完整藏文原文 · 德格版页 当前仅加载第 44 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་པ་དང་། མངོན་པར་རྟོགས་པ་མ་མཆིས་པ་དང་། རིག་པ་མ་མཆིས་པ་དང་། རྣམ་པར་གྲོལ་བ་མ་མཆིས་པ་དང་། འགྲམ་མ་མཆིས་པ་དང་། ཕ་རོལ་མ་མཆིས་པ་དང་། ཚུ་རོལ་མ་མཆིས་པ་དང་། ཐར་པ་མ་མཆིས་པ་དང་། མིང་མ་མཆིས་
D80.044.0025b01.01པ་དང་། མིང་དུ་གདགས་པ་མ་མཆིས་པའི་བདེན་པ་དང་བདེན་པའི་ཚིག་དེས་ཆོས་ཀྱི་རྣམ་གྲངས་འདི་མ་འོངས་པའི་དུས་ལྔ་བརྒྱ་ཐ་མ་ན་སྤྱོད་པར་གྱུར་ཅིག །བཅོམ་ལྡན་འདས་བདེན་པ་དང་བདེན་པའི་ཚིག་གང་གིས་ཆོས་བསྟན་པ་འདིས་འགའ་ཡང་མ་སྦྱར། མ་གྲོལ་
D80.044.0025b02.01མི་སྦྱོར། མི་འགྲོལ་བའི་བདེན་པ་དང་བདེན་པའི་ཚིག་དེས་ཆོས་ཀྱི་རྣམ་གྲངས་འདི་མ་འོངས་པའི་དུས་ལྔ་བརྒྱ་ཐ་མ་ན་སྤྱོད་པར་གྱུར་ཅིག །བཅོམ་ལྡན་འདས་བདེན་པ་དང་བདེན་པའི་ཚིག་གང་གིས་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D80.044.0025b03.01རྒྱས་དེ་དག་གིས་སེམས་ཅན་འགའ་ཡང་མ་བཀྲོལ། ཡོངས་སུ་མྱ་ངན་ལས་མ་བཟླས་པ་དེ་དག་གིས་སེམས་ཅན་འགའ་ཡང་མ་བརྙེས། མ་བཤིག །ཆོས་འགའ་ཡང་མ་བསྐྱེད། མ་བཀག །རྣམ་པར་མ་བཤིག །མ་བསྐྱོད་པ་དང་། མ་འོངས་
D80.044.0025b04.01པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་སེམས་ཅན་འགའ་ཡང་འགྲོལ་བར་མི་འགྱུར། ཡོངས་སུ་མྱ་ངན་ལས་ཟློ་བར་མི་འགྱུར། དེ་དག་གིས་སེམས་ཅན་འགའ་ཡང་བརྙེས་པར་མི་འགྱུར། འཇིག་པར་མི་འགྱུར།
D80.044.0025b05.01ཆོས་འགའ་ཡང་སྐྱེད་པར་མི་འགྱུར། འགོག་པར་མི་འགྱུར། རྣམ་པར་འཇིག་པར་མི་འགྱུར། སྐྱོད་པར་མི་འགྱུར་བ་དང་། ད་ལྟར་བྱུང་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་སེམས་ཅན་འགའ་ཡང་མི་
D80.044.0025b06.01འགྲོལ། ཡོངས་སུ་མྱ་ངན་ལས་མི་ཟློ། དེ་དག་གིས་སེམས་ཅན་འགའ་ཡང་མི་བརྙེས། མི་འཇིག །ཆོས་འགའ་ཡང་མི་སྐྱེད། མི་འགོག །རྣམ་པར་མི་འཇིག །མི་སྐྱོད་པའི་བདེན་པ་དང་བདེན་པའི་ཚིག་དེས་ཆོས་ཀྱི་རྣམ་གྲངས་འདི་མ་འོངས་པའི་
D80.044.0025b07.01