完整藏文原文 · 德格版页 当前仅加载第 61 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
ཤི་བ་ཡང་བསྟན་ཏེ་དགེ་སྦྱོང་ཞིག་ཀྱང་དེར་བཞག་པ་དང་། རྒྱལ་བུ་གཞོན་ནུ་མར་མེ་མཛད་ཀྱིས་མཐོང་ནས་ཁ་ལོ་སྒྱུར་བ་ལ་འདི་སྐད་ཅེས་སྨྲས་སོ། །ཀྱེ་ཁ་ལོ་སྒྱུར་བ་རྣམ་པ་སྣ་ཚོགས་སྣང་བ་འདི་དག་ཅི་ཡིན། ཁ་ལོ་སྒྱུར་བས་སྨྲས་པ། གཞོན་ནུ་འདི་དག་ནི་རྒས་
D188.061.0193a01.01པ་ཞེས་བགྱི་བ་དང་། ན་བ་ཞེས་བགྱི་བ་དང་། ཤི་བ་ཞེས་བགྱི་བ་ལགས་ཏེ། གཞོན་ནུ་ཇི་སྲིད་དུ་ཆོས་ཉིད་གདགས་པ་མཆིས་པ་དེ་སྲིད་དུ་རྒ་བ་དང་། ན་བ་དང་། འཆི་བའི་ཆོས་རྣམས་མཆིས་ཏེ་གཞོན་ནུ་ཁྱོད་དང་འོ་སྐོལ་ཡང་དེ་ལྟ་བུ་ལགས་ཏེ། འཁོར་བ་ན་གནས་པ་ཁོ་ན་ལགས་
D188.061.0193a02.01སོ། །གཞོན་ནུས་སྨྲས་པ། ཁ་ལོ་སྒྱུར་བ་མགོ་བྲེགས་ཏེ་གོས་ངུར་སྨྲིག་གྱོན་ལ་ཞི་ཞིང་ཉེ་བར་ཞི་བ་གཉའ་ཤིང་གང་ཙམ་དུ་བལྟ་བ་འདི་སུ་ཞིག །ཁ་ལོ་སྒྱུར་བས་སྨྲས་པ། གཞོན་ནུ་འདི་ནི་དགེ་སློང་སྟེ། སྡིག་པ་ཐམས་ཅད་སྤངས་པ་ཐར་པ་ལ་མངོན་པར་དགའ་བའི་འདུ་ཤེས་བསྐྱེད་ནས་
D188.061.0193a03.01ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལགས་སོ། །གཞོན་ནུས་སྨྲས་པ། ཁ་ལོ་སྒྱུར་བ་ལེགས་སོ་ལེགས་སོ། །དགེ་སློང་འདིའི་ལམ་འདི་ནི་འདོད་པ་ཡིན་ནོ་ཞེས་ནས་ཕྱིར་ལོག་སྟེ་ཁྱིམ་དུ་སོང་ངོ་། །ཀུན་དགའ་བོ་དེ་ནས་རེ་ཞིག་ན་རྒྱལ་བུ་གཞོན་ནུ་མར་མེ་མཛད་ཡང་སྐྱེད་མོས་
D188.061.0193a04.01ཚལ་གྱི་གནས་སུ་སོང་ངོ་། །དེ་སྐྱེད་མོས་ཚལ་གྱི་གནས་སུ་ཕྱིན་པ་དང་། དེ་ན་སངས་རྒྱས་བརྒྱ་སྟོང་མང་པོས་བསྟན་པའི་བྱང་ཆུབ་ཀྱི་སྙིང་པོ་མཐོང་ངོ་། །ཀུན་དགའ་བོ་དེ་ནས་བྱང་ཆུབ་སེམས་དཔའ་མར་མེ་མཛད་ཀྱིས་བྱང་ཆུབ་ཀྱི་སྙིང་པོ་དེ་མཐོང་ནས་སྐྱེས་པ་དང་བུད་མེད་ཀྱི་ཚོགས་
D188.061.0193a05.01ཐམས་ཅད་ཧ་ཅང་ཐག་མི་རིང་བར་བོར་ནས་བྱང་ཆུབ་ཀྱི་སྙིང་པོ་ག་ལ་བ་དེར་སོང་སྟེ་ཕྱིན་ནས། དེས་བྱང་ཆུབ་ཀྱི་སྙིང་པོ་མཐོང་བ་དང་། ལན་གསུམ་བསྐོར་བ་བྱས་ནས་བྱང་ཆུབ་ཀྱི་སྙིང་པོ་དེར་སྐྱིལ་མོ་ཀྲུང་བཅས་ཏེ་འདུག་གོ། །བྱང་ཆུབ་སེམས་དཔའ་མར་མེ་མཛད་འདུག་མ་ཐག་ཏུ་དེ་ནས་དེའི་
D188.061.0193a06.01ཚེ་དེ་ཉིད་ཀྱི་མཚན་མོའི་སྐྱ་རེངས་དང་པོ་ཤར་བའི་དུས་ན་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །ཀུན་དགའ་བོ་དེ་བཞིན་གཤེགས་པ་མར་མེ་མཛད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་མ་ཐག་
D188.061.0193a07.01