完整藏文原文 · 德格版页 当前仅加载第 44 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
པ། །བོར་ནས་མི་རྟག་པ་འདི་ཡིས། །སྡུག་པ་དག་ནི་ཟིན་ཏེ་སོང་། །དེ་ལྟར་ལྷའི་བུ་བུ་མོ་དེ་དག་གིས་བསྐོར་ཏེ། མཆི་མ་ཟག་སྐད་འགགས་ཤིང་ཐག་རིང་པོ་ཉིད་ནས་ལག་པ་གཡས་པ་བརྐྱང་སྟེ་མེ་ཏོག་གཏོར་ནས་འདི་སྐད་ཅེས་ཀྱེ་མའོ་སྡུག་པ། ལེགས་
D93.044.0291a01.01པར་བྱེད་པའི་འཇིག་རྟེན་མིའི་འཇིག་རྟེན་དུ་སོང་སྟེ། དད་པའི་གཤོལ་གྱིས་བསོད་ནམས་ཀྱི་ཞིང་རྨེད་པར་གྱུར་ཅིག་ཅེས་འཛེར་ཏོ། །དེ་ལྟར་སེམས་པས་ཀུན་དུ་ཁྱབ་པའི་ལུས་ཡོངས་སུ་བཏང་བར་བདག་གིས་རིག་ནས་དེ་རིམས་དྲག་པོ་མི་བཟད་པས་བཏབ་བོ། །རིམས་དྲག་
D93.044.0291a02.01པོ་དེས་ལུས་བཤིག་ནས་དེའི་ལུས་མར་གྱི་ཐིགས་པ་རྡོ་ཚན་ལ་ཐིམ་པ་བཞིན་ནོ། །དེའི་ལུས་ཡོངས་སུ་རྙིས་ནས་འདྲུད་པ་ཞེས་བྱ་བའི་རླུང་གིས་རབ་ཏུ་བདས་ཏེ། རླུང་དེས་དེའི་ལུས་སྟོང་དུ་གཏོར་ནས་ཕྱེ་མ་ཞིབ་མོ་བཞིན་དུ་ནམ་མཁའི་དཀྱིལ་ནས་ལྷུང་ངོ་། །དེ་ལྟར་ལྷུང་ནས་མིའི་སྲིད་པར་
D93.044.0291a03.01སྐྱེ་བ་ཡོངས་སུ་ལེན་ཏེ། ཕ་མ་འདུས་པ་མཐོང་ནས་རབ་ཏུ་དགའ་བའི་ཡིད་ཀྱིས་མའི་མངལ་དུ་སྐྱེའོ། །དེ་ཐོག་མར་སྐྱེས་ཤིང་མའི་མངལ་ན་གནས་པ་ན་མཚན་མ་འབྱུང་བ་ནི་དེའི་མ་དེ་ཁ་ཟས་ལ་རབ་ཏུ་དགའ་བར་འགྱུར། གོས་དམར་པོ་འཚེར་བ་ལ་མངོན་པར་དགའ་བར་འགྱུར།
D93.044.0291a04.01སྐྱེ་བོ་སྣ་ཚོགས་ཕལ་པོ་ཆེ་ལ་ལྟ་འདོད་ཅིང་རྩ་ལག་དང་མཛའ་བ་ཙམ་དུ་འདུ་ཤེས་སྐྱེད་པར་འགྱུར། དེ་དེའི་མངལ་དུ་ཞུགས་ནས་མངལ་ན་ཚོར་བ་སྐྱེ་བར་མི་འགྱུར། ཁ་ཆུ་ཟག་པ་དང་། ཆུ་སེར་འབྱུང་བར་མི་འགྱུར། དེའི་ལུས་ན་བར་མི་འགྱུར། དེ་དེའི་མངལ་ན་ལག་པ་དང་།
D93.044.0291a05.01རྐང་པ་དང་། མགོ་ཤིན་ཏུ་ཡོངས་སུ་རྫོགས་པར་གྲུབ་ནས། དེ་བཙས་པ་དང་གཟི་བརྗིད་དང་ལྡན་ཞིང་མཐོང་ན་དགའ་བ་རབ་ཏུ་འཕེལ་བར་འགྱུར། རྒྱལ་ཆེན་བཞིའི་རིས་ཀྱི་ལྷའི་གཏམ་ཐོས་ན་དགའ་བ་སྐྱེ་བར་འགྱུར། སྦྱིན་པ་ལ་དགའ་བ་དང་། ཆང་ལ་སྲེད་པ་དང་། ཤིན་
D93.044.0291a06.01ཏུ་དྲི་ཞིམ་པའི་ཆ་བྱད་འཛིན་ཅིང་སྐྱེད་མོས་ཚལ་ལ་དགའ་བར་འགྱུར། བུད་མེད་ལ་དབང་པོ་མངོན་པར་རབ་ཏུ་ཆགས་པར་འགྱུར། ཡང་དང་ཡང་ཟས་འདོད་པར་འགྱུར། གླུ་དང་། གར་དང་། སིལ་སྙན་གྱི་རྗེས་སུ་འཇུག་པར་འགྱུར། མདོག་སྣུམ་ཞིང་སྔོ་སངས་པོར་འགྱུར།
D93.044.0291a07.01