完整藏文原文 · 德格版页 当前仅加载第 64 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་སངས་རྒྱས་ཀྱི་ཞིང་དུ་གྱུར་ཏེ། ནོར་བུ་རིན་པོ་ཆེས་བརྒྱན་པ་དང་། འོད་སྣང་བ་གར་ཡང་ཁྱབ་པ་བྱེ་མ་སྙེད་ཀྱི་སངས་རྒྱས་ནམ་མཁའ་ལ་བཞུགས་པ་དང་། ནམ་མཁའ་ལ་རིན་པོ་ཆེའི་ཁང་ཁྱིམ་དང་། མཚམས་མེད་པ་ཡན་ཆད་ལྷ་བྲན་གྱི་གནས་མན་
D237.064.0288a01.01ཆད་བསྒྲིབས་པ་མེད་པར་མཐོང་སྟེ། དེ་ནི་སྐྱོ་བ་དང་དགའ་བའི་སེམས་ལ་བསྒོམས་པ་ཡུན་རིང་པོ་ལས་གྱུར་པར་ཟད་དོ། །སེམས་དེ་ལ་ཞིབ་ཏུ་བསྒོམས་པ་ཡུན་རིངས་པས། རེ་ཞིག་མཚན་མོ་གློ་བུར་དུ་རྒྱང་རིང་པོ་ན་འདུག་པའི་གྲོང་དུ་ཁྱབ་པ་ལ་སྲེད་པ་དང་། རྡུལ་དོན་དུ་གྱུར་པ་དང་།
D237.064.0288a02.01དེ་རྣམས་ཉིད་ལ་རྟག་པར་འཛིན་ཏེ། མུ་སྟེགས་བྲམ་ཟེ་ཀ་ཤ་བ་དང་། མེ་ལ་རྗེད་པ་དང་། ཆུ་ལ་རྗེད་པའི་ཆོས་ལ་མྱ་ངན་ལས་འདས་པའི་དོན་ཚོལ་ཏེ། མུ་སྟེགས་དེ་རྣམས་ཀྱི་སྡེར་གྱུར་ཏོ། །བྱང་ཆུབ་ཀྱི་སེམས་ནི་འཆོལ། ཤེས་པར་ལྟ་བ་ནི་རླག །མུ་སྟེགས་སྔར་ཡུལ་ཡོད་པར་
D237.064.0288a03.01འཛིན་པའི་ཆོས་སྤྱད་དེ། མི་བདེན་པའི་འབྲས་བུ་ནི་གྲུབ། མྱ་ངན་ལས་འདས་པ་ལ་ནི་རྒྱབ་ཀྱིས་ཕྱོགས། ལོག་པར་ལྟ་བའི་རིགས་སུ་ནི་སྐྱེའོ། །ཡང་རིགས་ཀྱི་བུ་འདུ་བྱེད་ཐམས་ཅད་སྟོང་པར་རིག་ནས་རྣམ་པར་ཤེས་པ་ཉིད་ལ་སྐྱེ་ཤི་ཡང་འགོག་སྟེ། མི་སྐྱེ་མི་ཤི་ཞི་བ་འགོག་
D237.064.0288a04.01པའི་དོན་ལ་ཤིན་ཏུ་མ་རྒྱས་པས་སེམས་སྟོང་པ་ཡིན་པར་ཚོར་ནས། སེམས་དེ་ལ་ཞེན་ཏེ་ཕྱོགས་པས། ལྷ་ཚེ་རིང་པོ་ཡོད་མིན་མེད་མིན་གྱི་སྐྱེ་མཆེད་ཀྱི་གནས་སུ་སྐྱེས་ཏེ། བྱང་ཆུབ་ཀྱི་སེམས་ནི་འཆོལ། ཤེས་པ་མཐོང་བ་ནི་རླག །དེའི་མིང་ནི་དྲུག་སྟེ། སེམས་ལ་སྟོང་
D237.064.0288a05.01པར་འཛིན་པས་སྟོང་པའི་འབྲས་བུ་ཐོབ་སྟེ། མྱ་ངན་ལས་འདས་པ་ལ་ནི་རྒྱབ་ཀྱིས་ཕྱོགས། འཆད་ཅིང་འགོག་པའི་རིགས་སུ་ནི་སྐྱེའོ། །ཡང་རིགས་ཀྱི་བུ་འདུ་བྱེད་ཐམས་ཅད་སྟོང་པར་རིག་ནས་རྣམ་པར་ཤེས་པ་ཉིད་ལ་སྐྱེ་ཤི་ཡང་འགོག་སྟེ། མི་སྐྱེ་མི་ཤི་ཞི་བའི་འགོག་པའི་
D237.064.0288a06.01དོན་ལ་ཤིན་ཏུ་མ་རྒྱས་པས་ལུས་ལ་རྟག་པར་འཛིན་ཏེ། ལུས་དེ་མི་འཆི་མི་འཆད་ཅེས་ཟེར་ཏེ། སེམས་དེ་ལ་ཞེན་པར་རྐམ་པ་དང་བརྐམ་པ་མ་ཡིན་པ་ཨ་སི་ཏ་ཚེ་རིང་པོ་ཚོལ་བའི་འཁོར་དུ་སྐྱེས་ཏེ། བྱང་ཆུབ་ཀྱི་སེམས་ནི་འཆོལ། ཤེས་པར་ལྟ་བ་ནི་རླག །དེ་ནི་བདུན་ཏེ། ཚེ་ལ་
D237.064.0288a07.01