完整藏文原文 · 德格版页 当前仅加载第 48 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་གཎྜཱི་རྡུང་མི་ནུས། ཆོས་ཀྱི་སེང་གེའི་ཁྲི་ལ་འདུག་མི་ནུས། མྱ་ངན་ལས་འདས་པའི་དབྱིངས་སུ་འཇུག་མི་ནུས། འོད་ཟེར་དཔག་ཏུ་མེད་པས་སྣང་བར་བྱེད་མི་ནུས་སོ། །ཀུན་ཏུ་དཔའ་བ་དེ་བཞིན་དུ་གང་དག་ཟུང་གི་ཆོས་ཀྱི་རྣམ་གྲངས་ཐོས་པར་མི་འགྱུར་བ་དེ་དག་ཀྱང་
D102.048.0245a01.01བྱང་ཆུབ་ཀྱི་སྙིང་པོ་ལ་འདུག་པར་མི་ནུས་སོ། །ཀུན་ཏུ་དཔའ་བས་གསོལ་པ། བཅོམ་ལྡན་འདས་ངོ་མཚར་ཅུང་ཟད་ཅིག་ཞུའོ། །བདེ་བར་གཤེགས་པ་ངོ་མཚར་ཅུང་ཟད་ཅིག་ཞུའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་དཔའ་བ་ཁྱོད་ཅི་དང་ཅི་འདོད་པ་དྲིས་ཤིག་དང་ངས་ཁྱོད་ཀྱི་
D102.048.0245a02.01དོགས་པ་བསལ་བར་བྱའོ། །གསོལ་པ། གང་གིས་སེམས་ཅན་དེ་དག་མཚམས་མེད་པ་ལྔ་ལས་ཡོངས་སུ་ཐར་བར་བགྱིས་ནས་ཕྱིར་མི་ལྡོག་པའི་ས་ལ་སོ་སོར་བཀོད་པའི་དྲང་སྲོང་དུ་གྱུར་པ་དེ་གང་ལགས། བཀའ་སྩལ་པ། སངས་རྒྱས་རྣམས་ཀྱི་ཚིག་ཟབ་སྟེ། །ཀུན་ཏུ་དཔའ་བ་ང་ལ་
D102.048.0245a03.01ཉོན། །ཟུང་གི་མདོ་སྡེ་སྟོན་པ་ནི། །དྲང་སྲོང་གཟུགས་སུ་བསྟན་པའོ། །ཟུང་གིས་སངས་རྒྱས་སྐུ་དག་ཀྱང་། །སྙིང་བརྩེའི་ཕྱིར་ནི་རབ་ཏུ་སྟོན། །གང་གཱའི་བྱེ་མ་ཇི་སྙེད་པ། །དེ་སྙེད་ཀྱི་ནི་གཟུགས་ཀྱང་སྟོན། །སངས་རྒྱས་ཀྱི་ནི་གཟུགས་སྟོན་ཅིང་། །བདག་ཉིད་ཆོས་ཀྱང་རབ་ཏུ་སྟོན། །
D102.048.0245a04.01སངས་རྒྱས་བལྟ་བར་གང་འདོད་པ། །ཟུང་ནི་སངས་རྒྱས་མཚུངས་པ་ཡིན། །ཟུང་ནི་ག་ལ་ཡོད་པ་ན། །སངས་རྒྱས་རྟག་པར་དེ་ན་ཡོད། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཉོན་ཅིག །ཀུན་ཏུ་དཔའ་བ་སྔོན་བྱུང་བ་འདས་པའི་དུས་བསྐལ་པ་གྲངས་མེད་པ་དགུ་བཅུ་རྩ་
D102.048.0245a05.01དགུ་ན་སངས་རྒྱས་བྱེ་བ་ཕྲག་བཅུ་གཉིས་བྱུང་སྟེ། དེ་བཞིན་གཤེགས་པ་རིན་ཆེན་མཆོག་ཅེས་བྱ་བ་བྱུང་བ་དེ་ནི་ང་སྦྱིན་པ་ལ་དཔའ་བར་གྱུར་ནས་ངས་སངས་རྒྱས་ཟླ་བ་ཞེས་བྱ་བ་བྱེ་བ་ཕྲག་བཅུ་གཉིས་ལ་བསྙེན་བཀུར་བྱས་ཏེ། བཟའ་བ་དང་། བཅའ་བ་དང་། སྤོས་དང་། ཕྲེང་བ་དང་། བྱུག་པ་དང་།
D102.048.0245a06.01ཇི་ལྟར་བདེ་བ་དང་། ཁ་ཟས་བཟང་པོ་དང་། བདེ་བའི་ཡོ་བྱད་ཐམས་ཅད་ཀྱིས་རིམ་གྲོ་བྱས་སོ། །རིམ་གྲོ་བྱས་ནས་ཀྱང་ངས་དེར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོས་པ་དྲན་ནོ། །ཀུན་ཏུ་དཔའ་བ་ངས་དེ་བཞིན་གཤེགས་པ་རིན་པོ་ཆེ་ཐམས་ཅད་སྣང་བ་ཞེས་བྱ་བ་
D102.048.0245a07.01