完整藏文原文 · 德格版页 当前仅加载第 57 函德格 343a 版页；藏文 NFD、目录标记与异常页序保留在来源切片中，重复版页行以稳定序号区分。
བ་གཉིས་ཤིག་ལྷགས་ཞེས་བྱ་བ་ནས་རྒྱས་པར་སྔ་མ་བཞིན་ཏེ། གཅིག་གི་མགོ་ཁྱེད་ཀྱིས་ཤིང་རྟའི་འཁོར་ལོས་ཆོད་པ་ཞེས་བྱ་བའི་བར་དུའོ། །དེ་ཡང་ཤི་འཕོས་ནས། སེམས་ཅན་དམྱལ་བར་སྐྱེས་ཏེ། དེར་སྐྱེས་པ་དེའི་མགོ་སྐད་ཅིག་སྐད་ཅིག་ལ་སྐྱེས་
D151.057.0343a01.01སོ་ཅོག་ན། ལྕགས་ཀྱི་འཁོར་ལོ་འབར་བས་བཅད་དོ། །དེ་ཡང་དེ་ནས་བསྐལ་པ་བྱེ་བས་ཐར་བར་འགྱུར་རོ། །ཁྱོད་ཀྱིས་ནི་རྒྱལ་པོའི་དཔལ་ཐོབ་སྟེ། བདག་དེ་ལྟ་བུར་གྱུར་ནས། སངས་རྒྱས་ལ་སོགས་པ་དགེ་སློང་གི་དགེ་འདུན་ཞག་བདུན་དུ་གདུགས་ཚོད་གསོལ་
D151.057.0343a02.01བར་གྱུར་ཅིག་ཅེས་ཁྱོད་ཀྱིས་སྨོན་ལམ་བཏབ་སྟེ་ཁྱོད་ཀྱི་བསམ་པ་དེ་ཡང་རྫོགས་སོ། །དེ་ཕྱིན་ཅད་ནི་ཚེ་རབས་དཔག་ཏུ་མེད་པ་ཐམས་ཅད་དུ་ཕུན་སུམ་ཚོགས་པ་ཆེས་ཁྱད་པར་དུ་འཕགས་པ་དག་འཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་
D151.057.0343a03.01སྩལ་ཏོ། །འཇིག་རྟེན་ནག་པོ་འབྱུང་བའི་ཕྱིར། །ཡིད་ནི་དུག་གི་རྩ་བ་ཡིན། །ཉེས་པར་སྨྲ་རྣམས་འབྱུང་བའི་ཕྱིར། །ཁ་ནི་སྡིག་པའི་སྒོ་ཉིད་དོ། །སེམས་ཀྱིས་སྣ་ཚོགས་སེམས་པར་བྱེད། །དེ་ནས་ཚིག་ཏུ་སྨྲ་བར་འགྱུར། །ངག་ཡིད་དག་གིས་སྡིག་བྱས་པ། །ལུས་སྐྱེས་
D151.057.0343a04.01སྡུག་བསྔལ་སྦྱིན་པར་བྱེད། །ཕན་དང་མི་ཕན་མ་བསམས་པར། །བློ་གྲོས་མེད་པས་སྡིག་བྱེད་པ། །དེས་ན་སྡུག་བསྔལ་སྣོད་འགྱུར་ཏེ། །ཉོན་མོངས་པ་དག་དེ་ལྟར་འགྱུར། །མཁས་པ་རྣམས་ཀྱི་མགོ་བོ་དག །ཡིད་ཀྱིས་གཅོད་པར་འདོད་པ་དེ། །བློ་གྲོས་ངན་པ་མི་ཤེས་པའི། །
D151.057.0343a05.01མགོ་ནི་འཁོར་ལོས་ཡང་དག་ཆོད། །དཔལ་ལྡན་ཡིད་འདི་ཁོ་ནས་ནི། །ཆོས་དཀར་བདུད་རྩི་རྟེན་པ་ཡི། །སེམས་ཅན་བསོད་ནམས་བྱས་དགེ་རྣམས། །ལྷ་ཡི་འཇིག་རྟེན་རྣམས་སུ་ཁྲིད། །འདིར་ནི་སྙིང་གིས་ཀུན་བསམས་ནས། །ཚིག་ཏུ་རྗོད་པས་ལེགས་སྨྲས་པ། །དེ་ཕྱིར་
D151.057.0343a06.01དེ་ནི་ལུས་ཀྱིས་སུ། །བསོད་ནམས་མཛོད་ནི་ལེན་པར་འགྱུར། །མི་ཡིས་བློ་ནི་སྔོན་བཏང་སྟེ། །ལས་དགེ་མི་དགེ་རྣམས་ཕྱེ་ནས། །གལ་ཏེ་བསོད་ནམས་ཆེ་བྱེད་ན། །རྟག་ཏུ་རབ་ཏུ་ལྷ་དེར་འགྱུར། །སེམས་ཀྱིས་མི་དགེ་བ་ཡི་ལས། །རྟག་ཏུ་ཡོངས་སུ་སྤངས་ནས་ནི། །
D151.057.0343a07.01