完整藏文原文 · 德格版页 当前仅加载第 44 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
རྨི་ལམ་ན་བསོད་ནམས་སྣ་ཚོགས་ཀྱི་ཚོང་འདུས་མེ་ཏོག་གི་ཕྲེང་བ་སྤྱངས་པའི་གྲོང་ཁྱེར་མཐོང་སྟེ། འདི་དག་ནི་དེའི་མས་ལྟས་མཐོང་བའོ། །དྲང་སྲོང་ཆེན་པོ་གཞན་ཡང་ལྷ་གཞོན་ནུ་དེ་བཙས་ནས་ཕྲེང་བ་ཐོགས་པའི་ལྷ་ལས་ཤི་འཕོས་པས་ཤིན་ཏུ་དགའ་བ་ཆེན་པོ་
D93.044.0289a01.01སྐྱེའོ། །གོས་དཀར་པོ་ལ་དགའ་བར་འགྱུར། མཛེས་པ་དང་ལྡན་པར་འགྱུར། ཤེས་པ་དང་ལྡན་པར་འགྱུར། འདོད་པ་ལ་རབ་ཏུ་ཆགས་ཤིང་འགྲོ་བ་དང་། རྒྱུ་བ་འཕྱར་བག་ཅན་དང་། དུས་སྟོན་དང་། ལྟད་མོ་དང་། ཕྲ་བའི་གོས་ལ་མངོན་པར་དགའ་བར་འགྱུར། ཀུན་དགའི་ར་བ་ལ་
D93.044.0289a02.01དགའ་བ་དང་། ཕ་རོལ་འབྱོར་པ་མཐོང་ན་འདོད་པ་སྟེ། དྲང་སྲོང་ཆེན་པོ་འདི་དག་ནི་ཕྲེང་ཐོགས་ཀྱི་ལྷ་ལས་མིར་སྐྱེ་བའི་ལྟས་སུ་བལྟ་བ་དག་གོ། །།བམ་པོ་གཉིས་པ་སྟེ་ཐ་མ། དྲང་སྲོང་ཆེན་པོ་གཞན་ཡང་རྒྱལ་ཆེན་བཞིའི་རིས་ཀྱི་ལྷར་སྐྱེ་བའི་ལྟས་དང་། འཆི་འཕོའི་ལྟས་སུ་ལྟ་བ་ནི་
D93.044.0289a03.01དྲང་སྲོང་ཆེན་པོ་འདི་ལ་དམན་པའམ། མགོན་མེད་པ་ལ་ཟས་བཟང་པོ་དང་། ན་བའི་གསོས་སྨན་དང་། ཀུན་འཐུང་བའི་ཆུ་གྲང་མོ་དང་། ཆུ་མིག་དང་། མཚེའུ་དང་། ལྟེང་ཀ་དང་། ལུ་མ་དང་། རྫིང་བུ་དང་། ཁྲོན་ཆུ་བྱིན་ནས། དད་པ་དང་། ཡིད་རབ་ཏུ་དགའ་ཞིང་འཆི་བའི་དུས་
D93.044.0289a04.01ཀྱི་ཚེ་ཉོན་མོངས་པའི་འབར་བ་མེད་པའི་ལུས་སུ་འགྱུར། དེའི་ལུས་རིད་པར་མི་འགྱུར། མདོག་ངན་པར་མི་འགྱུར་རྔུལ་དང་དྲི་མ་ཆགས་པར་མི་འགྱུར། དེའི་ལུས་ལ་ཉམ་ང་བའི་ཚོར་བ་མི་འབྱུང་། སྐད་དམན་པ་དང་། རྩ་ལག་དང་བྲལ་ཞིང་གདུང་བ་དང་ལྡན་པར་མི་འགྱུར། དེ་བཀྲེས་པ་
D93.044.0289a05.01དང་། སྐོམ་པས་ཉན་པར་མི་འགྱུར། དེའི་ལུས་བསྐུམ་པ་དང་། སྨྱང་བ་ལ་སོགས་པས་སྡུག་བསྔལ་བར་མི་འགྱུར། བཤང་གཅི་འབྱུང་བར་མི་འགྱུར། ཡུལ་ལས་ཡོངས་སུ་ཉམས་པས་སྒྱིད་ལུག་པར་མི་འགྱུར། དེའི་དབང་པོ་ཞུམ་པར་མི་འགྱུར་བ་སྟེ། དེ་ལྟ་བུ་དེ་ནི་མཐོ་
D93.044.0289a06.01རིས་ཀྱི་བདེ་བ་དང་ལྡན་ཞིང་འཆི་བའི་དུས་བྱེད་པར་འགྱུར་རོ། །དེའི་ལུས་ཡོངས་སུ་བཏང་ནས་རྣམ་པར་ཤེས་པ་དེ་རབ་ཏུ་དགའ་བར་རྒྱལ་ཆེན་བཞིའི་རིས་ཀྱི་ལྷའི་ནང་དུ་སྐྱེད་མོས་ཚལ་དང་། ནགས་ཚལ་སྟུག་པོའི་ནང་དུ་གནས་པར་འགྱུར་རོ། །དེ་འཆི་ཁར་ལྷའི་རིས་དེ་མཐོང་ནས་བཞིན་
D93.044.0289a07.01