完整藏文原文 · 德格版页 当前仅加载第 76 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
མན་ཆད་ཁྲག་གིས་བསྐུས་པ་ཞིག་འབྱུང་ངོ་། །དེ་དང་དུས་གཅིག་ཏུ་རྒྱལ་པོ་དེའི་བློན་པོ་ལྔ་བརྒྱ་ལ་ཡང་བུ་ཁྱེའུ་ལྔ་བརྒྱ་བཙའ་སྟེ། དེ་རིལ་ཡང་ལག་པ་ཁྲིག་པ་མན་ཆད་ཁྲག་ཅན་དུ་འབྱུང་སྟེ། དེའི་དུས་ན་རྒྱལ་པོའི་རྟ་ལ་རྟེའུ་སྨྲ་ཤེས་པ་ཞིག་སྐྱེས་ཏེ། རྒྱལ་པོ་
D356.076.0218a01.01དང་། བློན་པོའི་བུ་དང་། རྟེའུ་སྨྲ་ཤེས་པ་སྐྱེས་པའི་ནུབ་མོ་ཡང་ནམ་མཁའ་ལས་ཁྲག་གི་ཆར་པ་བབ་ནས། རྒྱལ་པོ་མ་ཧེན་དྲ་སེ་ནས་དྲང་སྲོང་གི་མཁན་པོ་ལྔ་མངོན་པར་ཤེས་པ་ཞིག་ལ་བདག་ཅག་འཁོར་གྱི་བུ་དང་། རྟ་ལ་ཡ་མཚན་འདི་ལྟ་བུ་བྱུང་བ་དང་། ཁྲག་གི་ཆར་པ་
D356.076.0218a02.01བབ་པ་འདི་ཅིའི་ལྟས་ཞེས་སྨྲས་པ་དང་། དྲང་སྲོང་ན་རེ་ཁྱོད་ཀྱི་བུས་འཛམ་བུའི་གླིང་གི་ས་གཞི་འདི་མིའི་ཁྲག་གིས་གཤེར་བར་བྱེད་པར་འགྱུར་རོ། །དེའི་འོག་ཏུ་ཁྱོད་ཀྱི་བུ་འཛམ་བུའི་གླིང་གི་རྒྱལ་པོ་ཆེན་པོ་བྱེད་པར་འགྱུར་རོ་ཞེས་སྨྲས་སོ། །རྒྱལ་བུ་དེ་ཐོག་མ་བཙས་ནས་ལོ་བཅུ་
D356.076.0218a03.01གཉིས་ལོན་པ་དང་། དེའི་ཚེ་རྒྱལ་པོ་ཡ་བ་ན་དང་། བལྷི་ཀ་དང་། ཤ་ཀུ་ན་གསུམ་འདུས་པའི་དམག་སུམ་འབུམ་རྒྱལ་པོ་དང་བཅས་ཏེ། རྒྱལ་པོ་མ་ཧེན་དྲ་སེ་ནའི་ཡུལ་དུ་དྲངས་པ་ལས། ཡུལ་དུ་དམག་ཕལ་མོ་ཆེ་བྱུང་བས་རྒྱལ་པོ་སྙིང་མི་དགའ་སྟེ། མྱ་ངན་བྱེད་ཅིང་
D356.076.0218a04.01འདུག་པ་ལ་བུ་དུ་སྤྲ་ས་ཧ་སྟས་ཕ་ལ་དྲིས་པ། ཡབ་འདི་ལྟར་ཐུགས་མི་དགྱེས་པ་ཅི་ལས་གྱུར་ཅེས་ཞུས་པ་དང་། ཕ་ན་རེ་རྒྱལ་པོ་གསུམ་གྱི་དམག་བྱིན་ཆེན་པོ་བདག་ཅག་གི་ཡུལ་དུ་བྱུང་བས་མི་དགའ་ཞེས་སྨྲས་པ་དང་། བུས་སྨྲས་པ། ཡབ་མི་དགྱེས་སུ་མ་མཛད་ཅིག་
D356.076.0218a05.01དམག་འདི་བདག་གིས་ཐུབ་པར་བགྱིའོ་ཞེས་བགྱིས་པ་དང་། ཕ་ན་རེ་ལེགས་སོ་ཞེས་སྨྲས་ནས། བུ་དང་བློན་པོའི་བུ་ཡ་མཚན་ཅན་ལྔ་བརྒྱ་ལ་སོགས་ཏེ། དམག་ཉིས་འབུམ་བཅས་ཏེ་བཏང་ནས་ཐབ་མོ་བྱས་པའི་ཚེ། སྨིན་མཚམས་ན་ལྕགས་ཀྱི་སྨེ་བ་ཡོད་པ་བསྐྱེད་
D356.076.0218a06.01ནས་ལུས་རིལ་ལྕགས་སུ་བྱས་ནས་རབ་ཏུ་ཁྲོས་ནས་བརྒལ་བ་དང་། དུ་སྤྲ་ས་ཧ་སྟའི་དམག་རྒྱལ་ཏེ་ཕྱིར་ལོག་པ་དང་། ཕ་ན་རེ་བུ་ཁྱོད་ཀྱིས་རྒྱལ་པོ་གསུམ་གྱི་དམག་འདི་ལྟ་བུ་དང་ཐབ་མོ་བྱས་པ་ལས་རྒྱལ་བ་ལེགས་སོ། །ད་ཕྱིན་ཆད་ཁྱོད་ཀྱིས་རྒྱལ་སྲིད་ཟུང་ཤིག །ང་
D356.076.0218a07.01