完整藏文原文 · 德格版页 当前仅加载第 76 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་ཁྲིམས་གང་ཡིན་ཞེས་དྲིས་ན། དེ་རྣམས་གང་གིས་ཀྱང་དགེ་སློང་གི་ལྟ་བ་དང་། ཚུལ་ཁྲིམས་དང་། བརྟུལ་ཞུགས་ཅུང་ཟད་ཀྱང་མི་ཤེས་པས་རྒྱལ་པོ་དེ་ལ་ལན་མ་བཏབ་པར་ཅང་མི་སྨྲ་བར་འཁོད་པ་དང་། རྒྱལ་པོས་བསམས་པ། ད་ནི་སངས་རྒྱས་ཀྱི་བསྟན་པ་ནུབ་སྟེ།
D356.076.0220b01.01དཀོན་མཆོག་གསུམ་གྱི་ཚུལ་ཡང་དག་པར་རྒྱུན་ཆད་པ་ལྟ་ཞིག་སྙམ་ནས་རྒྱལ་པོ་ཡང་མྱ་ངན་ཆེན་པོ་ལངས་ཏེ་ངུ་བར་འགྱུར་རོ། །དེ་ནས་རྒྱལ་པོ་དེས་བན་དེ་ཕལ་པོ་ཆེ་བཏུངས་ཏེ་ཤི་བའི་རོ་རྣམས་བླངས་ཏེ་བསྲེགས་ནས་མཆོད་པ་བྱས་ཏེ། དེའི་འོག་ཏུ་རྒྱལ་པོ་ཉིད་ཀྱང་བསྟན་པ་
D356.076.0220b02.01ནུབ་པའི་ཐུགས་ངན་གྱིས་ཞལ་འཚོས་ཏེ་འདས་སོ། །དེའི་ཚེ་དེའི་དུས་ན་འཛམ་བུའི་གླིང་གི་དམ་པའི་ཆོས་རིལ་གྱིས་ནུབ་སྟེ། གསུང་རབ་ཀྱི་ཡི་གེ་རྣམས་ཀྱང་དུང་ཕྱིས་པ་བཞིན་དུ་བལྟར་མི་མངོན་པར་གྱུར་ཏོ། །གསེར་ནི་དངུལ་དུ་འགྱུར་རོ། །དངུལ་ནི་ཟངས་དང་ལྕགས་
D356.076.0220b03.01སུ་འགྱུར་རོ། །ཟངས་དང་ལྕགས་ནི་རྡོར་འགྱུར་རོ། །རིན་པོ་ཆེ་དང་མུ་ཏིག་ནི་རྭར་འགྱུར་རོ། །ཁ་ཟས་ནི་རོ་དྲུག་ཡོད་པ་ལས་མངར་བ་དང་། སྐྱུར་བ་དང་། ལན་ཚྭའི་རོ་ལ་སོགས་པ་ནི་ནུབ་པོ། །ཁ་བ་དང་། བསྐ་བ་གཉིས་ནི་ལུས་སོ། །སངས་རྒྱས་བཅོམ་ལྡན་འདས་
D356.076.0220b04.01ཤཱཀྱ་ཐུབ་པ་ལ་འཕགས་པ་ཟླ་བའི་སྙིང་པོས་ཞུས་པའི་མདོ་ལས། སངས་རྒྱས་མྱ་ངན་ལས་འདས་ནས་བསྟན་པ་གནས་པ་དང་འཇིག་པའི་ཚུལ་ལུང་བསྟན་པའི་སྐབས་རྫོགས་སོ།། །།
D356.076.0220b05.01