完整藏文原文 · 德格版页 当前仅加载第 48 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
མུག་ནོན་པའི་ཁུར་ཁྱེར་ཏེ། །ཁུར་ལས་ཐར་བ་མི་ཤེས་པ། །དེ་དག་ཡང་དང་ཡང་ཁུར་ཁྱེར། །ཐར་པའི་ལམ་ནི་མི་ཤེས་ཤིང་། །ཐར་པའི་ལམ་ནི་མ་མཐོང་རྣམས། །འཆི་བ་རྣམ་པར་ཤེས་མོད་ཀྱི། །འོན་ཀྱང་འཇིགས་པ་མི་སྐྱེད་དོ། །
D102.048.0271b01.01བདག་ཅག་ལ་ནི་ནམ་དུ་ཡང་། །འཆི་བ་མེད་སྙམ་བདེ་བར་གནས། །ཀུན་ཏུ་འཁྲུལ་པས་མ་ཤི་བ། །མཐོང་ཡང་རྣམ་པར་མི་ཤེས་སོ། །དེ་དག་ཕ་ཡང་མི་དྲན་ཏེ། །ནད་ཀྱིས་ཀྱང་ནི་རྟག་གཟིར་ཅིང་། །ཉོན་མོངས་ལས་ཀྱིས་རབ་དཀྲུགས་ན། །
D102.048.0271b02.01ཇི་ལྟར་ཁ་ཟས་ཟ་བར་འགྱུར། །སྡུག་བསྔལ་ཉམ་ཐག་མི་ཤེས་ཏེ། །བདག་ཅག་ངལ་བ་དོན་མེད་དོ། །ཁྱོད་ཀྱི་སྡུག་བསྔལ་འདི་འདྲ་བ། །མ་རིག་གཞི་ལས་སྐྱེས་པའོ། །འདུ་ཤེས་འདུ་བྱེད་ཚོར་བ་རྣམས། །འཇིགས་ཆེན་ལྕི་བའི་ཁུར་ཡིན་ནོ། །
D102.048.0271b03.01གང་ཆོས་རྣམ་པར་མི་ཤེས་པ། །བྱིས་པ་སྲེད་པས་རབ་ཏུ་འཁྱམ། །ལུས་ཀྱི་ཁུར་གྱིས་བསྐོར་བ་ནི། །འཇིག་རྟེན་དུ་ནི་དོན་མེད་སྐྱེས། །གོས་གཙང་ཤིན་ཏུ་བཟང་བ་དང་། །ཁྲུས་དང་བྱུག་པ་དགོས་པའོ། །ལུས་ལ་གང་ཡིད་འོང་བ་ཡི། །ཁ་ཟས་
D102.048.0271b04.01ཞིམ་པོ་དགོས་པ་སྟེ། །ཡིད་འོང་བ་ཡི་སིལ་སྙན་ལྔ། །དེ་བཞིན་རྣ་བས་ཚོར་བར་བྱེད། །རིན་ཆེན་བདུན་ལས་བྱུང་བ་ཡི། །གཟུགས་ལ་མིག་གིས་ཆགས་པར་བྱེད། །ཞིམ་པའི་རོ་རྣམས་ཐམས་ཅད་ནི། །ལྕེས་ཀྱང་ཚོར་བར་བྱེད་པ་སྟེ། །
D102.048.0271b05.01འཇམ་ཞིང་ཕྲ་བའི་རེག་པ་ཡང་། །ལུས་ཀྱིས་རྟག་ཏུ་ཚོར་བར་བྱེད། །ལུས་ཀྱིས་སུ་ནི་ཤ་གཉིས་པོ། །དགའ་བར་ཡང་ནི་བསྒྲུབས་པ་ལས། །སེམས་པ་མེད་པའི་ལུས་འདི་སྐྱེས། །དེ་ལ་དགའ་བ་སུ་ཞིག་རྙེད། །དེ་ན་བདག་རྐང་དགའ་བྱེད་པ། །
D102.048.0271b06.01ལྷམ་ནི་རབ་ཏུ་བཟང་གྱོན་ཡང་། །འཆི་བར་འགྱུར་ཚེ་གོས་རྣམས་དང་། །བྱུག་པ་སྐྱབས་སུ་མི་འགྱུར་ཏེ། །ལུས་ཀྱང་སྐྱབས་སུ་འགྱུར་མིན་ན། །གོས་དང་བྱུག་པ་སྨོས་ཅི་དགོས། །མི་ཞེས་བྱ་བ་ལུས་ཡིན་ཏེ། །དབུགས་དང་སྟོབས་ཆེན་རྙེད་པར་འགྱུར། །
D102.048.0271b07.01