完整藏文原文 · 德格版页 当前仅加载第 56 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཇི་ལྟར་ན་སྐྱེ་བ་བྱང་ཆུབ་ལགས། བཅོམ་ལྡན་འདས་ཀྱིས་སྐྱེ་བ་ལས་ཡང་དག་པར་བཟླ་བའི་སླད་དུ། ཆོས་མ་བསྟན་ལགས་སམ། བཀའ་སྩལ་པ། འཇམ་དཔལ་བྱང་ཆུབ་སེམས་དཔས་སྐྱེ་བ་ཡོངས་སུ་བཙལ་ན་སྐྱེ་བ་མེད་པ། འཕོ་བ་
D139.056.0289a01.01མེད་པ། འབྱུང་བ་མེད་པར་མཐོང་ངོ་། །འཇམ་དཔལ་རྣམ་གྲངས་དེས་ན་སྐྱེ་བ་བྱང་ཆུབ་སྟེ། དེ་ནི་སྐྱེ་བ་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་རྡོ་རྗེའི་སྙིང་པོའི་གཟུངས་ལ་འཇུག་པའི་སྒོ་འདི་ནི་འཇུག་པའི་སྒོ་གང་གིས། བྱང་ཆུབ་སེམས་དཔའ་སྤོབས་པ་མྱུར་
D139.056.0289a02.01དུ་འཐོབ་ཅིང་། སྤོབས་པ་རྣོ་བར་འགྱུར་བ་དང་། སྤོབས་པ་ཟབ་མོར་འགྱུར་བ་དང་། སྤོབས་པ་ཆགས་པ་མེད་པ་དང་། སྤོབས་པ་ཐོགས་པ་མེད་པར་འགྱུར་བའོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །འདི་བྱང་ཆུབ་
D139.056.0289a03.01སེམས་དཔའ་གང་རྣམས་ཀྱི་ས་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ནི་གང་དག་བྱང་ཆུབ་ལ་མ་ཞུགས་པ་རྣམས་དང་། གང་དག་བྱང་ཆུབ་ཏུ་སེམས་མ་བསྐྱེད་པ་རྣམས་དང་། གང་དག་སངས་རྒྱས་ཀྱི་ཆོས་རྣམས་ལ་མི་དམིགས་པ་དང་། གང་
D139.056.0289a04.01དག་འདོད་ཆགས་དང་། ཞེ་སྡང་དང་། གཏི་མུག་ལས་བསྐྱོད་པར་མི་འདོད་པ་རྣམས་དང་། གང་དག་འཁོར་བ་ལས་འདའ་བར་མི་འདོད་པ་རྣམས་དང་། གང་དག་སེམས་ཅན་དགྲོལ་བར་མི་འདོད་པ་རྣམས་དང་། གང་དག་སངས་རྒྱས་ཀྱི་ཆོས་རྣམས་ཁོང་དུ་ཆུད་པར་མི་འདོད་པའི་བྱང་
D139.056.0289a05.01ཆུབ་སེམས་དཔའ་དེ་དག་གིས་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་དང་རིགས་ཀྱི་བུ་མོ་གང་ལ་ལ་ཞིག་གཟུངས་འདི་འཛིན་པ་དང་། འཆང་བ་དང་།
D139.056.0289a06.01ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ལ་ཚེ་འདི་ལ་ཡོན་ཏན་ཇི་སྙེད་ཅིག་མཆིས་པར་འཚལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། དེ་ལ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་སྲུང་བར་ཤེས་པར་བྱའོ། །དེ་
D139.056.0289a07.01