完整藏文原文 · 德格版页 当前仅加载第 76 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་རྣམས་ཀྱིས་ད་རྒྱལ་པོ་དཔལ་གྱི་སྡེའི་ཕྱིས་འབྱུང་བའི་རྒུད་པ་ཆེན་པོ་དེ་དང་། ལུས་ཀྱི་ཚོར་བ་དྲག་པོ་དེ་ཤེས་ནས་སྡུག་བསྔལ་དྲག་པོས་གདུངས་ཏེ་ཆོ་ངེས་འདེབས་པ་ལ་ཞུགས་སོ། །ཀྱི་ཧུད་རྒྱལ་པོ་དཔལ་གྱི་སྡེ་བྱམས་པའི་བདག་ཉིད་ཅན་སྙིང་རྗེ་དང་ལྡན་པ་སེམས་ཅན་ཐམས་
D349.076.0038b01.01ཅད་ལ་མཉེས་གཤིན་པ་མི་རྟག་པ་ཉིད་ཀྱི་སྟོབས་ཉེ་བར་གནས་པ་ནི་སྡུག་བསྔལ་ལོ། །དེ་ཐོས་པ་དང་སྐྱེ་བོའི་ཚོགས་རྣམས་སྨྲེ་སྔགས་འདོན་པར་གྱུར་ཏོ། །ཡང་དེའི་ཚེ་འཛམ་བུའི་གླིང་ཐམས་ཅད་འཁྲུགས་ཤིང་ཀུན་དུ་འཁྲུགས་པར་གྱུར་པ་དང་། དུ་བས་མུན་པར་གྱུར་པ་ལ་
D349.076.0038b02.01སྐར་མདའ་ལྟུང་བ་དང་། ཕྱོགས་སྲེག་པ་དང་། བར་སྣང་ལ་ལྷ་རྣམས་རྔ་རྡུང་བར་ཡང་གྱུར་ཏོ། །ཡང་དེའི་ཚེ་རི་ལ་གནས་པའི་དྲང་སྲོང་དེས་བཙུན་མོ་རྒྱལ་བའི་འོད་འདི་ལྟར་ཁྱོ་དང་བྲལ་བའི་གདུང་བས་དབུགས་ཤིན་ཏུ་རིང་པོར་འབྱིན་ཅིང་ཟས་མི་ཟ་ལ། འདུ་ཤེས་མེད་པར་
D349.076.0038b03.01མཐོང་ནས་སྙིང་རྗེས་སེམས་འདར་ནས་བསམས་པ། མ་ལ་ངས་རྒྱལ་པོ་དཔལ་གྱི་སྡེ་ལ་དབུལ་བར་བྱའོ་སྙམ་ནས་བཙུན་མོ་རྒྱལ་བའི་འོད་དབུགས་ཕྱུང་ངོ་། །འཛམ་བུའི་གླིང་ཐམས་ཅད་འཁྲུགས་ཤིང་ཀུན་དུ་འཁྲུགས་པར་ཡང་མཐོང་ངོ་། །མཐོང་ནས་ཀྱང་ཡང་བྲམ་ཟེའི་ཁྱེའུ་
D349.076.0038b04.01ལ་སྨྲས་པ། བྲམ་ཟེའི་བུ་འདི་ལྟར་འཛམ་བུའི་གླིང་འདི་ཕྱོགས་ཐམས་ཅད་དུ་བས་མུན་པར་གྱུར་ལ་འཁྲུགས་ཤིང་ཀུན་དུ་འཁྲུགས་པར་གྱུར་པ་དང་། ཉི་མ་དང་ཟླ་བ་གཉིས་ཀྱང་ལྷམ་མེ་མ་ཡིན། ལྷང་ངེ་མ་ཡིན། ལྷན་ནེ་མ་ཡིན་པས་ངེས་པར་ན་འཛམ་བུའི་གླིང་འདིར་ཡུན་མི་རིང་བ་ཉིད་
D349.076.0038b05.01དུ་སྐྱེས་བུ་ཆེན་པོ་འགའ་ཞིག་འགག་པར་འགྱུར་རོ། །དེ་ནས་དེའི་ཚེ་དྲང་སྲོང་དེས་ཚིགས་སུ་བཅད་དེ་སྨྲས་པ། མི་འམ་ཅི་ཡི་ཚོགས་དང་ནགས་ཀྱི་ལྷ་རྣམས་དང་། །ནམ་མཁར་གནས་པའི་ལྷ་རྣམས་ཀྱང་ནི་སྨོད་པར་བྱེད། །ཟླ་བ་འོད་མེད་ཉི་མས་མུན་པ་སེལ་མི་བྱེད། །
D349.076.0038b06.01དེ་རིང་རོལ་མོ་བརྡུངས་ན་སྒྲ་ནི་གྲག་མ་གྱུར། །ཤིང་ཚོགས་མེ་ཏོག་འབྲས་བུར་ལྡན་པ་འདི་དག་ཀྱང་། །རླུང་གིས་བསྐྱོད་པ་བཞིན་དུ་ས་ལ་ལྷུང་གྱུར་ལ། །ཇི་ལྟར་འཇིགས་ཤིང་རྩུབ་པའི་སྒྲ་ཀུན་གྲག་པས་ན། །གྲོང་ཁྱེར་དག་ཏུ་སྡུག་བསྔལ་མི་བཟད་འབྱུང་བར་གསལ། །
D349.076.0038b07.01