ནོ། །ལྷའི་བུ་གང་ལ་རྟེན་མེད་པ་དང་ལྷག་པར་ཆགས་པ་མེད་པ་དང་། མངོན་པར་ཞེན་པ་མེད་པ་དེ་ནི་སྐྱེ་བ་ཡིན་ཏེ།
D80.044.0002b01.01སྐྱེ་བ་ཞེས་བྱ་བ་དེ་ནི་གཞི་མེད་པ་ཡིན་ནོ། །སྐྱེ་བ་ཞེས་བྱ་བ་དེ་ནི་བརྟག་ཏུ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་འབྱུང་བ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་ངོ་བོ་ཉིད་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་དངོས་པོ་མེད་པའི་གཞི་ཡིན་ནོ། །
D80.044.0002b02.01སྐྱེ་བ་ཞེས་བྱ་བ་དེ་ནི་འོང་བ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་འགྲོ་བ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་སྐྱེ་བ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་དམིགས་པ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་རྣམ་པར་རིག་པ་མེད་པའི་གཞི་ཡིན་ནོ། །
D80.044.0002b03.01སྐྱེ་བ་ཞེས་བྱ་བ་དེ་ནི་རྡུལ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་རློམ་སེམས་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་སྤྱོད་པ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་བརྗོད་དུ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་མི་ཕྱེད་པའི་གཞི་ཡིན་ནོ། །
D80.044.0002b04.01སྐྱེ་བ་ཞེས་བྱ་བ་དེ་ནི་ཡི་གེ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་གཟུང་བ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་གནས་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་བླང་བ་མེད་པའི་གཞི་ཡིན་ནོ། །སྐྱེ་བ་ཞེས་བྱ་བ་དེ་ནི་དོར་བ་མེད་པའི་གཞི་ཡིན་ནོ། །
D80.044.0002b05.01སྐྱེ་བ་ཞེས་བྱ་བ་དེ་ནི་ཕྱིར་མི་ཟློགས་པའི་གཞི་ཡིན་ཏེ། ལྷའི་བུ་ཆོས་དེ་ལ་རློམ་སེམས་སུ་མི་བྱེད། མངོན་པར་ཞེན་པར་མི་བྱེད། སེམས་པར་མི་བྱེད། ཤེས་པར་མི་བྱེད། ལྟ་བར་མི་བྱེད། ཉན་པར་མི་བྱེད། རྣམ་པར་ཤེས་པར་མི་བྱེད། ལེན་པར་མི་བྱེད། གཏོང་བར་མི་
D80.044.0002b06.01བྱེད། སྐྱེད་པར་མི་བྱེད། འགོག་པར་མི་བྱེད་པ་གང་ཡིན་པ་དེ་ནི་བྱང་ཆུབ་སེམས་དཔའི་སེམས་དང་པོ་བསྐྱེད་པ་ཡིན་ནོ། །ལྷའི་བུ་དེ་ལྟ་བས་ན་བྱང་ཆུབ་སེམས་དཔའ་ཚུལ་དེ་དང་། ཆོས་ཀྱི་དབྱིངས་དེ་དང་། མཉམ་པ་ཉིད་དེ་དང་། མཐའ་དེ་དང་། ཐབས་ལ་མཁས་པ་དེས་
D80.044.0002b07.01