完整藏文原文 · 德格版页 当前仅加载第 76 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལས། ཤི་ཥྱ་ཀ་ན་རེ་མི་ལ་མིག་ཞར། སྣ་དང་རྣ་བ་མེད་ན་མེ་ལོང་ཅི་དགོས། བལྟར་ཅི་ཡོད། འདུལ་བ་བཤད་ཀྱང་ཁྱེད་འདུལ་བ་ལྟར་མི་སྤྱོད། ཚུལ་ཁྲིམས་མི་བསྲུང་བ་ལ་འདུལ་བ་བཤད་ཀྱང་ཅི་ཕན་ཞེས་སྨྲས་པ་དང་། དེའི་ཚེ་སུ་ར་ཏ་ཞེས་བྱ་བ་དགྲ་བཅོམ་པས་སེང་
D356.076.0219b01.01གེའི་སྒྲ་ཕྱུང་ནས་སྨྲས་པ། སངས་རྒྱས་བཅོམ་ལྡན་འདས་ཀྱི་ཚུལ་ཁྲིམས་ངས་མནོས་ནས་ད་ཙམ་གྱི་བར་དུ་རྩྭ་མཆོག་ཙམ་ཡང་མ་ཉམས་ན། འདི་སྐད་མ་ཟེར་བར་པྲཱ་ཏི་མོ་ཀྵ་ཐོན་ཅིག་པར་སྨྲས་པ་དང་། མཁན་པོ་ཤི་ཥྱ་ཀ་ཡང་དགྲ་བཅོམ་པར་ངོ་ཤེས་ཏེ་རབ་ཏུ་སྐྱེངས་ནས་ཅང་མི་
D356.076.0219b02.01ཟེར་བ་དང་། ཤི་ཥྱ་ཀའི་སློབ་མ་དགེ་སློང་ཨཾ་ག་ད་སྟེ་དཔུང་གི་ཚོགས་འཇིགས་སུ་རུང་ཞེས་བྱ་བ་དེ་འཁོར་འདུས་པའི་ནང་ནས་ལངས་ཏེ་སུ་ར་ཏ་ཞེས་བྱ་བ་དགྲ་བཅོམ་པ་དེ་ལ་ཁྱེད་ཅི་སྟེ་ངའི་མཁན་པོ་ལ་དེ་སྐད་སྨྲ། ཁྱོད་ཁྲིམས་ཀྱང་མེད། འདུལ་བ་ཡང་མི་ཤེས་ན། ངའི་མཁན་
D356.076.0219b03.01པོ་སྡེ་སྣོད་གསུམ་ལ་མཁས་པ་དེ་ལ་ཅིའི་ཕྱིར་ཁ་ཟློགས་ཤེས་ཁྲོས་ནས་སྒོ་གཏན་བླངས་ཏེ། དགྲ་བཅོམ་པ་བརྡེགས་ནས་བསད་དོ། །དེའི་ཚེ་ཆོས་ལ་དགའ་བའི་གནོད་སྦྱིན་ད་དྷི་མུ་ཁ་ཞོ་གདོང་དིར་རྒ་མུ་ཁ་ཞེས་བྱ་བས་ལག་པར་རྡོ་རྗེ་ཐོགས་ནས་མངོན་དུ་བྱུང་སྟེ། དགེ་སློང་
D356.076.0219b04.01ཨཾ་ག་ད་ལ། ཅི་སྟེ་དགྲ་བཅོམ་པ་བསད་ཅེས་ཟེར་ཏེ་རྡོ་རྗེ་ཕྱུང་ནས་བསད་དོ། །དེའི་དུས་ན་དགེ་སློང་གེ་རད་ཅེས་བྱ་བས་མཁན་པོ་ཤི་ཥྱ་ཀ་བརྡེགས་ཏེ་བསད་དོ། །དེ་ནས་དེའི་རྗེས་ལ་དགེ་འདུན་རིལ་གྱིས་འཁྲུགས་ནས་གཅིག་གིས་གཅིག་བསད་དེ་གཅིག་ཀྱང་མ་ལུས་
D356.076.0219b05.01སོ། །དེའི་དུས་ན་ནམ་མཁའ་ལ་ལྷ་ཀླུ་ལ་སོགས་པ་ཆོས་ཀྱི་སྲུང་མ་ཕལ་པོ་ཆེ་མ་དགའ་ནས་ངུས་པའི་མཆི་མ་ནི་ཁྲག་དང་མེའི་ཆར་བབ་བོ། །ནམ་མཁའ་དག་ནི་སེར་དང་ནག་པོར་གྱུར། གློག་དང་སྒྲ་ཆེན་པོ་བྱུང་། སྐར་མ་དྷཱུ་མ་ཀེ་ཏུ་ཞེས་བྱ་བ་ལུས་ལས་དུ་བ་ནག་པོ་གཏོང་
D356.076.0219b06.01བ་ཞིག་བྱུང་ནས། དེས་སྐར་མ་དང་ཟླ་བ་ལ་སོགས་པ་འོད་ཀྱང་མེད། གཅིག་ཀྱང་བལྟར་མི་སྣང་བར་འོང་ངོ་། །དེའི་དུས་ན་སུམ་ཅུ་རྩ་གསུམ་གནམ་གྱི་ལྷ་དང་། ཡུམ་མཱ་ཡཱ་དེ་བཱི་ལ་སོགས་པ་འཁོར་ཕལ་མོ་ཆེ་དང་དེར་འོངས་ནས་དགེ་འདུན་གྱི་གོས་ཚོན་ཅན་རིལ་གྱིས་
D356.076.0219b07.01