完整藏文原文 · 德格版页 当前仅加载第 64 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། རང་གི་ལུས་དང་སེམས་ཀྱང་གནས་དེ་ལ་བྱུང་ངོ་སྙམ་དུ་ཐེ་ཙོམ་དུ་གྱུར་ནས་རང་གི་ལུས་ཀྱང་ཡང་དག་པར་རྟག་པ་ཡིན་ཞེས་ཟེར་ཏེ། སེམས་དེ་ལ་ཞེན་པས་རྟག་ཅེས་ཟེར་བ་དང་། མི་རྟག་ཅེས་ཟེར་བ་དེ་ལ་ཆགས་ཏེ། ལྷ་མཐུ་བོ་ཆེའི་སྡེར་གྱུར་ཏོ། །བྱང་ཆུབ་
D237.064.0289a01.01ཀྱི་སེམས་ནི་འཆོལ། ཤེས་པ་མཐོང་བ་ནི་རླག །དེའི་མིང་ནི་གསུམ་སེམས་ལ་གནས་པས་མི་བདེན་པའི་འབྲས་བུ་འབྱུང་བ་ཞེས་བྱ་སྟེ། མྱ་ངན་ལས་འདས་པ་ལ་ནི་རྒྱབ་ཀྱིས་ཕྱོགས། ལོག་པར་རྒྱས་པའི་རིགས་སུ་ནི་གྱུར། ཡང་རིགས་ཀྱི་བུ་འདུ་བྱེད་ཐམས་ཅད་ནི་སྟོང་
D237.064.0289a02.01པར་རིག་ནས་རྣམ་པར་ཤེས་པ་ཉིད་ལ་སྐྱེ་ཤི་ཡང་འགོག་སྟེ། མི་སྐྱེ་མི་ཤི་ཞི་བ་འགོག་པའི་དོན་ལ་ཤིན་ཏུ་མ་རྒྱས་པས་ཤེས་པ་ལ་ཤེས་པ་རྒྱས་པར་ཚོར་ནས་ཕྱོགས་བཅུའི་རྩི་ཤིང་ལ་ཡང་སེམས་ཡོད་དེ། མི་དང་མི་འདྲ་བ་མེད་པས་མི་ཤི་ན་ཡང་རྩི་ཤིང་དུ་གྱུར་པར་འཛིན་ཏེ། དེ་ལྟ་
D237.064.0289a03.01བུར་སེམས་ཞེན་པའི་ཕྱིར་མུ་སྟེགས་ཤེས་པ་དང་མི་ཤེས་པར་འཛིན་པས་པ་ཏ་ས་འདིའི་སྡེར་གྱུར་ཏོ། །བྱང་ཆུབ་ཀྱི་སེམས་ནི་འཆོལ། ཤེས་པ་མཐོང་བ་ནི་རླག །དེའི་མིང་ནི་གཞིར་རྒྱས་པར་ཤེས་པའི་སེམས་ཀྱིས་མི་བདེན་པའི་འབྲས་བུ་རྫོགས་ཞེས་བྱ་བ་ཡིན། མྱ་ངན་
D237.064.0289a04.01ལས་འདས་པ་ལ་ནི་རྒྱབ་ཀྱིས་ཕྱོགས། ལོག་པར་ཤེས་པའི་རིགས་སུ་ནི་སྐྱེའོ། །ཡང་རིགས་ཀྱི་བུ་འདུ་བྱེད་ཐམས་ཅད་སྟོང་པར་རིག་ནས་རྣམ་པར་ཤེས་པ་ཉིད་ལ་སྐྱེ་ཤི་ཡང་འགོག་སྟེ། མི་སྐྱེ་མི་ཤི་ཞི་བ་འགོག་པའི་དོན་ལ་ཤིན་ཏུ་མ་རྒྱས་པས་ཤིན་ཏུ་ཞི་བ་ལ་དབང་པོ་ནོར་
D237.064.0289a05.01ཅིང་སྤྱད་དུ་ཡོད་པ་ལ་རང་དབང་ཐོབ་ནས་མེའི་སྣང་བ་ཚོལ་བ་དང་། ཆུ་གཙང་མ་ལ་དགའ་བ་དང་། རླུང་ཀུན་འོར་འགའ་ནི་གཟུགས་ང་ཡིན་ནོ་ཞེས་ཟེར། འོར་འགའ་ནི་གཟུགས་ཡོད་དོ་ཞེས་ཟེར་ཏེ། འོར་འགའ་ནི་གཟུགས་ང་ལ་རྟོགས་ཞེས་ཟེར། འོར་འགའ་ནི་མྱ་ངན་དང་
D237.064.0289a06.01བྱང་ཆུབ་སོ་སོ་ལ་གཅིག་ལ་གཅིག་མི་གཏོགས་སོ། །ཞེས་ཟེར་ནས་བྱང་ཆུབ་ཀྱི་སེམས་འཆོལ་ཏེ། མུར་དུག་ཕུང་པོ་ལྔའི་ནང་ན་ཤི་བའི་འོག་ཏུ་མཚན་མ་ཡོད་ཅེས་ཟེར་བའི་ཕྱིན་ཅི་ལོག་གི་མུ་སྟེགས་ཀྱི་སྡེར་གྱུར་ཏོ། །ཡང་ཏིང་ངེ་འཛིན་དེའི་ནང་ནས་རིགས་ཀྱི་བུ་རྣམས་སེམས་
D237.064.0289a07.01