完整藏文原文 · 德格版页 当前仅加载第 76 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་དེས་པ་དང་། ཁྱོད་ཀྱི་སྨོན་ལམ་མི་འགྱུར་བ་དང་། ཁྱོད་ཀྱི་སེམས་ཅན་ལ་སྙིང་རྗེ་ཆེན་པོས་རྗེས་སུ་ཞུགས་པ་ནི་ལེགས་སོ་ལེགས་སོ། །གང་ཡང་ཁྱོད་ནི་ཡིད་ཀུན་དུ་སྐྲག་པར་བྱེད་པ་རྣམས་ལ་མི་འཇིགས་པས་ཁྱོད་ཀྱི་འབད་པ་འདི་ཉིད་ཀྱིས་ཡུན་རིང་པོར་མི་ཐོགས་པར་
D349.076.0048b01.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ལྷའི་དབང་པོ་བརྒྱ་བྱིན་གྱིས་དེའི་ཚེ་ཚིགས་སུ་བཅད་དེ་སྨྲས་པ། ཀྱེ་མ་ཁྱོད་ཀྱི་བརྩོན་རབ་དྲག །བརྟན་པ་ཉིད་ཀྱང་བླ་ན་མེད། །ཀྱེ་མའོ་སེམས་ཅན་ལ་སྙིང་བརྩེ། །ཀྱེ་མའོ་
D349.076.0048b02.01བྱང་ཆུབ་ཡིད་ལ་བརྟན། །ཀྱེ་མའོ་མི་རིང་འཇིག་རྟེན་འདི། །མགོན་པོ་ཁྱོད་ཀྱིས་སྐྱོང་གྱུར་ཏེ། །སྡུག་བསྔལ་རྒྱ་མཚོ་དྲག་འཇིགས་ལས། །ཡང་དག་མྱ་ངན་འདའ་བར་མཛད། །དེ་སྐད་ཅེས་སྨྲས་པ་དང་། ལྷའི་དབང་པོ་བརྒྱ་བྱིན་མཆི་མ་ཆར་བཞིན་དུ་འབབ་ཅིང་སྐད་
D349.076.0048b03.01འཛེར་བཞིན་དུ་བྱང་ཆུབ་སེམས་དཔའ་ལ་བཟོད་པ་གསོལ་བར་བརྩམས་ཏེ། རྒྱལ་པོ་ཆེན་པོ་གང་བདག་གིས་ཉམས་བསྐྱེད་པའི་བསམ་པས་ཚོར་བ་དྲག་པོ་ལས་ཀུན་དུ་སྦྱོར་བར་མཛོད་ཅིག །གཞན་ཡང་གང་གི་ཚེ་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D349.076.0048b04.01མངོན་པར་རྫོགས་པར་སངས་རྒྱས་པ་དེའི་ཚེ་ན་ཡང་བདག་ལ་དགོངས་ཤིག །བྱང་ཆུབ་སེམས་དཔས་སྨྲས་པ། ཀཽ་ཤི་ཀ་བཟོད་ཀྱིས་དེ་བཞིན་དུ་བྱས་ཏེ་ངས་ཀྱང་དྲན་པར་བྱའོ། །བར་སྐབས་དེར་བྱང་ཆུབ་སེམས་དཔའི་མཐུས་དེ་མ་ཐག་ཏུ་ནམ་མཁའ་ལས་ལྷའི་རིན་པོ་ཆེའི་ཆར་རྣམ་པ་སྣ་
D349.076.0048b05.01ཚོགས་པ་ཡིད་དུ་འོང་བ་འཛམ་བུའི་གླིང་ཐམས་ཅད་དུ་བབ་པར་གྱུར་ཅིང་འཛམ་བུའི་གླིང་ཐམས་ཅད་དུ་རྒྱན་རྣམ་པ་སྣ་ཚོགས་ཀྱིས་གང་བར་གྱུར་པ། ལྷའི་སྣང་བ་བས་ཀྱང་གསལ་བར་གྱུར་ཏོ། །དེ་ནས་རི་ལ་གནས་པའི་དྲང་སྲོང་དེ་ངོ་མཚར་འདི་ལྟ་བུ་རྨད་དུ་བྱུང་བ་མཐོང་བ་དང་། ངོ་མཚར་
D349.076.0048b06.01གྱིས་བསྡུས་པའི་ཡིད་ཀྱིས་བསམས་པ། སྔོན་མ་བྱུང་བའི་ངོ་མཚར་བྱུང་བ་འདི་ཅི་ཞིག་ཡིན། འདི་ལྟ་བུའི་མཐུ་སུའི་ཡིན་སྙམ་མོ། །དེ་ནས་དྲང་སྲོང་དེ་ལ་བསྟི་གནས་ན་གནས་པའི་ལྷ་གཞན་གྱིས་གཏམ་འདི་རྒྱས་པར་སྨྲས་སོ། །དེ་ནས་དྲང་སྲོང་དེ་བྱང་ཆུབ་སེམས་དཔའི་ཤིན་ཏུ་དཀའ་ཞིང་བ་
D349.076.0048b07.01