完整藏文原文 · 德格版页 当前仅加载第 76 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར། བསྐྱེད་ཤིང་འགྲོ་བ་ལྟར་སྣང་ན་ཡུལ་འཁོར་དེར་འཇིགས་པ་ཆེན་པོ་འབྱུང་། བསྐྱེད་ཤིང་ལྷག་པར་བགྱིད་ཅིང་གསལ་བར་སྣང་ན་ཡུལ་ཁམས་དེའི་རྒྱལ་པོ་ཚེ་ཐུང་བར་འགྱུར། འཇིག་རྟེན་པའི་ལྷ་མཆོད་པའི་ཚེ་ལྷ་སྨྲའམ་འཛུམ་ན། རྒྱལ་པོ་ལ་བགེགས་དང་གནོད་པ་འབྱུང་།
D359.076.0281a01.01མེ་ཏོག་གི་ཆར་འབབ་པའམ། རླུང་དམར་ལངས་ཤིང་གནམ་ལས་སྲིན་བུ་བབ་ན་ཡུལ་ཁམས་དེར་ཆོམ་རྐུན་གྱིས་འཇིག་པར་འགྱུར། འཇིག་རྟེན་པའི་ལྷ་ཁང་དུ་མེ་མ་བུས་པར་དུ་བ་བྱུང་ཞིང་། ལྷ་ཡང་མཚན་དང་ཆོ་འཕྲུལ་སྟོན་ན་རྒྱལ་པོ་ལ་བགེགས་དང་གནོད་པ་འབྱུང་། འཇིག་རྟེན་པའི་ལྷ་ཁང་དུ་མེ་
D359.076.0281a02.01མར་མ་བུས་པར་མེ་མར་འདྲ་བར་སྣང་ན་རྒྱལ་པོའི་གནང་ཆེན་ལ་བགེགས་དང་གནོད་པ་འབྱུང་། རྒྱལ་པོ་བཙུན་མོའི་འཁོར་དུ་སོང་སྟེ་འདོད་ཆགས་མི་ལྡང་ན་རྒྱལ་པོའི་ཕོ་བྲང་མེས་ཚིག་ཅིང་རྒྱལ་པོ་ལ་མི་དགེ་བ་སྣ་ཚོགས་འབྱུང་། ཆར་པ་དང་སེར་བ་འབབ་ལ། གནམ་ལ་ཁ་དོག་གསལ་བ་དག་བྱུང་ན་ཡུལ་
D359.076.0281a03.01ཁམས་དེར་འཇིགས་པ་ཆེན་པོ་འབྱུང་། གྲོང་ཁྱེར་ཚུབ་མས་བསྐོར་ཅིང་འགྲོ་བ་དང་། རླུང་དམར་ལངས་ཤིང་ཆར་པ་ཁྲག་འདྲ་བ་བབ་ན་ཡུལ་ཁམས་དེར་འཇིགས་པ་ཆེན་པོ་འབྱུང་། གློག་འབྱུང་ཞིང་ཆར་པ་འབབ་ལ་སྤྲིན་འཁོར་ལིང་འཁོར་ལིང་དུ་ཆད་དེ། སྤྲིན་འཁོར་ལིང་དུ་ཆད་པའི་བར་བར་ན་དྲི་ཟའི་གྲོང་ཁྱེར་
D359.076.0281a04.01འདྲ་བ་སྣང་ན་ཡུལ་ཁམས་དེར་འཇིགས་པ་ཆེན་པོ་འབྱུང་། ཟླ་བ་དམར་པོར་གྱུར་ན་ཡུལ་ཁམས་དེར་གྲོང་ཁྱེར་མེས་ཚིག་པ་དང་། རིམས་ཀྱིས་མི་ངས་པར་འགྱུར། ཟླ་བ་མཐའ་དམར་ལ་དབུས་ནག་པོར་སོང་ན་ཡུལ་ཁམས་དེར་འཇིགས་པ་ཆེན་པོར་འགྱུར། ཟླ་བའི་ཁ་དོག་བཙག་འདྲ་བར་དམར་པོར་སྣང་ལ་སླར་
D359.076.0281a05.01ཡང་འཕྲལ་དུ་དཀར་པོའི་རང་བཞིན་དུ་གྱུར་ན་རླུང་མི་ལྡང་བར་དྲག་པོར་འབབ། རི་སྐམ་ལྟ་བུར་ཆུ་མིག་བྱུང་ན་ལོ་ཏོག་ལེགས་པར་འགྱུར། མེ་མ་བུས་པར་ཡུལ་ཁམས་དེར་དུ་བ་བྱུང་ན་ཡུལ་ཁམས་དེར་འཇིགས་པ་ཆེན་པོ་འབྱུང་། མདའ་གཞུ་སྐྱིས་ཀོར་ལ་མེའམ་དུད་པ་བྱུང་ན་ཡུལ་ཁམས་དེར་དགྲའི་འཇིགས་པ་འབྱུང་
D359.076.0281a06.01ངོ་། །དེ་སྐད་ཅེས་བཅོམ་ལྡན་འདས་ཀྱིས་བཀའ་སྩལ་པ་དང་། རྒྱལ་པོ་གཟུགས་ཅན་སྙིང་པོ་འཁོར་དང་བཅས་པ་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ།། །།མིག་བཅུ་གཉིས་པ་ཞེས་བྱ་བའི་མདོ་རྫོགས་སོ།། །།
D359.076.0281a07.01