完整藏文原文 · 德格版页 当前仅加载第 77 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
མུན་འཇོམས་ཀུན་ལ་ཁྱབ་པ་མཁའ་མཚུངས་རྣལ་འབྱོར་པ་ཡི་གོ་བྱ་བ། །ལུས་ལ་གནས་པའི་ཡེ་ཤེས་གཟི་བརྗིད་སྲིད་པའི་དྲི་མ་འཇོམས་པ་དུས་ཀྱི་འཁོར་ལོས་རྗེས་ཁྱབ་པས། །སེམས་ཀྱི་སྣང་བ་ཙམ་སྟེ་རང་གི་ཡིད་ལས་སྐྱེས་པ་མེ་ལོང་གི་ནི་གཟུགས་བརྙན་ལྟ་བུར་ངེས། །
D365.077.0149a01.01མ་ལུས་རྒྱལ་སྲས་རྣམས་དང་སངས་རྒྱས་རྣམས་ཀྱིས་བསྟེན་པ་རྣལ་འབྱོར་དབང་པོ་རྣམས་ཀྱིས་བསྟེན་བྱས་ན། །ཡེ་ཤེས་སྣང་བ་དེ་ཉིད་རབ་ཏུ་ཤར་བས་བདུད་དཔུང་ཡུལ་དང་བཅས་པ་མཐའ་དག་བསྲེགས་པ་དང་། །ཆགས་པ་ལ་སོགས་རྣམས་ཀྱིས་རྣལ་འབྱོར་པ་རྣམས་ལུས་ལ་ལོ་གཅིག་
D365.077.0149a02.01སྦྱོར་བས་བདེ་མཉམ་སྟེར་བར་བྱེད། །ཤེས་རབ་ཡེ་ཤེས་ཞེས་པ་སེམས་ཀྱི་སྣང་བ་ཉིད་དེ་དེ་ཡང་རྣམ་པ་བཅུ་རུ་འགྱུར་བའོ། །དབང་འདིར་ཞུགས་པ་གང་ཞིག་དྲི་མ་མེད་པའི་རི་བོང་ཅན་མཚུངས་མེ་ལོང་གཟུགས་བརྙན་ལྟ་བུར་ངེས། །དེ་ནས་བདེ་བ་འཛག་པ་མེད་པ་ལྷན་ཅིག་སྐྱེས་པ་
D365.077.0149a03.01འགྱུར་མེད་བཞི་པ་མྱ་ངན་འདས་པར་རེག །དེས་ན་སངས་རྒྱས་ཞལ་ནི་གང་གི་ཐུགས་དང་ཞལ་ལ་གནས་པ་དེ་ཉིད་དཔལ་ལྡན་བླ་མའོ། །ནམ་མཁར་ཆགས་པའི་སེམས་ཀྱི་མིག་མི་འཛུམས་པ་དང་ནི་རྡོ་རྗེའི་ལམ་དུ་རབ་ཏུ་ཞུགས་རྣམས་ཀྱིས། །སྟོང་པ་ལས་ནི་དུ་བ་སྨིག་རྒྱུ་རབ་ཏུ་གསལ་
D365.077.0149a04.01བ་དྲི་མེད་སྲིན་བུ་མེ་ཁྱེར་མར་མེ་དང་། །འབར་དང་ཉི་མ་ཟླ་བ་རྡོ་རྗེ་རྣམས་ཀྱང་གཞན་ཡང་མཆོག་གི་ཆ་དང་ཐིག་ལེ་ཉིད་རྣམས་སོ། །དེ་ཡི་དབུས་སུ་སངས་རྒྱས་སྐུ་ནི་ཡུལ་དང་རྣམ་པར་བྲལ་བ་ལོངས་སྤྱོད་རྫོགས་སྐུ་དུ་མའོ། །ཆུ་འཛིན་བྲལ་བའི་མཁའ་ལ་སྣང་བ་རྣལ་འབྱོར་རྩེ་གཅིག་གནས་
D365.077.0149a05.01པའི་ལྟ་བས་ལྟ་བར་བྱ་བ་ནི། །ཇི་སྲིད་ངེས་པར་རི་མོ་ནག་པོ་དྲི་མེད་འོད་ཟེར་འཕྲོ་བ་མཐོང་བ་དུས་ཀྱི་རྩ་ཡིས་སོ། །དེར་ནི་ཐམས་ཅད་མཁྱེན་པའི་སྐུ་ནི་ཆུ་ནང་ཉི་མ་བཞིན་དུ་རྙོག་པ་མེད་པ་སྣ་ཚོགས་མདོག །ཡུལ་དང་རྣམ་པར་བྲལ་བའི་རྣམ་པ་མ་ལུས་རང་གི་སེམས་ཏེ་གཞན་གྱི་སེམས་ཉིད་མ་ཡིན་ནོ། །
D365.077.0149a06.01སྐུ་མཐོང་གྱུར་ནས་ཉིན་ཞག་སོ་སོའི་དུས་སུ་སྲོག་གི་རླུང་ཉིད་རབ་ཏུ་དགག་པར་བྱས་པ་དང་། །བརྟུལ་ཞུགས་ཅན་རྣམས་ལམ་གྱི་སེམས་ནི་ཟླ་བ་དྲུག་གིས་རེག་བྱ་བྲལ་ནས་བདེ་མཉམ་འགྱུར་བའོ། །ཇི་སྲིད་ངེས་པར་རང་གི་ལུས་ལ་འོད་ཟེར་འཁོར་ལོས་ཡོངས་སུ་འཁོར་བར་བྱེད་པ་མཐོང་བའི་བར། །
D365.077.0149a07.01