完整藏文原文 · 德格版页 当前仅加载第 44 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
མིག་ལྷའི་བཻ་དཱུརྱ་སྔོན་པོ་ལྟར་འགྱུར་རོ། །དྲང་སྲོང་ཆེན་པོ་འདི་དག་ནི་ལུས་དང་སེམས་ཀྱི་རྒྱུད་ཀྱི་བག་ཆགས་ཀྱིས་བསྒོས་པས་རྒྱལ་ཆེན་བཞིའི་རིས་ནས་ཤི་འཕོ་བའི་ལྟས་སུ་བལྟའོ། །དྲང་སྲོང་ཆེན་པོ་གང་ལ་ལ་སྲོག་གཅོད་པ་སྤངས་ནས་དད་ཅིང་དང་བས་སྦྱིན་པ་སྦྱིན་ཞིང་། མ་
D93.044.0291b01.01བྱིན་པར་མི་ལེན་པ་དང་། བཟའ་བ་དང་། བཅའ་བ་དང་། བལྡག་པ་དང་། གཞིབ་པ་དང་། ཡོ་བྱད་ཀྱི་ཁྱད་པར་སྤངས་ནས་ནོར་བུ་དང་། གསེར་དང་། དངུལ་དང་། རྡོ་རྗེ་དང་། བཻ་དཱུརྱ་ལ་སོགས་པ་རྫས་ཐམས་ཅད་རབ་ཏུ་སྦྱིན་པ་ལ་བསྟན་པ་དང་། བསྒོམས་པ་དང་།
D93.044.0291b02.01མང་དུ་བྱས་ནས་དད་པ་དང་། རབ་ཏུ་དགའ་བའི་ཡིད་ཀྱིས་མེ་ཏོག་གི་ལྡ་ལྡི་འབུལ་བ་དང་། མཆོད་རྟེན་ལ་མངོན་པར་ཕྱག་འཚལ་བ་ལ་སོགས་པའི་རྣམ་པར་སྨིན་པས་ཚེ་ཡོངས་སུ་ཟད་པའི་དུས་ན་ལུས་ལ་ཉོན་མོངས་པ་ཆུང་བར་འགྱུར། སྣུམ་པའི་དྲི་མ་དང་། དྲི་ང་བ་རྣམ་པར་
D93.044.0291b03.01སྤངས་ནས་རང་གི་དགེ་བའི་རྩ་བ་རྗེས་སུ་དྲན་ཞིང་འཆི་བའི་དུས་ཀྱི་ཚེ་རབ་ཏུ་དང་བའི་ལྟས་མཐོང་བར་འགྱུར་རོ། །འདི་ནི་དེའི་ལྟས་ཡིན་ཏེ། བཞིན་གསེར་གྱི་ཁ་དོག་ལྟ་བུར་འགྱུར། དེའི་སྣ་ཡོན་པོར་མི་འགྱུར། དེའི་སྙིང་འཕར་བར་མི་འགྱུར། མིད་པ་ནས་སྒྲ་ངར་ངར་པོ་འབྱུང་
D93.044.0291b04.01བར་མི་འགྱུར། དེའི་ལུས་ལ་དབུགས་རྒོད་པར་མི་འགྱུར། དེའི་ལུས་གདུང་བར་མི་འགྱུར། དབང་པོ་འགྱུར་བ་མ་ཡིན། ཡན་ལག་དང་ཉིང་ལག་ཀུན་དུ་ཆད་པར་མི་འགྱུར། གཤིས་ཀྱི་མཚམས་འཇིགས་པར་མི་འགྱུར། མལ་གྱི་སྟེང་ན་འགྲེ་ཞིང་ལྡོག་པ་བྱེད་པར་མི་འགྱུར། དམན་པའི་
D93.044.0291b05.01ཚིག་ལྟ་བུ་སྨྲ་བར་མི་འགྱུར། རིམས་ནད་ཀྱིས་འཆི་བའི་དུས་བྱེད་པར་མི་འགྱུར། ཕ་རོལ་པོས་དུག་བྱིན་པས་གནོད་པར་མི་འགྱུར། མེ་ཏོག་དང་འབྲས་བུ་ལ་བརྐམ་པའི་ཕྱིར་ཤིང་ལ་འཛེགས་ནས་ལྷུང་བས་འཆི་བའི་དུས་བྱེད་པར་མི་འགྱུར། ཡིད་དུ་མི་འོང་བའི་ཁ་ཟས་ཟོས་ཏེ།
D93.044.0291b06.01ཁ་ཟས་མ་ཞུ་བས་འཆི་བའི་དུས་བྱེད་པར་མི་འགྱུར་རོ། །གལ་ཏེ་མིའི་ཕུང་པོ་ཡོངས་སུ་བཏང་ནས་ཀྱང་ལྷའི་ནང་གི་རྣམ་པར་ཤེས་པས་སུམ་ཅུ་རྩ་གསུམ་རིས་ཀྱི་ལྷ་རྣམས་མཐོང་སྟེ། ཁང་པ་བརྩེགས་པ་ནོར་བུ་དང་། གསེར་དང་། བཻ་དཱུརྱ་དང་། དངུལ་སྟོང་གིས་རྣམ་པར་བརྒྱན་
D93.044.0291b07.01