完整藏文原文 · 德格版页 当前仅加载第 48 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ཟོས་པས། །དེ་ཕྱིར་བདག་གི་སྡུག་བསྔལ་འདི། །མི་བཟད་འོང་བར་འགྱུར་བ་ཡི། །འཆི་བ་བདག་གིས་མ་ཤེས་ཏེ། །བདག་ནི་བྱིས་པའི་བློར་གྱུར་པས། །བདག་གི་ལུས་ཀྱང་གསོ་བ་བྱས། །དེང་ནི་བདག་ལ་འཆི་འོང་ན། །སྐྱབས་བྱེད་པ་ནི་སུ་ཡང་མེད། །གཉེན་
D102.048.0266b01.01རྣམས་ཁྱེད་ཅག་ཐམས་ཅད་ཀྱང་། །ང་ཡི་གདོང་དུ་བལྟར་ཅི་ཡོད། །ཅི་ཞིག་ཕྱིར་ནི་གོས་འདྲལ་ཞིང་། །ཅི་ཕྱིར་ངུ་ཞིང་སྨྲེ་སྔགས་འདོན། །ཅི་ཕྱིར་སྐྲ་རྣམས་རབ་འཇིག་ཅིང་། །ཅི་ཕྱིར་ཁྲག་ཀྱང་འབྱིན་པར་བྱེད། །ཅི་ཕྱིར་མགོ་ལ་རྡུལ་འཐོར་ཞིང་། །བྲང་ཡང་རབ་ཏུ་རྡུང་བར་
D102.048.0266b02.01བྱེད། །བདག་གསོན་ཚེ་ན་སྡིག་པ་རྣམས། །སྤང་བར་བྱ་རིགས་ཁྱེད་ཅི་མདུད། །བདག་གི་ལུས་ནི་སྤྱང་ཀི་དང་། །ཁྱི་དང་བྱ་རོག་རྣམས་དང་ནི། །བྱ་རྣམས་ཀྱིས་ཀྱང་བཟའ་བར་འགྱུར། །ལུས་འདི་དགོས་པ་མེད་པར་གསོས། །འཆི་བའི་སྦྲུལ་དང་ལྡན་གྱུར་ནས། །མི་ནི་རྟག་
D102.048.0266b03.01ཏུ་སྐྱེ་བར་འགྱུར། །འཇིགས་པ་འདི་ལས་གྲོལ་འགྱུར་བ། །དེ་ལྟ་བུ་ཡི་སྨན་རྣམས་བསྟེན། །བདག་ལ་སྨན་པས་གང་བྱིན་པའི། །སྨན་དེ་དགོས་པ་མ་ཡིན་ན། །ཉོན་མོངས་སྦྲུལ་ལས་ཐར་བྱེད་པ། །ད་ལྟར་ཆོས་ཀྱི་སྨན་རྣམས་ནི། །འཆི་ཀར་བདག་ལ་སྦྱིན་པར་བྱོས། །
D102.048.0266b04.01ཤ་ནི་ང་ལ་མ་སྦྱིན་ཅིག །ལུས་འདི་གསོ་བ་བྱས་ཀྱང་ནི། །གདོན་མི་ཟ་བར་འཇིག་པར་འགྱུར། །གང་ཕྱིར་སྡུག་བསྔལ་སྦྱིན་གྱུར་པ། །སྡིག་གི་ཕུང་པོ་ཅི་ཕྱིར་བླངས། །ལུས་འདི་ཤིན་ཏུ་གསོས་བྱས་ཀྱང་། །བྱ་བ་མ་རུངས་བྱེད་པར་འགྱུར། །བུ་དང་བུ་མོ་ཅི་ཞིག་ཕྱིར། །ང་ལ་
D102.048.0266b05.01མིག་གིས་ལྟ་བར་བྱེད། །ན་བ་འདི་ལས་ང་སྐྱོབས་ཤིག །དོན་མེད་པར་ནི་ཅི་ཕྱིར་ངུ་། །བུ་དང་བུ་མོ་ཁྱེད་ཅག་དག །ང་ནི་མ་རུང་མ་བྱེད་ཅིག །ཁྱེད་ཅག་གསོ་བར་བྱ་བའི་ཕྱིར། །ངས་ནི་གཞན་གྱི་ནོར་ཡང་ཕྲོགས། །ད་ནི་འཆི་དུས་བབ་པ་ན། །རེ་ཐག་ཆད་ཀྱིས་ཅི་ཞིག་བྱེད། །
D102.048.0266b06.01སྐྱེ་དང་ངན་འགྲོས་རབ་ཏུ་འཇིགས། །འཆི་བས་ཀྱང་ནི་ཡོངས་སུ་གཟིར། །ཚོར་བ་འདུ་ཤེས་འདུ་བྱེད་དང་། །རེག་པ་ཤིན་ཏུ་ཚོར་བའོ། །སྲེད་པས་བྱིས་པ་རྣམས་ཀྱང་འཁྱམ། །མི་བཟད་འབྲས་བུ་རྣམས་ཀྱང་ཐོབ། །ངན་པའི་རིགས་སུ་སྐྱེ་བ་ནི། །དེར་ཡང་མྱ་ངན་བཅིངས་པར་འགྱུར། །
D102.048.0266b07.01