完整藏文原文 · 德格版页 当前仅加载第 68 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲུལ་པའི་ལས་དེས་དེ་བཞིན་གཤེགས་པ་རྣམས་སེམས་ཅན་དཔག་ཏུ་མེད་པ་རྣམས་ཀྱི་ཐེ་ཙོམ་གྱི་རྣམ་པ་དཔག་ཏུ་མེད་པ་དག་ཟློག་ཅིང་ཐབས་ལ་མཁས་པ་དེས་ཀྱང་སེམས་ཅན་རྣམས་བསྟན་པ་ལ་འཛུད་པར་བྱེད། ཡོངས་སུ་སྨིན་པར་བྱེད། རྣམ་པར་གྲོལ་བར་བྱེད་དོ། །ཤིན་ཏུ་
D275.068.0042b01.01འདུས་འདི་ལྟ་སྟེ་དཔེར་ན། སེམས་ཅན་རྣམས་ཀྱི་ཡིད་ཀྱི་ལས་རྣམ་པར་ངེས་པར་བྱེད་པ་དེས་སེམས་ཅན་རྣམས་བྱ་བ་དང་མི་བྱ་བ་དག་རྣམ་པར་སེམས་སོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་བྱ་བ་སྒྲུབ་པའི་ཡེ་ཤེས་རྣམ་པར་ངེས་པར་བྱེད་པ་ཡིད་སྤྲུལ་པའི་ལས་དེས་དེ་བཞིན་
D275.068.0042b02.01གཤེགས་པ་རྣམས་སེམས་ཅན་རྣམས་ཀྱི་སེམས་ཀྱི་སྤྱོད་པ་བརྒྱད་ཁྲི་བཞི་སྟོང་དག་རྣམ་པར་སེམས་ཤིང་ཐབས་ལ་མཁས་པ་དེས་ཀྱང་སེམས་ཅན་རྣམས་བསྟན་པ་ལ་འཛུད་པར་བྱེད། ཡོངས་སུ་སྨིན་པར་བྱེད། རྣམ་པར་གྲོལ་བར་བྱེད་དོ། །ཤིན་ཏུ་འདུས་འདི་ལྟ་སྟེ་དཔེར་ན།
D275.068.0042b03.01སེམས་ཅན་རྣམས་ཀྱི་ཡིད་ཀྱི་ལས་མངོན་པར་འདུ་བྱེད་པ་བྱེད་པ་དེས་སེམས་ཅན་དག་རྣམ་པར་བསམ་ནས་ལས་ཀུན་ཏུ་འབྱུང་བར་མངོན་པར་འདུ་བྱེད་དོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་བྱ་བ་སྒྲུབ་པའི་ཡེ་ཤེས་མངོན་པར་འདུ་བྱེད་པར་བྱེད་པ་ཡིད་སྤྲུལ་པའི་ལས་དེས་དེ་
D275.068.0042b04.01བཞིན་གཤེགས་པ་རྣམས་སེམས་ཅན་གྱི་སྤྱོད་པ་དེ་དག་གི་ཀུན་དུ་སྤྱོད་པ་དང་། ཀུན་དུ་མི་སྤྱོད་པ་ཡོན་ཏན་དང་ཉེས་པ་དག་ཀྱང་དཔྱད་ནས། དེ་དོར་བ་དང་བསྐྱེད་པའི་ཕྱིར་གཉེན་པོ་རྣམས་མངོན་པར་འདུ་བྱེད་ཅིང་ཐབས་ལ་མཁས་པ་དེས་ཀྱང་སེམས་ཅན་རྣམས་བསྟན་པ་ལ་འཛུད་པར་བྱེད།
D275.068.0042b05.01ཡོངས་སུ་སྨིན་པར་བྱེད། རྣམ་པར་གྲོལ་བར་བྱེད་དོ། །ཤིན་ཏུ་འདུས་འདི་ལྟ་སྟེ་དཔེར་ན། སེམས་ཅན་རྣམས་ཀྱི་ཡིད་ཀྱི་ལས་ཀུན་དུ་འབྱུང་བར་བྱེད་པ་དེས་སེམས་ཅན་རྣམས་ལས་ཀུན་ནས་སློང་བར་བྱེད་དོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་བྱ་བ་སྒྲུབ་པའི་ཡེ་ཤེས་ཀུན་
D275.068.0042b06.01དུ་འབྱུང་བར་བྱེད་པ་ཡིད་སྤྲུལ་པའི་ལས་དེས་དེ་བཞིན་གཤེགས་པ་རྣམས་དེའི་གཉེན་པོའི་ཆོས་བསྟན་པའི་ཕྱིར་མིང་གི་ཚོགས་དང་། ཚིག་གི་ཚོགས་དང་། ཡི་གེའི་ཚོགས་རྣམས་རྗོད་ཅིང་ཐབས་ལ་མཁས་པ་དེས་ཀྱང་སེམས་ཅན་རྣམས་བསྟན་པ་ལ་འཛུད་པར་བྱེད། ཡོངས་སུ་སྨིན་
D275.068.0042b07.01