德格《甘珠尔》D359

ངོ་རྒྱུ་སྐར་མཱུ་ལཾའི་ཉི་མ་ལ་ཆར་ཆེར་བབ་ལ་འཇའ་བྱུང་ན། རྒྱལ་རིགས་རྣམས་ལ་གནོད་པར་འགྱུར། དབྱར་ཟླ་ཐ་{ཆུངས་ཀྱི་,ཆུང་གི་}ངོ་རྒྱུ་སྐར་ཨུཏྟ་ར་བྷདྲ་པཱ་དཱའི་ཉི་མ་ལ་ས་ལས་སྒྲ་བྱུང་ངམ། རླུང་ནག་པོ་ལངས་ན་ཡུལ་དེར་མུ་གེ་འབྱུང་། དབྱར་ཟླ་འབྲིང་པོའི་ངོ་ཕྱོགས་མཚམས་དག་ནས་སྒྲ་ཆེན་པོ་བྱུང་ན་

ཡུལ་ཕྱོགས་དེར་ཁྲག་ཁྲུག་ཆེན་པོ་འབྱུང་། སྟོན་ཟླ་ར་བའི་ངོ་རྒྱུ་སྐར་བྷ་ར་ཎཱིའི་ཉི་མ་ལ་གནམ་ལས་སྒྲ་ཆེན་པོ་བྱུང་ན་བཙུན་པ་དང་། དཀའ་ཐུབ་ཅན་རྣམས་ལ་གནོད་པ་འབྱུང་། སྟོན་ཟླ་ར་བའི་ངོ་དབང་པོའི་ཉི་མ་ལ་གནམ་ནས་སྒྲ་བྱུང་ན་མི་ལེ་ལོ་ཅན་དང་། ཕྱུགས་ལ་གནོད་པ་འབྱུང་། སྟོན་ཟླ་ཐ་

{ཆུངས་ཀྱི་,ཆུང་གི་}ངོ་རྒྱུ་སྐར་དྷ་ནི་ཥྠཱའི་ཉི་མ་ལ་གནམ་ལས་རོལ་མོའི་སྒྲ་བྱུང་ན་རྩྭ་དང་། ལོ་ཏོག་ལེགས་པར་འགྱུར། ཆར་དུས་སུ་འབབ། མཇུག་ཏུ་མི་ནད་འབྱུང་། དགུན་ཟླ་ར་བའི་ངོ་རྒྱུ་སྐར་སྭཱ་ཏཱིའི་ཉི་མ་ལ་གནམ་ལས་སྒྲ་ཆེན་པོ་འབྱུང་ཞིང་གནམ་འཁྲུག་ན་ཡུལ་འཁོར་དེར་འཇིགས་པ་ཆེན་པོ་འབྱུང་། དགུན་

ཟླ་ཐ་{ཆུངས་ཀྱི་,ཆུང་གི་}ངོ་རྒྱུ་སྐར་ཛྱེཥྛཱའི་ཉི་མ་ལ་ཚུབ་མ་ལངས་ཤིང་ས་གཡོས་ན་དགེ་སྦྱོང་དང་། བྲམ་ཟེ་རྣམས་ལ་བགེགས་དང་གནོད་པ་འབྱུང་། དཔྱིད་ཟླ་ར་བའི་ངོ་རྒྱུ་སྐར་པཱུརྦཱ་བྷ་དྲཱ་པཱ་དཱའི་ཉི་མ་ལ་ཉིན་པར་ས་གཡོས་ན་ལོ་གཉིས་ཀྱི་བར་དུ་དུས་སུ་ཡུལ་ཁམས་དེར་དམག་འོང་། དཔྱིད་ཟླ་འབྲིང་པོའི་ངོ་རྒྱུ་

སྐར་པཱུརྦཱ་ཤཱཌྷཱའི་ཉི་མ་ལ་ས་འགུལ་ན་བློན་པོས་རྒྱལ་པོ་བསད་པ་དང་། ཡུལ་ཁམས་དེར་འཁྲུག་པ་ཆེན་པོ་འབྱུང་། དབྱར་ཟླ་འབྲིང་པོའི་ངོ་རྒྱུ་སྐར་མཱུ་ལཾ་དབང་བ་ལ་ནུབ་མོ་ས་གཡོས་ན་ཁམས་ཀྱི་དབང་པོ་རྣམས་ལ་གནོད་པ་འབྱུང་། དབྱར་ཟླ་ཐ་{ཆུངས་ཀྱི་,ཆུང་གི་}ངོ་རྒྱུ་སྐར་རོ་ཧི་ཎཱི་དབང་བ་ལ་ནུབ་མོ་ས་གཡོས་

ཤིང་རླུང་དམར་བྱུང་། ཆར་མ་བབ་ན་འབྲུ་ཟན་མ་རུངས་པར་འགྱུར་ཞིང་དམག་འོང་། སྟོན་ཟླ་འབྲིང་པོའི་ངོ་རྒྱུ་སྐར་ཨུཏྟ་ར་བྷ་དྲཱ་པཱ་དཱའི་ཉི་མ་ལ་ཉིན་པར་ས་གཡོས་ན་ཕ་རོལ་གྱི་དགྲས་རྒྱལ་པོ་དེ་ཕམ་པར་འགྱུར། ཡུལ་ཕྱོགས་ཀྱང་ཆོམ་རྐུན་གྱིས་འཇིགས་པར་འགྱུར། སྟོན་ཟླ་ཐ་{ཆུངས་ཀྱི་,ཆུང་གི་}ངོ་རྒྱུ་སྐར་ཀཱརྟི་

ཀཱའི་ཉི་མ་ལ་ས་གཡོས་ན་གྲོང་ཁྱེར་ཆེན་པོ་དང་། ཁང་ཁྱིམ་འཇིག་ཅིང་མུ་གེ་འབྱུང་། དགུན་ཟླ་ར་བའི་ངོ་རྒྱུ་སྐར་ཨ་ཤྭི་ནཱི་དང་། ཨུཏྟ་ར་ཕལ་གུ་ཎཱི་དབང་བའི་ནུབ་མོ་ས་གཡོས་ན་བྱིས་པ་ཆུང་ངུ་དང་། བུད་མེད་སྦྲུམ་མ་ལ་བགེགས་དང་གནོད་པ་འབྱུང་། དགུན་ཟླ་འབྲིང་པོའི་ངོ་རྒྱུ་སྐར་མྲྀ་ག་ཤི་རཱ་དང་། པཱུརྦཱ་