完整藏文原文 · 德格版页 当前仅加载第 76 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕྱིར་བདག་གིས་མཁན་པོ་ལ་དབུལ་བར་བགྱིའོ། །དེ་སྐད་ཅེས་སྨྲས་པ་དང་། རྒྱལ་པོ་དཔལ་གྱི་སྡེ་བརྩེ་བའི་དབང་གིས་ཡིད་མི་དགའ་བར་གྱུར་ཏེ། བཙུན་མོ་རྒྱལ་བའི་འོད་འདི་ང་དང་བྲལ་ན་ཇི་ལྟར་སྲོག་འཛིན་པར་ནུས། འཁོར་དེ་དག་ཐམས་ཅད་ཀྱང་རྒྱ་མཚོ་ཟབ་མོའི་སྒྲ་མི་
D349.076.0036b01.01གཡོ་བ་དང་། གནད་དུ་བསྣུན་པ་བཞིན་དུ་སྡུག་བསྔལ་དྲག་པོས་གདུངས་པས་རྟབས་བག་ཏུ་འདི་ཅི་འདི་ཅི་ཞེས་སྐྱོ་བས་རབ་ཏུ་གདུངས་སོ། །དེ་ནས་བྱང་ཆུབ་སེམས་དཔས་སྐད་ཅིག་ཅང་མི་སྨྲ་བར་གནས་ཏེ་བསམས་པ། བུ་དང་ཆུང་མ་ལ་སོགས་པ་བྱིན་པ་མེད་པས་ནི་བླ་ན་མེད་པ་ཡང་
D349.076.0036b02.01དག་པར་རྫོགས་པའི་བྱང་ཆུབ་འཐོབ་པར་མི་འགྱུར་རོ། །དེའི་ཕྱིར་བྲམ་ཟེ་འདི་ལ་དགའ་བས་ཆུང་མ་འདི་སྦྱིན་པར་བྱའོ་སྙམ་དུ་བསམས་ནས་གཉེན་སྡུག་པ་དང་བྲལ་བས་ཞུམ་པའི་སེམས་ཡང་དག་པར་བླངས་ཏེ། འཕྲལ་དུ་སེང་གེའི་ཁྲི་ལས་བབས་ནས་བྱང་ཆུབ་ཏུ་སྨོན་པའི་སེམས་
D349.076.0036b03.01ཀྱིས་བཙུན་མོ་རྒྱལ་བའི་འོད་ལྷའི་བུ་མོ་བཞིན་དུ་རྣམ་པར་མཛེས་པ། ཁྱོ་དང་བྲལ་བའི་གདུང་བས་ཤིན་ཏུ་དབུགས་རིང་པོ་ཕྱུང་སྟེ། མཆི་མས་གང་བའི་མིག་དང་། མུན་པར་གཡང་ས་ཆེན་པོར་ལྷུང་བ་བཞིན་དུ་མཆོག་ཏུ་སྡུག་བསྔལ་བས་གདོང་ཕབ་པ་ལག་པ་གཡོན་པས་བཟུང་སྟེ།
D349.076.0036b04.01ལག་པ་གཡས་པས་གསེར་གྱི་བུམ་པ་ཐོགས་ནས་བྲམ་ཟེའི་ཁྱེའུ་དེ་ལ་འདི་སྐད་ཅེས་སྨྲས་སོ། །བྲམ་ཟེ་ཆེན་པོ་ཚུར་ཤོག །ཚུར་ཤོག །བྲམ་ཟེའི་དམ་པ་གཟུགས་བཟང་བ། །སྡུག་པའི་ཆུང་མ་འདི་ལོང་ཤིག །སྦྱིན་པ་འདི་ཡིས་མྱུར་དུ་ནི། །བྱང་ཆུབ་དམ་པ་ཐོབ་པར་ཤོག །ཅེས་
D349.076.0036b05.01སྨྲས་ནས་བྱང་ཆུབ་སེམས་དཔས་བྲམ་ཟེ་དེའི་ལག་པར་ཆུའི་རྒྱུན་བླུགས་སོ། །དེ་ནས་ཡང་དགེ་སློང་དག་རྒྱལ་པོ་དཔལ་གྱི་སྡེས་ཆུའི་རྒྱུན་བླུགས་པའི་རྗེས་ཐོགས་ཉིད་ལ་དེའི་ཚེ་འཕྲལ་དུ་ས་རྣམ་པ་དྲུག་ཏུ་གཡོས་པར་གྱུར་ཏོ། །དེ་ནས་བྲམ་ཟེའི་ཁྱེའུ་དེས་བྱང་ཆུབ་སེམས་དཔའི་གཏོང་བ་དང་།
D349.076.0036b06.01གཏོང་བ་ལས་ཀྱང་ཤིན་ཏུ་གཏོང་བ། ཤིན་ཏུ་དཀའ་བ་དེ་མཐོང་བ་དང་། མཆོག་ཏུ་ངོ་མཚར་སྐྱེས་སོ། །ནམ་མཁའི་ངོས་ན་གནས་པའི་ལྷ་བརྒྱ་སྟོང་རྣམས་ཀྱིས་ཀྱང་ཅ་ཅོའི་སྒྲ་བཏོན་ཏོ། །དེ་མ་ཐག་ཏུ་ཡང་སྐར་མདའ་ལྟུང་བ་དང་། ཕྱོགས་འབར་བ་དང་། བར་སྣང་གི་ལྷ་ཡང་རྔ་རྡུང་
D349.076.0036b07.01