完整藏文原文 · 德格版页 当前仅加载第 44 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བརྙེས་སོ། །སྲོག་མ་བརྙེས་སོ། །གང་ཟག་མ་བརྙེས་སོ། །རྟག་པ་མ་བརྙེས་སོ། །ཆད་པ་མ་བརྙེས་སོ། །ཕུང་པོ་རྣམས་མ་བརྙེས་སོ། །ཁམས་རྣམས་མ་བརྙེས་སོ། །སྐྱེ་མཆེད་རྣམས་མ་བརྙེས་སོ། །མིང་མ་བརྙེས་སོ། །གཟུགས་མ་བརྙེས་སོ། །འདོད་པའི་ཁམས་
D80.044.0004b01.01མ་བརྙེས་སོ། །གཟུགས་ཀྱི་ཁམས་མ་བརྙེས་སོ། །གཟུགས་མེད་པའི་ཁམས་མ་བརྙེས་སོ། །རྟོག་པ་དང་། ཡོངས་སུ་རྟོག་པ་དང་། རྣམ་པར་རྟོག་པ་དང་། རྒྱུ་དང་སྐྱེ་བ་རྣམས་མ་བརྙེས་སོ། །ཕྱིན་ཅི་ལོག་རྣམས་མ་བརྙེས་སོ། །འདོད་ཆགས་དང་། ཞེ་སྡང་
D80.044.0004b02.01དང་། གཏི་མུག་དག་མ་བརྙེས་སོ། །འཇིག་རྟེན་འདི་དང་། འཇིག་རྟེན་ཕ་རོལ་མ་བརྙེས་སོ། །ངར་འཛིན་པ་དང་། ང་ཡིར་འཛིན་པ་དག་མ་བརྙེས་ཏེ། བཙུན་པ་འོད་སྲུང་ཆེན་པོ་མདོར་ན་ཆོས་ཐམས་ཅད་མ་བརྙེས། མ་བཤིག །མ་བཀྲོལ། མ་བཟུང་།
D80.044.0004b03.01མ་བཏང་། མ་སྦྱར། མ་ཕྱེའོ། །བཙུན་པ་འོད་སྲུང་ཆེན་པོ་རྣམ་གྲངས་དེས་ན་ཁྱོད་ཀྱིས་འདི་ལྟར་སངས་རྒྱས་ཐམས་ཅད་ཀྱིས་མ་བརྙེས་པ་གང་ཡིན་པ་དེ་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་རྣམས་ཀྱིས་རྙེད་པར་རིག་པར་བྱ་སྟེ། དེའི་ཕྱིར་དེ་དག་ནི་དཀའ་
D80.044.0004b04.01བ་བྱེད་པ་ཡིན་ནོ། །སངས་རྒྱས་རྣམས་ཀྱིས་མ་མཛད་པ་གང་ཡིན་པ་དང་། ཉན་ཐོས་རྣམས་དང་རང་སངས་རྒྱས་རྣམས་ཀྱིས་མ་བྱས་པ་གང་ཡིན་པ་དེ་ཡང་བྱིས་པ་སོ་སོའི་སྐྱེ་བོ་རྣམས་བྱེད་དོ། །འོད་སྲུང་ཆེན་པོས་སྨྲས་པ། འཇམ་དཔལ་ཅི་ཞིག་བྱེད། འཇམ་
D80.044.0004b05.01དཔལ་གྱིས་སྨྲས་པ། བཙུན་པ་འོད་སྲུང་ཆེན་པོ་རྟག་པ་བྱེད་དོ། །ཆད་པ་བྱེད་དོ། །ཀུན་ཏུ་སྦྱོར་བ་བྱེད་དོ། །མངོན་པར་གནས་པ་བྱེད་དོ། །རློམ་སེམས་བྱེད་དོ། །སེམས་པ་བྱེད་དོ། །སྐྱེ་བ་བྱེད་དོ། །འཇིག་པ་བྱེད་དོ། །ལེན་པ་བྱེད་དོ། །འདོར་བ་བྱེད་དོ། །
D80.044.0004b06.01འཕྲོ་བ་བྱེད་དོ། །རྟོག་པ་བྱེད་དོ། །རྗེས་སུ་ཆགས་པ་བྱེད་དོ། །ཁོང་ཁྲོ་བ་བྱེད་དོ། །ཁེངས་པ་བྱེད་དོ། །འདུད་པ་བྱེད་དེ། བཙུན་པ་འོད་སྲུང་ཆེན་པོ་སངས་རྒྱས་བཅོམ་ལྡན་འདས་རྣམས་ཀྱིས་མ་མཛད་མི་མཛད་མཛད་པར་མི་འགྱུར་བའི་ཆོས་གང་དག་ཡིན་པ་
D80.044.0004b07.01