完整藏文原文 · 德格版页 当前仅加载第 77 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་དག་རྒྱལ་བའི་རིགས་ཀྱིས་ཡན་ལག་ཁ་རྣམས་སྦྱང་བར་བྱ་སྟེ་ཤེས་རབ་ཡེ་ཤེས་དབང་སྦྱིན་བྱ། །རྒྱལ་བ་དཔའ་བོར་བྱས་ཏེ་སློབ་མའི་དོན་དུ་ཕྱག་རྒྱ་སྦྱིན་དང་གཞན་ཡང་བླ་མ་ལ་ཡང་འདིར། །རྒྱན་རྣམས་ཐམས་ཅད་ལྡན་པའི་གསེར་ཞུན་དང་ནི་
D365.077.0148a01.01མཚུངས་པའི་ལོ་ཉིད་བཅུ་གཉིས་མ་སྟེ་བུ་མོ་མཛེས། །ཐབས་དང་ཤེས་རབ་བདག་ཉིད་ལྡན་པས་རང་གི་རྡོ་རྗེ་ནོར་བུས་སྤྱད་བྱ་ཉིད་ནི་ཆགས་བཅས་ལ། །སློབ་མ་དག་པ་ཤེས་ནས་རྡོ་རྗེ་ས་བོན་བཅས་པ་ཁར་ནི་ཡང་དག་གཞུག་པར་བྱ་བ་ཉིད། །ཕྱིས་ནི་རང་གི་ཕྱག་རྒྱ་བུ་
D365.077.0148a02.01ལ་བྱིན་ནས་དེ་ནས་གཞན་ཡང་དུ་བའི་ལམ་ལ་སོགས་ལྡན་ཡང་། །སྐྲག་དང་འཁྲུལ་པའི་སེམས་དང་གཡོ་དང་གཞན་གྱི་དབང་དུ་འགྲོ་བ་དང་ནི་ནང་ལྡན་བུ་བཅས་དང་། །ཁྲོ་ལྡན་ཁེངས་ཤིང་འདོད་ལ་ཆགས་དང་{བརྫུན་,རྫུན་}དང་རྩོད་པ་ལ་དགའ་ཡན་ལག་ཉམས་དང་མ་དག་
D365.077.0148a03.01པ། །དེ་ལྟ་བུ་རྣམས་ཤེས་རབ་ཡེ་ཤེས་དབང་དུ་ཤིན་ཏུ་འབད་དེ་བླ་མས་སྤང་བྱ་མི་དབང་པོ། །སླར་གསུངས་སངས་རྒྱས་བླ་མ་དག་ལ་གུས་ལྡན་དམ་ཚིག་འཛིན་ལ་ཕྱག་འཚལ་བ་དང་མཆོད་པར་བྱ། །འགྲོ་བ་རྣམས་ཀྱི་རང་གི་ཡིད་ཉིད་འདོད་ཆགས་ཀྱིས་ནི་འཁྲུགས་
D365.077.0148a04.01པར་བྱེད་དང་གང་བར་འགྱུར་བ་ཉིད། །ཡན་ལག་མཆོག་ལ་གང་བ་ལས་ནི་འབར་བས་རི་བོང་འཛིན་པ་ཞུ་ནས་ཡང་དག་འཛག་པ་ཉིད། །ཨོཌྜ་དགུག་པར་རབ་ཏུ་བྱས་པས་མཆོག་གི་བདེ་བ་སྟེར་བ་ཐིག་ལེ་ཐར་པ་གསུམ་གྱི་མཐར། །སྣང་རེག་འདུས་དང་འགྱུར་དང་
D365.077.0148a05.01བདེ་བ་རྣམས་ཏེ་དགའ་བའི་དབྱེ་བ་ལ་སོགས་པ་ཡིས་དེ་ལྟར་རོ། །དང་པོར་ཡང་ནི་མི་རྣམས་ཀུན་གྱིས་མིག་གིས་བལྟས་པ་འདི་ཡིས་འདོད་ཆགས་འཁྲུགས་པ་དགའ་བ་སྟེ། །ཕྱི་ནས་གང་བ་རང་གིས་ལུས་ལ་རབ་ཏུ་འདུས་པ་མཆོག་ཏུ་དགའ་བ་ཉིད་དུ་འགྱུར་བའོ། །
D365.077.0148a06.01འབར་བ་ཡང་དག་རོལ་པས་རྡོ་རྗེ་ལས་ནི་པདྨར་ཐིག་ལེ་འཛག་པ་ཁྱད་པར་དགའ་བའོ། །ཨོཌྜ་རྡོ་རྗེ་ལས་ནི་ཐིག་ལེ་གསུམ་གྱི་མཐའ་རུ་བདེ་བ་འགྱུར་བྱེད་ལྷན་ཅིག་སྐྱེས་དགའོ། །འདོད་དང་དགའ་དང་གཡོ་བ་དང་ནི་མི་འགྱུར་བ་སྟེ་བཞི་རྣམས་ཀྱིས་ནི་དེ་ཡི་སྦྱོར་བ་གཅིག །
D365.077.0148a07.01