完整藏文原文 · 德格版页 当前仅加载第 68 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་ཆུ་དང་། བྱ་བ་སྒྲུབ་པ་གཅིག་པའི་ལས་ཅན་གྱི་ཆུ་དང་། སྲོག་ཆགས་ཆུ་ནས་སྐྱེས་པ་ཕལ་པོ་ཆེ་ཆེན་པོ་རྣམས་ཀྱི་འཚོ་བ་ཉེ་བར་སྟོན་པའི་གནས་ཡིན་ནོ། །དེ་བཞིན་དུ་བྱང་ཆུབ་སེམས་དཔའ་རྣམས་ཇི་སྲིད་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་
D275.068.0044a01.01རྣམ་པར་དག་པའི་རྒྱ་མཚོ་ཆེན་པོར་ཞུགས་པར་མ་གྱུར་པ་དེ་སྲིད་དུ་གནས་ཐ་དད་པ་དང་། ཡེ་ཤེས་ཐ་དད་པ་དང་། ཡེ་ཤེས་ཆུང་བ་དང་། ཡེ་ཤེས་སྐྱེ་འགྲིབ་ཡོད་པ་དང་། སོ་སོ་རང་གི་བྱ་བ་སྒྲུབ་པའི་ལས་ཅན་གྱི་ཡེ་ཤེས་དང་། སེམས་ཅན་ཉུང་ངུ་དག་ཡོངས་སུ་སྨིན་པར་འགྱུར་
D275.068.0044a02.01བའི་དགེ་བའི་རྩ་བའི་གནས་ཡིན་ནོ། །གང་ཚུན་ཆད་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པའི་རྒྱ་མཚོ་ཆེན་པོར་ཞུགས་པར་གྱུར་པ་དེའི་ཚེ་གནས་ཐ་དད་པ་མ་ཡིན་པ་དང་། ཡེ་ཤེས་ཐ་དད་པ་མ་ཡིན་པ་དང་། ཡེ་ཤེས་ཚད་མེད་པ་དང་། ཡེ་ཤེས་སྐྱེ་འགྲིབ་
D275.068.0044a03.01མེད་པ་དང་། ཡེ་ཤེས་ཀྱི་རྫོགས་པར་ལོངས་སྤྱད་པ། དགོས་པ། རོ་གཅིག་པ། འདྲེས་པ། ཉེ་བར་འདྲེས་པར་འགྱུར་ཏེ། སེམས་ཅན་ཚད་མེད་པ་དག་ཡོངས་སུ་སྨིན་པར་བྱེད་པའི་དགེ་བའི་རྩ་བའི་གནས་སུ་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་
D275.068.0044a04.01སུ་བཅད་པ་འདི་དག་བཀའ་སྩལ་ཏོ། །ཆོས་རྣམས་ཀུན་གྱི་དེ་བཞིན་ཉིད། །སྒྲིབ་གཉིས་ལྡན་དག་མཚན་ཉིད་ཅན། །དངོས་པོ་ཤེས་པ་དེ་དམིགས་པ། །དབང་ཚད་མི་ཤེས་མཚན་ཉིད་ཅན། །དེ་བཞིན་ཉིད་ཤེས་ཐམས་ཅད་ནས། །བསྒོམས་ལས་ཡང་དག་འགྲུབ་པ་
D275.068.0044a05.01ཅན། །སེམས་ཅན་ཀུན་ལ་གཉིས་སྐྱེད་པ། །རྣམ་ཀུན་མི་ཟད་འབྲས་བུ་ཅན། །ལུས་དང་ངག་དང་སེམས་སྤྲུལ་པའི། །སྦྱོར་བའི་ཐབས་ཀྱི་ལས་ཅན་ཡིན། །ཏིང་ངེ་འཛིན་དང་གཟུངས་སྒོ་དང་། །དཔག་ཏུ་མེད་པ་གཉིས་དང་ལྡན། །རང་བཞིན་ཆོས་རྫོགས་
D275.068.0044a06.01ལོངས་སྤྱོད་དང་། །སྤྲུལ་པས་ཐ་དད་འཇུག་པ་ཅན། །སངས་རྒྱས་རྣམས་ཀྱི་ཆོས་ཀྱི་དབྱིངས། །རྣམ་དག་འདི་ནི་ཡང་དག་བརྗོད། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་ཤིན་ཏུ་འདུས་དང་། བྱང་ཆུབ་སེམས་དཔའ་དེ་དག་དང་།
D275.068.0044a07.01