完整藏文原文 · 德格版页 当前仅加载第 57 函德格 342a 版页；藏文 NFD、目录标记与异常页序保留在来源切片中，重复版页行以稳定序号区分。
ངམ། དེ་དག་གིས་སྨྲས་པ། གྲོགས་པོ་མཐོང་ངོ་། །དེས་སྨྲས་པ། དེ་ན་རྒྱལ་པོའི་མཚན་དང་ལྡན་པའི་སྐྱེས་བུ་དེ་འདུག་སྟེ། དེའི་བསོད་ནམས་ཀྱི་ལས་ཀྱིས་གྲིབ་མའི་དོན་ཏུ་སྤྲིན་དེ་དག་འདུས་སོ། །དེ་ནས་དེ་དག་དེར་དོང་ནས། སིལ་སྙན་དང་། གླུ་དབྱངས་ཀྱི་སྒྲས་
D151.057.0342a01.01སྦྲན་ཏེ་བཏུད་ནས་དེ་ལ་འདི་སྐད་ཅེས་སྨྲས་སོ། །དབང་བསྐུར་བ་བཞེས་ལ་རྒྱལ་པོར་གྱུར་ཅིག །དེས་སྨྲས་པ། ཁོ་བོ་ལྟ་བུ་རྒྱལ་པོའི་འོས་ག་ལ་ཡིན། དེ་དག་གིས་སྨྲས་པ། བསོད་ནམས་ཀྱི་ལས་ཅན་ཁྱོད། དེ་སྐད་མ་ཟེར་བར་གདོན་མི་ཟ་བར་རྒྱལ་པོ་བྱ་དགོས་སོ། །སྨྲས་
D151.057.0342a02.01པ། དེ་བཞིན་དུ་གྱུར་ཅིག །དེ་ནས་དེ་དག་གིས་མལ་གྱི་རྐང་རྟེན་ལ་རྐང་པ་བཞག་པ་དེ་སྟན་བཟང་པོ་ལ་འདུག་ཏུ་བཅུག་ནས། བཀྲ་ཤིས་ཐམས་ཅད་ཀྱིས་རྒྱས་པར་བྱེད་ཅིང་དབང་བསྐུར་ཏེ། དབུ་རྒྱན་དར་ཐོད་ཅན་ལ་སོགས་པའི་རྒྱན་རྣམས་ཀྱིས་བརྒྱན་ནས། ཤིང་རྟའི་
D151.057.0342a03.01མགོ་ལོགས་སུ་གདུགས་ཆེན་པོ་བསྒྲེང་སྟེ། བཙུགས་ཤིང་ཡུ་བ་གསེར་ལས་བྱས་པ། ནོར་བུ་ཅན་གྱི་རྔ་མའི་བསིལ་ཡབ་དག་གིས་གཡོབ་ཅིང་། ལྷ་རྒྱལ་བར་གྱུར་ཅིག །རྒྱལ་བར་གྱུར་ཅིག་ཅེས་ཀུན་ནས་མངོན་པར་བསྟོད་དེ། རྒྱལ་པོའི་ཕོ་བྲང་འཁོར་དུ་ཁྲིད་དོ། །
D151.057.0342a04.01དེ་ནས་རྒྱལ་པོའི་ཤིང་རྟ་དེ་བསྒྱུར་བའི་འཁོར་ལོས་བཀྲེན་པ་ཅིག་ཤོས་གཉིད་ལོག་པའི་མགོ་ཆད་དོ། །དེ་ནས་བསོད་ནམས་ཀྱི་ལས་ཅན་དེ་ཡང་རྒྱལ་སྲིད་ལ་གནས་པར་གྱུར་ཏོ། །དེའི་རྒྱལ་སྲིད་དེ་ཡང་། ཡམས་ཀྱི་ནད་དང་། གནོད་པ་མེད་པ་དང་། འབྱོར་པ་དང་། རྒྱས་པ་དང་།
D151.057.0342a05.01བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བར་གྱུར་ཏོ། །རྒྱལ་པོའི་མིང་གིས་ཡོན་ཏན་ཐམས་ཅད་འབྱོར་ཅིང་ལྡན་པར་གྱུར་ལ། དགའ་དགུར་སྤྱོད་པ་དེ་འདི་སྙམ་དུ་འདི་གང་གི་མཐུ་ཡིན། བདག་གི་རྒྱལ་སྲིད་སྐལ་བ་བཟང་པོ་དང་ལྡན་པ་འདི་གང་གིས་བྱུང་
D151.057.0342a06.01བར་གྱུར་སྙམ་པ་དང་། དེ་སངས་རྒྱས་ཀྱི་མཐུས་སྔོན་གྱི་ལས་མངོན་པར་འདུ་བྱས་པ་དེ་ཐམས་ཅད་རྗེས་སུ་དྲན་ནོ། །ཡང་དག་པར་དྲན་ནས་ཀྱང་བཅོམ་ལྡན་འདས་ཀྱི་ཐད་དུ། བཅོམ་ལྡན་འདས་བདག་ཅག་སེམས་ཅན་མང་པོ་གཞན་རྣམས་ལ་ཐུགས་བརྩེ་བའི་སླད་དུ། ཚུར་གཤེགས་
D151.057.0342a07.01