完整藏文原文 · 德格版页 当前仅加载第 56 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་ཞུགས་པའམ། ཐེག་པ་ལ་ཡང་དག་པར་ཞུགས་ནས་རིང་དུ་ལོན་པའམ། ཕྱིར་མི་ལྡོག་པའམ། སྐྱེ་བ་གཅིག་གིས་ཐོགས་པ་ཡང་རུང་སྟེ། ཇི་སྙེད་འཁོད་པ་དེ་དག་ཐམས་ཅད་སྣ་ཚོགས་ཀྱི་གྲོང་ག་ལ་བ་དང་། རྩྭའི་སྤྱིལ་པོ་ག་ལ་བ་དེར་དོང་སྟེ་ཕྱིན་པ་དང་། སངས་རྒྱས་ཀྱི་
D139.056.0278b01.01མཐུས་མི་གང་ཙམ་གྱི་བར་སྣང་ལ་སྐྱིལ་མོ་ཀྲུང་བཅས་ཏེ་འཁོད་དོ། །དེ་ནས་དེའི་ཚེ་འཇམ་དཔལ་གཞོན་ནུར་གྱུར་པས། སེམས་ཅན་ཐམས་ཅད་ཀྱི་སེམས་མགུ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འཇམ་དཔལ་གཞོན་ནུར་གྱུར་པ་ཏིང་ངེ་
D139.056.0278b02.01འཛིན་འདི་ལ་སྙོམས་པར་ཞུགས་མ་ཐག་ཏུ་འཁོར་དེ་དག་ཐམས་ཅད་སེམས་རབ་ཏུ་དགའ་བ་དང་། སེམས་མགུ་བ་དང་། སེམས་རངས་པ་དང་། སེམས་ཤིན་ཏུ་ཚིམ་པ་སྐྱེས་སོ། །དེ་ནས་དེའི་ཚེ་བྱང་ཆུབ་སེམས་དཔའ་བྱམས་པས་ཆོས་ཐམས་ཅད་རབ་ཏུ་ཞི་བ་ཞེས་བྱ་བའི་ཏིང་ངེ་
D139.056.0278b03.01འཛིན་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་བྱམས་པ་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་འཁོར་དེ་དག་ཐམས་ཅད་ཀྱི་དབང་པོ་རྣམས་རབ་ཏུ་ཞི་བར་གནས་སོ། །དེ་ནས་བྱང་ཆུབ་སེམས་དཔའ་རིན་པོ་ཆེའི་ཏོག་ཅེས་བྱ་བ། །བྱང་ཆུབ་སེམས་དཔའ་དྲུག་ཁྲི་
D139.056.0278b04.01ཉིས་སྟོང་དང་། ལྷན་ཅིག་ཏུ་སྣ་ཚོགས་ཀྱི་གྲོང་ག་ལ་བ་དང་། རྩྭའི་སྤྱིལ་པོ་ག་ལ་བ་དེར་སོང་སྟེ། ཕྱིན་མ་ཐག་ཏུ་བདག་ཉིད་སྟེང་གི་ནམ་མཁའ་བར་སྣང་ལ་འདུག་པ་སྙམ་དུ་ཤེས་ཏེ། དེ་སྟེང་གི་ནམ་མཁའ་དེ་ཉིད་ལ་སྐྱིལ་མོ་ཀྲུང་བཅས་ཏེ་འདུག་གོ། །དེ་ནས་དེའི་ཚེ་བྱང་ཆུབ་སེམས་
D139.056.0278b05.01དཔའ་རིན་པོ་ཆེའི་ཏོག་བཀོད་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་རིན་པོ་ཆེའི་ཏོག་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་བར་སྣང་ཐམས་ཅད་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོས་ཀུན་ཏུ་
D139.056.0278b06.01ཁེབས་ནས། ཉི་མ་དང་། ཟླ་བ་རྣམས་ཀྱི་འོད་ཀྱང་མི་སྣང་བར་གྱུར་ཏོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག །བྱང་ཆུབ་སེམས་དཔའ་དྲུག་ཁྲི་ཉིས་སྟོང་དང་ལྷན་ཅིག་ཏུ་སྟེང་གི་ནམ་མཁའ་ལས་སྣ་ཚོགས་ཀྱི་གྲོང་ཁྱེར་ག་ལ་བ་དང་། བཅོམ་ལྡན་འདས་
D139.056.0278b07.01