完整藏文原文 · 德格版页 当前仅加载第 77 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་བུ་རྣམས་ཀྱི་སྐྱེ་བ་འདིར། །འདོད་པས་སྤྲུལ་པའི་སྐུ་རུ་ངེས་པར་འགྱུར་ཏེ་གང་བ་རྫོགས་པ་གསུང་དུ་རབ་ཏུ་འགྱུར་བའོ། །འབར་བ་སྤྲུལ་པའི་ཐུགས་ཏེ་ཨོཌྜ་ལས་ནི་མཆོག་ཏུ་བདེ་བར་མཛད་པའི་ཡེ་ཤེས་ཞེས་སུ་བརྗོད། །དགའ་བ་ལོངས་སྤྱོད་རྫོགས་པའི་སྐུ་སྟེ་མཆོག་
D365.077.0150a01.01དགའ་ཁྱད་པར་དགའ་དང་བཅས་པ་དག་གི་རིམ་པ་ཡིས། །གསུང་དང་ཐུགས་ཏེ་ལྷན་ཅིག་སྐྱེས་པའི་དགའ་བ་སོགས་ལས་ཡེ་ཤེས་རྡོ་རྗེ་ལ་སོགས་འབྱུང་བར་བྱེད། །གཡོ་བ་ངེས་པར་ཆོས་ཀྱི་སྐུ་སྟེ་སྲིད་གསུམ་ཕྱག་བྱས་པ་དང་འབྱུང་བར་འགྱུར་བ་དེ་ཡི་གསུང་། །གཉིད་ནི་ངེས་པར་
D365.077.0150a02.01ཆོས་ཀྱི་ཐུགས་ཏེ་ཏུརྱ་དེ་ཡི་ཡེ་ཤེས་ཉིད་ཡིན་སྲིད་པའི་འཇིགས་པ་འཇོམས། །ཡི་གེ་ངེས་པར་དག་པའི་སྐུ་སྟེ་དབྱངས་དང་བྲལ་བའི་ཆ་དང་ཐིག་ལེ་སྒྲ་ཙམ་རིམ་པ་ཡིས། །གསུང་དང་ཐུགས་དང་ཡེ་ཤེས་རྡོ་རྗེ་སྲིད་པ་རྣམ་གསུམ་ལ་གནས་དག་པའི་སྐུ་རུ་སྐྱེད་པར་བྱེད། །སད་དང་རྨི་ལམ་རང་
D365.077.0150a03.01བཞིན་དག་དང་གཞན་ཡང་དེ་བཞིན་གཉིད་ལོག་པ་དང་ཏུརྱའི་རང་བཞིན་རྣམས། །ལུས་གནས་པ་དང་དབུགས་ཉིད་ཐིམ་པ་རྣམ་པར་རྒྱུ་དང་ཡུལ་ལས་བསྐྱོད་པ་མེད་པའི་སེམས་ཐིམ་པ། །ཡེ་ཤེས་གནས་ཀྱང་བུད་མེད་དང་ནི་རབ་འདུས་པ་ལས་བྱང་ཆུབ་སེམས་ཞུ་གྱུར་པའི་སྐད་ཅིག་ནི། །
D365.077.0150a04.01སྤྲུལ་པ་ལ་སོགས་རིམ་པས་ཐུགས་ཀྱི་རྡོ་རྗེ་རྣམ་པ་བཞི་རུ་ངེས་པར་རབ་ཏུ་འགྱུར་བའོ། །དེ་ལྟར་སེམས་ནི་རྣམ་པ་བཞི་རྣམས་སྲིད་པ་རྣམ་གསུམ་གྱུར་པའི་སྲོག་ཆགས་རྣམས་ཀྱི་ཐིག་ལེའི་དབུས། །ཁྱབ་བྱེད་བདེ་མཉམ་འབྲས་སྟེར་ཐར་པའི་རྒྱུ་རུ་རྣལ་འབྱོར་དབང་པོ་རྣམས་ཀྱིས་བསྲུང་
D365.077.0150a05.01བར་བྱ་བ་ནི། །རྣལ་འབྱོར་རྣམས་ལ་མཆོག་གི་བདེ་བ་བསྐྱེད་པར་ས་བོན་ཐིག་ལེ་བཏང་ན་ཐར་པར་ག་ལ་འགྱུར། །དེ་ཕྱིར་འཁོར་བའི་བདེ་བ་སྐད་ཅིག་མ་འདི་བརྟུལ་ཞུགས་ཅན་རྣམས་ཀྱིས་ནི་རྒྱུན་དུ་སྤང་བར་བྱ། །དཔལ་དུས་ཀྱི་འཁོར་ལོའི་ཚིགས་སུ་བཅད་པ་སུམ་ཅུ་ལྷག་
D365.077.0150a06.01པའི་སྟོང་ཕྲག་གཅིག་པ་ལས་མདོར་བསྡུས་པ་དབང་རབ་ཏུ་བྱེད་པ་རྫོགས་སོ།། །།རྒྱ་གར་གྱི་པཎྜི་ཏ་མཁས་པ་ཆེན་པོ་ས་མནྟ་ཤྲཱི་དང་། ལོཙྪ་བ་དགེ་སློང་ཆོས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D365.077.0150a07.01