完整藏文原文 · 德格版页 当前仅加载第 64 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་ཡང་མ་མཐོང་བ་ནི་མཐའ་མེད་པར་འཛིན། གསུམ་དུ་ནི་མི་དེ་ངས་ཐམས་ཅད་ཤེས་སོ་ཞེས་འཛིན་པའི་ཕྱིར་ཉིད་མཐའ་ཡས་པར་མཐོང་སྟེ། སེམས་ཅན་ཐམས་ཅད་ངའི་ཤེས་པའི་ནང་ནས་སྣང་། ང་ནི་མི་རྣམས་ཀྱི་མིང་དང་རུས་གནའ་ནས་ཀྱང་མི་ཤེས་བཞིན་ནི་མི་དེ་འདུ་བྱེད་ཀྱི་ཕུང་པོ་
D237.064.0294b01.01སྟོང་པར་འཛིན་པའི་ཕྱིར། སེམས་ཅན་ཐམས་ཅད་ཀྱི་ལུས་ལ་ཕྱེད་ནི་སྐྱེ་བར་མཐོང་། ཕྱེད་ནི་འགོག་པར་མཐོང་། དེའི་ཕྱིར་བྱང་ཆུབ་ཀྱི་སེམས་འཆོལ་ཏེ། མུ་སྟེགས་བཞིར་ཕྱེད་མཐའ་ཡོད། ཕྱེད་མཐའ་མེད་པའི་སྡེར་གྱུར་ཏོ། །ཡང་ཏིང་ངེ་འཛིན་དེའི་ནང་ནས་རིགས་ཀྱི་
D237.064.0294b02.01བུ་རྣམས་སེམས་དྲང་པོ་མི་གཡོ་བའི་ཏིང་ངེ་འཛིན་དུ་ཞུགས་ཏེ། བདུད་ཀྱིས་གླགས་མི་ཐོད་ནས་སྐྱེ་བའི་ཕྱི་མོ་ལ་བརྟགས་ནས་སེམས་གཡོ་ཞིང་འདུག་ཏུ་མི་བཏུབ་པའི་ཕྱིར། ཤེས་པ་མཐོང་བའི་སེམས་ལ་ཕྱིན་ཅི་ལོག་རྣམ་པ་བཞིའི་སེམས་གཡོས་སོ། །གཅིག་ཏུ་ན་
D237.064.0294b03.01རྫུ་འཕྲུལ་གྱི་དོན་མཐོང་བ་དང་། ཐམས་ཅད་མི་རྟག་གོ་ཞེས་ཀྱང་ཟེར། མཚན་མ་རྒྱུན་མི་འཆད་པར་མཐོང་ན་རྟག་ཅེས་ཟེར། མཐོང་བའི་གནས་མཐོང་ན་སྐྱེའོ་ཞེས་ཀྱང་ཟེར། མཐོང་བའི་གནས་མ་མཐོང་ན་འགོག་པ་ཞེས་ཀྱང་ཟེར། མི་ཆོས་འདིར་འོངས་ན་སྐྱེ་བ་
D237.064.0294b04.01ཡང་མ་ཡིན། འགོག་པ་ཡང་མ་ཡིན། ཡོད་པ་ཡང་མ་ཡིན། མེད་པ་ཡང་མ་ཡིན། འཕེལ་བ་ཡང་མ་ཡིན། འགྲིབ་པ་ཡང་མ་ཡིན། ཞེས་དེ་སྐད་ཤེ་དག་ཟེར་ཏེ་ཚིག་ཏུ་ཡང་མི་རུང་ངོ་། །གཉིས་སུ་ན་སེམས་ལ་བརྟགས་ན་སེམས་མ་རྙེད་པའི་ཕྱིར་མི་ཆོས་འདྲིར་
D237.064.0294b05.01འོངས་ན་གཞན་མི་འཆད་ཀྱི། མེད་ཅེས་ཟེར་བའི་ཚིག་འབའ་ཞིག་བཤད་དོ། །གསུམ་དུ་ན་རང་གི་སེམས་ལ་བརྟགས་པ་དང་། སེམས་ཀྱི་གནས་ཡོད་པའི་ཕྱིར། མཐོང་བའི་ཕྱིར་མི་དེ་ཆོས་འདྲིར་འོངས་ན་དེ་ཡིན་ཞེས་འཆད་ཀྱི་གཞན་མི་བཤད་དོ། །བཞིར་ན་མི་དེས་
D237.064.0294b06.01ཡོད་པའི་ཡུལ་ཡང་མཐོང་མེད་པའི་ཡུལ་ཡང་མཐོང་མི་དེ་ཆོས་འདྲིར་འོངས་ན་ལན་བཏབ་པ་ཡོད་པའི་ནང་ན་ཡང་མེད་པའོ། །མེད་པའི་ནང་ན་ཡང་ཡོད་པའོ་དེ་སྐད་ཤེ་དག་ཟེར་ཏེ། ཆོས་འདྲི་བའི་ཁ་ཡང་མེད་ནས་བདག་རང་བྱང་ཆུབ་སེམས་ནི་འཆོལ། མུ་སྟེགས་ལྔར་
D237.064.0294b07.01