完整藏文原文 · 德格版页 当前仅加载第 61 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
པ། སྤོས་དང་། ཕྲེང་བ་རྒྱུ་དང་། བྱུག་པ་དང་། གནས་མལ་རུང་བ་ཁ་ན་མ་ཐོ་བ་མེད་པ་དང་། གང་ཅི་དང་ཅི་འདོད་པ་ཐམས་ཅད་བྱིན་ནོ། །ཀུན་དགའ་བོ་དེ་ནས་ཟླ་བ་བཅུ་འདས་པ་དང་། རྒྱལ་པོ་གླིང་ལྡན་གྱི་བུ་གཟུགས་བཟང་བ། མཛེས་པ། བལྟ་ན་སྡུག་པ། ཁ་དོག་བཟང་པོ་
D188.061.0192b01.01རྒྱས་པ་མཆོག་དང་ལྡན་པ་ཞིག་བཙས་ཏེ། བཙས་མ་ཐག་ཏུ་ལུས་ལས་འདི་ལྟ་བུའི་འོད་བྱུང་སྟེ། འོད་དེས་རྒྱལ་པོ་གླིང་ལྡན་གྱི་རྒྱལ་པོའི་ཕོ་བྲང་ཐམས་ཅད་སྣང་བས་ཁྱབ་པར་གྱུར་ཏོ། །དེ་ནས་དེའི་ཚེ་ལྷའི་དབང་པོ་བརྒྱ་བྱིན་རང་གི་གནས་ནས་མི་སྣང་བར་གྱུར་ནས། གཞོན་ནུ་གང་ན་བ་
D188.061.0192b02.01དེར་སོང་སྟེ་ཕྱིན་ནས་གཞོན་ནུ་དེ་ལ་ཤིས་པར་བརྗོད་པ་བྱས་ཏེ། འདི་སྐད་ཅེས་ཀྱང་སྨྲས་སོ། །འདི་བཙས་མ་ཐག་ཏུ་ལུས་ལས་འདི་ལྟ་བུའི་འོད་བྱུང་སྟེ། འོད་དེས་རྒྱལ་པོ་གླིང་ལྡན་གྱི་རྒྱལ་པོའི་ཕོ་བྲང་ཐམས་ཅད་སྣང་བས་ཁྱབ་པར་གྱུར་པས་གཞོན་ནུའི་མིང་མར་མེ་མཛད་དུ་བཏགས་
D188.061.0192b03.01སོ། །དེ་ནས་གཞོན་ནུའི་མིང་མར་མེ་མཛད་མར་མེ་མཛད་ཅེས་བྱ་བར་གྱུར་ཏོ། །ཀུན་དགའ་བོ་དེ་ནས་རྒྱལ་པོ་གླིང་ལྡན་དགའ་ཞིང་མགུ་ལ་ཡི་རངས་ཏེ་རབ་ཏུ་དགའ་ནས། དགའ་བ་དང་ཡིད་བདེ་བ་སྐྱེས་ཏེ། ཡང་དེའི་རྒྱལ་ཁམས་སུ་གཏོགས་པ་ཐམས་ཅད་ལ་སྦྱིན་པ་བྱིན་ཏེ། འདི་ལྟ་སྟེ།
D188.061.0192b04.01ཟས་འདོད་པ་རྣམས་ལ་ནི་ཟས། སྐོམ་འདོད་པ་རྣམས་ལ་ནི་སྐོམ། བཞོན་པ་འདོད་པ་རྣམས་ལ་ནི་བཞོན་པ། སྤོས་དང་། ཕྲེང་བ་རྒྱུ་དང་། བྱུག་པ་དང་། གནས་མལ་རུང་བ་ཁ་ན་མ་ཐོ་བ་མེད་པ་དང་། གང་ཅི་དང་ཅི་འདོད་པ་ཐམས་ཅད་བྱིན་ནོ། །ཀུན་དགའ་བོ་དེ་ནས་རྒྱལ་པོ་གླིང་ལྡན་གྱིས་རྒྱལ་
D188.061.0192b05.01བུ་གཞོན་ནུ་མར་མེ་མཛད་བཀུག་སྟེ། ཅོད་པན་བཅིངས་ནས་རྒྱལ་སྲིད་ཕྱེད་བྱིན་ཏེ། འདི་སྐད་ཅེས་ཀྱང་སྨྲས་སོ། །གཞོན་ནུ་ཁྱོད་སོང་ལ་བཙུན་མོའི་འཁོར་གྱི་ནང་ན་འདུག་ཅིང་རྩེས་ཤིག །དགའ་བར་གྱིས་ཤིག །དགའ་དགུར་སྤྱོད་ཅིག །ཀུན་དགའ་བོ་དེ་ནས་རེ་ཞིག་ན་རྒྱལ་བུ་གཞོན་ནུ་མར་མེ་
D188.061.0192b06.01མཛད་བཙུན་མོའི་འཁོར་གྱི་ནང་དུ་སོང་ནས་བཞོན་པ་ཆེན་པོ་ལ་ཞོན་ཏེ། བུད་མེད་ཀྱི་ཚོགས་ཀྱིས་ཡོངས་སུ་བསྐོར་ནས་སྐྱེད་མོས་ཚལ་གྱི་གནས་སུ་སོང་བ་དང་། གནས་གཙང་མའི་རིས་ཀྱི་ལྷའི་བུ་དག་གཅིག་གིས་བདག་ཅག་ཉིད་རྒས་ཤིང་འཁོགས་པ་དང་། ནད་ཀྱིས་བཏབ་པ་དང་།
D188.061.0192b07.01