完整藏文原文 · 德格版页 当前仅加载第 61 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
གོང་བར་ནི་གྱུར་ན་གང་ཡང་སྐྱོ་བར་ནི་མ་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་འདི་སྙམ་དུ་དགོངས་ཏེ། རྒྱལ་པོ་གླིང་ལྡན་གྱི་རྒྱལ་པོའི་ཕོ་བྲང་འཁོར་བའི་མི་རྣམས་ཧ་ཅང་བག་
D188.061.0194a01.01མེད་པ་དང་ལྡན་པར་གྱུར་པས་ངས་ཡང་ཅུང་ཞིག་སྐྱོ་བ་བསྐྱེད་པར་བྱ་གོར་མ་ཆག་སྙམ་མོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཀྱིས་ཡང་འདི་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་འདུ་མཛད་དེ།
D188.061.0194a02.01རྫུ་འཕྲུལ་ཇི་ལྟ་བུ་མངོན་པར་འདུ་མཛད་པ་མངོན་པར་འདུ་མཛད་པས་བཻ་དཱུརྱ་ལས་བྱས་པའི་གྲོང་ཁྱེར་ཆེན་པོ་དེ་ལ་མེ་ཆེན་པོ་འབར་བར་བྱིན་གྱིས་བརླབས་སོ། །བྱིན་གྱིས་བརླབས་མ་ཐག་ཏུ་དེ་ལ་མེ་འབར་བར་གྱུར་ཏོ། །དེ་ནས་དེའི་ཚེ་སེམས་ཅན་དེ་དག་དང་གྲོང་ཁྱེར་ཆེན་པོ་
D188.061.0194a03.01དེ་ཡང་ཡོངས་སུ་ཟད་ཅིང་མཐར་ཐུག་པ་དང་ཞིག་པར་གྱུར་ནས་སེམས་ཅན་དེ་དག་ཀྱང་ཚུལ་མ་ཡིན་པ་མཐོང་བས་སྡུག་བསྔལ་བར་གྱུར་ཏོ། །ཀུན་དགའ་བོ་དེ་ནས་རྒྱལ་པོ་གླིང་ལྡན་གྱི་རྒྱལ་པོའི་ཕོ་བྲང་འཁོར་བའི་མི་རྣམས་ཀྱིས་བཻ་དཱུརྱ་ལས་བྱས་པའི་གྲོང་ཁྱེར་ཆེན་པོ་རྒུད་པར་
D188.061.0194a04.01མཐོང་ནས་དངངས་སྐྲག་པར་གྱུར་ཅིང་སྐྱོ་བར་གྱུར་ནས་སྤུ་ཟིང་ཞེས་བྱེད་དེ། དེ་དག་འདི་སྙམ་དུ་སེམས་པར་གྱུར་ཏོ། །གང་གི་ཕྱིར་གྲོང་ཁྱེར་དེ་ཡོངས་སུ་ཟད་ཅིང་མཐར་ཐུག་པ་དང་ཞིག་པར་གྱུར་པ་ལས་ན་རིང་པོ་མི་ཐོགས་པར་བདག་ཅག་ཀྱང་དེ་ལྟ་བུའི་མི་རྟག་པའི་གནས་སྐབས་སུ་གྱུར་
D188.061.0194a05.01ན་སུ་ཞིག་བདག་ཅག་གི་སྐྱབས་སུ་འགྱུར་སྙམ་མོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་འདི་སྙམ་དུ་དགོངས་ཏེ། རྒྱལ་པོ་གླིང་ལྡན་གྱི་རྒྱལ་པོའི་ཕོ་བྲང་འཁོར་བའི་མི་འདི་རྣམས་ཡོངས་སུ་སྨིན་པས་ངས་ཆོས་བསྟན་པ་
D188.061.0194a06.01ཀུན་ཤེས་པར་ནུས་ཤིང་སྐལ་བ་དང་ལྡན་པ་དང་མཐུ་ཡོད་པར་གྱུར་ཏོ་སྙམ་མོ། །དེ་ནས་དེ་བཞིན་གཤེགས་པ་མར་མེ་མཛད་ཀྱིས་མི་དེ་རྣམས་ཀྱི་བསམ་པ་ཐུགས་སུ་ཆུད་ནས་དེའི་ཚེ་དྲན་པ་དང་ཤེས་བཞིན་གྱིས་བྱང་ཆུབ་ཀྱི་སྙིང་པོ་དེ་ལས་བཞེངས་ཏེ། ཕྱི་བཞིན་འབྲང་བའི་དགེ་སྦྱོང་ལྷའི་དབང་པོ་
D188.061.0194a07.01