完整藏文原文 · 德格版页 当前仅加载第 76 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
བྷ་དྲཱ་པཱ་དཱའི་ཉིན་པར་ས་གཡོས་ན་རྐང་འགྲོས་ལ་བགེགས་དང་གནོད་པ་འབྱུང་། དབང་པོའམ། མ་གྷཱའི་ཉི་མ་ལ་གཙུག་ལག་ཁང་སྐུ་གཟུགས་གཡོས་ཤིང་འགུལ་ལམ། ས་འཕོས་ན་ཡུལ་ཁམས་དེ་མྱུར་དུ་འཇིག་པར་འགྱུར། གཙུག་ལག་ཁང་གི་སྐུ་གཟུགས་གདན་ལས་འཕོས་
D359.076.0280a01.01སམ། དངུལ་ལྟ་བུ་བྱུང་ངམ། འགྱེལ་ན་ཡུལ་ཁམས་དེ་རྒྱལ་པོ་དང་བཅས་པར་རྒྱལ་ཁམས་གཞན་གྱི་དབང་དུ་འགྱུར། གཙུག་ལག་ཁང་གི་སྐུ་གཟུགས་འཕོས་སམ། སྤྱན་ནས་མཆི་མ་བྱུང་ན་ཡུལ་ཁམས་དེའི་མི་དཔའ་བོ་གཅེས་པ་བུ་སྨད་དང་བཅས་པར་ཡུལ་བྱུང་བར་འགྱུར། གཙུག་ལག་ཁང་གི་
D359.076.0280a02.01སྐུ་གཟུགས་གདན་ལས་འཕོས་སམ། འགུལ་ལ་ལྷ་ཁང་ནས་དུད་པ་འདྲ་བ་བྱུང་ན། ཡུལ་ཁམས་དེའི་རྒྱལ་པོ་ལ་གནོད་པར་འགྱུར། གཙུག་ལག་ཁང་ཆེན་པོ་དང་། གནས་ཁང་ལྟ་བུ་གཡོས་ན། གྲོང་ཁྱེར་དེ་ཕྱོགས་རྒྱལ་ཁམས་གཞན་གྱིས་གནངས་སུ་བཅད་པའམ་མེས་ཚིག་པར་འགྱུར། ཟླ་བའི་ཟུར་
D359.076.0280a03.01ལ་གཟའ་ཕུར་བུ་བྱུང་ན་མི་ཕྱུག་པོ་ལ་རྒྱལ་པོས་ནོར་འཕྲོག་ཅིང་གནོད་པར་འགྱུར། ཉི་ཟླ་དམར་པོར་སོང་ན་ཁམས་ཀྱི་དབང་པོ་ལ་གནོད་པ་འབྱུང་། གཟའ་སྤེན་པ་ཟླ་བའི་སྟེང་དུ་བྱུང་ན་ཡུལ་འཁོར་དེར་འཇིགས་པ་ཆེན་པོ་དང་བགེགས་འབྱུང་། ལྟས་འདི་རྣམས་བྱུང་བའི་དུས་སུ་ཟླ་བ་གཟས་ཟིན་ན་རྒྱལ་པོ་
D359.076.0280a04.01ཆེན་པོ་རྣམས་ལ་གནོད་པ་དང་བགེགས་འབྱུང་། རྒྱལ་པོ་དང་པོ་སྐྱེས་པའི་རྒྱུ་སྐར་གྱི་སྟེང་དུ་ཟླ་བ་བྱུང་ཞིང་། ཟླ་བའི་སྟེང་དུ་ཡང་གཟའ་མཇུག་{རིངས་,རིང་}བྱུང་ན། ཡུལ་ཁམས་དེའི་རྒྱལ་པོ་དང་། རྒྱལ་ཁམས་ཉེ་བ་གཞན་གྱི་རྒྱལ་པོ་དང་འཐབ་མོ་འོང་། གཟའ་སྤེན་པ་རྒྱུ་སྐར་རོ་ཧ་ཎཱི་དང་། ཀཱརྟི་ཀཱའི་དབུས་སུ་ཤར་
D359.076.0280a05.01ན་རྒྱལ་ཁམས་དེའི་མི་ཐམས་ཅད་ལ་གནོད་པ་ཆེན་པོ་དང་། བགེགས་བྱུང་ནས་མི་སུམ་ཆ་ཅིག་ལུས་པར་འགྱུར། གཟའ་པ་བ་སངས་དང་། རྒྱུ་སྐར་མ་གྷཱ་དང་པཱུརྦ་ཕལ་གུ་ནི་ཟླ་བའི་དབུས་སུ་ཤར་ན་ལོ་ཏོག་ལ་གནོད་པ་འབྱུང་། གཟའ་ཕུར་བུ་དང་། པ་བ་སངས་དང་། སྤེན་པ་རྣམས་དམར་པོར་སོང་ན་ཡུལ་ཁམས་དེར་འཇིགས་
D359.076.0280a06.01པ་ཆེན་པོ་འབྱུང་། གཟའ་མཇུག་{རིངས་,རིང་}རྒྱུ་སྐར་པུཥྱཱའི་སྟེང་དུ་ཤར་ན་རིང་པོ་མི་ཐོགས་པར་ཕྱོགས་བཞི་ནས་དམག་ཆེན་པོ་འབྱུང་། གཟའ་ཕུར་བུ་དང་། མིག་དམར་རྒྱུ་སྐར་ཤྲ་བ་ཎཱའི་སྟེང་དུ་ཤར་ན་ལོ་གསུམ་གྱི་བར་དུ་ཡུལ་ཁམས་དེར་འཇིགས་པ་ཆེན་པོ་དང་གནོད་པ་འབྱུང་། གཟའ་ཕུར་བུ་དང་། སྤེན་པ་རྒྱུ་སྐར་བི་ཤཱ་ཁཱའི་
D359.076.0280a07.01