完整藏文原文 · 德格版页 当前仅加载第 68 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
འགུལ་བ་མེད་དོ། །དེ་བཞིན་དུ་ཆོས་ཀྱི་དབྱིངས་རྣམ་པར་དག་པ་མཐའ་ཐུག་པ་མེད་པའི་ཕྱིར་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པ་ལ་ཕྱོགས་བཅུ་དག་ན་སེམས་ཅན་ཐམས་ཅད་ལ་ཕན་པ་དང་། བདེ་བ་སོ་སོར་ཉེ་བར་གནས་པར་བྱ་བ་
D275.068.0038a01.01དག་མཐའ་ཡས་མུ་མེད་ཀྱང་ཆོས་ཀྱི་དབྱིངས་རྣམ་པར་དག་པ་ནི་འགྲོ་བའམ། འོང་བའམ། གཡོ་བའམ། འགུལ་བ་མེད་དོ། །ཤིན་ཏུ་འདུས་འདི་ལྟ་སྟེ་དཔེར་ན། ནམ་མཁའ་ལ་སྟོང་གསུམ་གྱི་སྟོང་ཆེན་པོ་འཇིག་པ་དག་ཀྱང་སྣང་། འཆགས་པ་དག་ཀྱང་སྣང་ཡང་ནམ་
D275.068.0038a02.01མཁའ་ནི་འཇིག་པ་ཡང་མ་ཡིན། འཆགས་པ་ཡང་མ་ཡིན་ནོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པ་ལ་རྣམ་པ་ཐམས་ཅད་མངོན་པར་རྫོགས་པར་བྱང་ཆུབ་པ་དང་། ཡོངས་སུ་མྱ་ངན་ལས་འདས་པ་དཔག་ཏུ་མེད་པ་དག་སྣང་ཡང་ཆོས་ཀྱི་
D275.068.0038a03.01དབྱིངས་རྣམ་པར་དག་པ་ལ་མངོན་པར་རྫོགས་པར་འཚང་རྒྱ་བ་ཡང་མེད། ཡོངས་སུ་མྱ་ངན་ལས་འདའ་བ་ཡང་མེད་དོ། །ཤིན་ཏུ་འདུས་འདི་ལྟ་སྟེ་དཔེར་ན། ནམ་མཁའ་ལ་རྟེན་པ་གཟུགས་སུ་གྱུར་པ་དག་ལ་སྣང་བ་དང་། འདྲུལ་བ་དང་། འཚིག་པ་དང་། སྐམ་པ་དང་།
D275.068.0038a04.01འགྱུར་བ་རྣམ་པ་སྣ་ཚོགས་སྣང་ཡང་ནམ་མཁའ་ལ་ནི་དེ་དག་གིས་འགྱུར་བ་ཡང་མེད། ཡོངས་སུ་སྐྱོ་བ་ཡང་མེད་དོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པ་ལ་རྟེན་པའི་སེམས་ཅན་གྱི་ཁམས་ལ་བསླབ་པ་དང་། ལུས་དང་། ངག་དང་ཡིད་ཀྱི་ལས་
D275.068.0038a05.01ལོག་པར་གྲུབ་པ་རྣམ་པ་མང་པོ་སྣང་ཡང་ཆོས་ཀྱི་དབྱིངས་རྣམ་པར་དག་པ་ནི་དེ་དག་གིས་འགྱུར་བ་ཡང་མེད། ཡོངས་སུ་སྐྱོ་བ་ཡང་མེད་དོ། །ཤིན་ཏུ་འདུས་འདི་ལྟ་སྟེ་དཔེར་ན། ནམ་མཁའ་ལ་རྟེན་པའི་ས་ཆེན་པོ་ཡང་སྣང་། རི་ཆེན་པོ་དང་། མེ་དང་། སྣང་བ་དང་། བྱ་རྒྱུ་བ་
D275.068.0038a06.01དག་དང་། ཉི་མ་དང་། ཟླ་བ་རྒྱུ་བ་དག་ཀྱང་སྣང་ཡང་ནམ་མཁའ་ནི་དེ་དག་གི་མཚན་ཉིད་མ་ཡིན་ནོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པ་ལ་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་
D275.068.0038a07.01